Hamsad Rangkuti

Hamsad Rangkuti ingkang miyos wonten ing Titikuning, Medan, Sumatera Utara ing tanggal 7 Mèi 1943 inggih punika salah satunggaling sastrawan saha pujangga Indonésia ingkang nyerat cerkak utawi carita pendek ingkang misuwur kanthi irah-irahan "Maukah Kau Menghapus Bekas Bibirnya di Bibirku dengan Bibirmu". Nama aslinipun Hamsad Rangkuti inggih punika Hasyim Rangkuti.

Hamsad Rangkuti

Biografi

Sareng kaliyan gangsal sedhèrèkipun, Hamsad nelasaken jaman alitipun ing Kisaran, Asahan, Sumatra Utara. Piyambakipun remen ngrencangi bapakipun ingkang makarya minangka penjaga dalu ing pasar kitha perkebunan. Piyambakipun ugi mbiyantu ibunipun makarya dados bakul woh-wohan saha buruh ingkang pados uler ing kebon sotong. Amargi boten saged lengganan koran saha mundhut buku, Hamsad sregep maos koran templek ing kantor wedana ingkang wonten. Saking koran-koran kala wau, piyambakipun saged tepang kaliyan karya-karyanipun pujangga ingkang sampun misuwur rumiyin, kados ta: Anton Chekov, Ernest Hemingway, Maxim Gorki, O. Henry, saha Pramoedya Ananta Toer. Lajeng wiwit punika piyambakipun remen kanggé nyerat karya sastra. Cariyos cekak ingkang sapisan dipundamel nalika taksih sekolah ing SMP ing Tanjungbalai, Asahan, ing taun 1959. Cerpenipun ingkang irah – irahanipun "Sebuah Nyanyian di Rambung Tua" kapacak wonten ing satunggaling koran ing Medan. Hamsad namung saged nerasaken sekolah ngantos kelas 2 SMA ing taun 1961, amargi boten gadhah arta. Lajeng piyambakipun makarya dados punggawa sipil ing kantor kehakiman Komando Daerah Militer II Bukit Barisan ing Medan. Nanging, piyambakipun tetep kepéngin dados pengarang. Ing taun 1964, piyambakipun mlebet rombongan wakil pengaran Sumatra Utara ing Konferensi Karyawan Pengarang Seluruh Indonesia (KKPI) ingkang dipunadani ing Jakarta lan wiwit wekdal punika piyambaipun dumunung ing Balai Budaya, Jalan Gréja Theresia, Jakarta Pusat.

Asiling Karya

Kempalan Cerita Pendek

• Bibir dalam Pispot (2003)
• Sampah Bulan Dhésèmber (2000)
• Lukisan Perkawinan (1982)
• Cemara (1982)

Novèl

• Ketika Lampu Berwarna Merah (1981)

== Penghargaan ==

• Penghargaan Insan Seni Indonesia Mal Taman Anggrek & Musicafe (1999)
• Penghargaan Sastra Pamaréntah DKI (2000)
• Penghargaan Khusus Kompas amargi sampun setya kanggé nyerat carkak (2001)
• Penghargaan Sastra Pusat Basa (2001)
• Pemenang Cerita Anak Terbaik 75 Tahun Balai Pustaka (2001) kanggé "Umur Panjang untuk Tuan Joyokoroyo" saha Senyum "Seorang Jenderal pada 17 Agustus"
• SEA Write Award (2008)
• Khatulistiwa Literary Award 2003 kanggé Bibir dalam Pispot
• Bebungah Harapan Sayembara Menulis Novèl Dewan Kesenian Jakarta 1981 kanggé Ketika Lampu Berwarna Merah