Hanny Herlina
Hanny Herlina (lair ing Jakarta, 1 Dhésèmber 1976; umur 47 taun) inggih punika salah satunggalipun seniman saking Indonesia. Namanipun sampun misuwur lumantar sapérang pakaryanipun awujud pranata beksan ingkang dipunpéntasaken ing panggung pagelaran, wonten Indonesia utawi manca nagari. Awit saking kaprigelanipun, Hanny Herlina kalebet salah satunggalipun seniman ingkang nampi bebungah ardhana hibah seni saking Yayasan Kelola.[1][2][3]
Latar wingking
besutHanny Herlina lair ing Jakarta, 1 Désèmber 1976. Sinau beksan Sunda awit taksih yuswa 6 taun ing Studio Jogèd Ekayana. Saperlu nambah kaprigelanipun babagan beksan, Hanny ndhèrèk program pertukaran pelajar ing Mount Erin High School, Australia. Sasampunipun rampung ing taun 1997, piyambakipun nerasaken ing pawiyatan luhur Institut Kesenian Jakarta (IKJ) mundhut Jurusan Seni Jogèd. Sapérang gladhèn naté dipunlampahi antawisipun kaliyan Min Tanaka (Body Weateher), Astad Daboo (Khatak lan Khatali) ingkang ditindakaken déning Yeyasan Kelola ing Surakarta (2003), beksan Zapin Melayu déning Tom Ibnur di IKJ, lan Combines Indian Khatak Movement with Fast and Farious Contempory Dance déning Akram Khan ingkang ditindakaken déning Kedutaan Ageng Inggris lan IKJ. Wondéne èlmu beksan topèng lan beksan Jawi katampi saking Mimi Rasinah (alm), Wangi Indriya (Indramayu), I Made Sidja (Bona, Bali), Kartini (Losari) lan Retno Maruti (Jakarta).[4]
Wonten adicara Showcase Indonesian Dance Festival 1999, sesarengan Aldri lan Ita Wijayanti, Hanny Herlina méntasaken pakaryan Mba-bu ing IKJ. Taun 2000, piyambakipun ngrawuhi Yogya, Jambi, Padang, lan Medan saperlu nggelar pakaryanipun Deddy Luthan sesirah Abad. Tahun punika ugi, piyambakipun ngripta beksan Impian lan Curent. Taun 2001, piyambakipun ngripta pakaryan Niti ingkang dipunpéntasaken wonten adicara Pekan Karya Jogèd dan Musik ing Gedung Kesenian Jakarta lan Graha Bhakti Budaya Taman Ismail Marzuki, ambal warsanipun Taman Ismail Marzuki. Taun 2002, pakaryanipun, Bangun kapéntasaken ing Teater Utan Kayu, Kepak Sayap Putih kapéntasaken wonten adicara Temu Pranata Beksa Wanita ing Teater Besar STSI Surakarta. Minangka pranata beksa, Hanny Herlina naté sayuk karya kaliyan Min Tanaka (Jepang), Chen Shi Zhen (USA), Retno Maruti, Sardono W. Kusumo, Deddy Luthan, Arcadius Sentot Sudiharto, Mugiyono Kasido, lan Yudi A. Tadjudin (sutradara Teater Garasi).[5]
Pakaryan
besut- Impian (2000)
- Curent (2000)
- Niti (2001)
- Bangun (2002)
- Kepak Sayap Putih (2002)
- Bangun (2003)
- Saat Menutup saat Membuka (2003)
- There/Inside (2005)
- Saloka (2007)
- Sinjang (2008)
- Can You Help Me? (2011)
Rujukan
besut- ↑ Situs resmi Taman Ismail Marzuki Archived 2015-09-24 at the Wayback Machine., kapundhut 14 Mèi 2015
- ↑ Situs resmi Yayasan Kelola Archived 2014-12-24 at the Wayback Machine., kapundhut 14 Mèi 2015
- ↑ Kompas: Gemulai Meditatif Tarian Hanny, kapundhut 14 Mèi 2015
- ↑ Tempo: Hanny Herlina, kapundhut 14 Mèi 2015
- ↑ Prodita Sabarini, kapundhut 14 Mèi 2015