Hans Frank
Hans Frank (lair ing Karlsruhe, Baden, Jerman, 23 Mèi 1900 – pati ing Nuremberg, Jerman, 16 Oktober 1946 ing umur 46 taun) ya iku pengacara kanggo parte Nazi sadawané taun 1920-an lan pejabat senior ana ing Jerman Nazi.[1][2] Amarga mangsa jabatane dadi Gubernur Jenderal ana ing Laladan Pendudukan Polen, dhèwèké dituntut ana ing pengadilan Nurnberg kanggo peranane nalika nglaksanakake Holocaust, lan dituntu salah kanggo kasus matèni wong Polen lan Yahudi Polen, lan dieksekusi nalika 16 Oktober 1946.[1][2] Hans Frank mèlu ana ing PD I, sinau ékonomi lan yurisprudensi, lan nalika taun 1921 dhèwèké mèlu gabung ana ing Parte Buruh Jerman (cikal bakal Nazi).[1] Pungkasane dhèwèké dadi penasihat resmi ketua parté lan pengacara pribadi Hitler.[1] Sawisé Nazi dadi penguasa ing Jerman taun 1933, Frank diwènèhi kalungguhan kang manéka warna kalebu uga dadi présidhèn Reichstag lan mantri kehakiman ana ing pamaréntahan Nazi.[1] Sawisé serangan Jerman marang Polen taun 1939, Frank diangkat dadi gubernur jenderal, lan dadi ketua agung administrasi sipil laladan pendudukan Polen.[1] Sawijining wing kang mèlu nyengkuyung paham rasis Nazi, Frank mènèhi prentah kanggo eksekusi jutaan wong saka Polen, nyita gedhé-gedhenan aset saka nagara Polen, perbudakan yutaan buruh Polen kang dikirim nganggo kapal menyang Jerman, lan ngumpulake sapérangan wong Yahudi Polen menyang ghetto lan dhèwèké tetep dadi gubernur jendral nganti sarampunge perang.[1] Dhèwèké banjur ditangkep déning Pasukan Amérikah Sarékat nalika taun 4 Mèi 1945, lan didakwa menyang pengadilan sadurungé Pengadilan Militer Internasional ing Nuernberg.[2] Dhèwèké dianggep salah amarga nglakokaké kejahatan perang lan kamanungsan. Nalika tanggal 1 Oktober 1946 dhèwèké divonis ukuman gantung.[2]
Pranala njaba
besut- Testimony of Frank at Nuremberg Archived 2002-10-23 at the Wayback Machine.
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |