Iwak kuwung abang
| Ulam kluwung abrit | |
|---|---|
| |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Actinopterygii |
| Ordho: | Atheriniformes |
| Famili: | Melanotaeniidae |
| Génus: | Glossolepis |
| Spésies: | G. incisus |
| Jeneng binomial | |
| Glossolepis incisus | |
Ulam kluwung abrit utawi ing ngoko iwak kluwung abang (Glossolepis incisus) punika ulam toya tawa ingkang gesang endemik ing Tlaga Sentani Papua. Wonten ing manca ulam punika kawéntar kanthi nama Red rainbowfish, Irian Jaya rainbowfish ugi Salmon red rainbowfish.
Sajarah
besutUlam punika sampun kawéntar ing Éropah minangka ulam hias akuarium. Ulam punika kaping pisanan dipuntepangaken déning Max Weber ingkang nglampahi èkpedisi Papua Barat saking taun 1890 dumugi 1900. Nalika taun 1973, A. Wermer, Jr saking Munich lan E. Frech saking memmingen, Jerman ngempalaken spésimèn gesang nalika nglampahi panalitèn wonten ing Jawa, Sulawesi, lan Papua Kulon. Tiyang kekalih punika mendhet ulam ingkang mawarni-warni kondur dhateng Éropah kelebet Incisus Glossolepis [1].
Nalika taun 1996, ulam kluwung abang punika kadaftar ing Redlist IUCN minangka spésies ulam ingkang pikanthuk ancaman cures kanthi status rentan (vulnerable A2ce). Kinten-kinten populasi ulam punika mangandhap amargi kompetisi panganan lan habitat pemijahan kaliyan ulam introduksi ingkang kapanggih ing tlaga punika kados mata abang, iwak tambakan, nila, nilem, iwak gabus, iwak sepat siam, iwak mas. Kajawi punika amargi mandhapipun kualitas lingkungan perairan Tlaga Sentani [2].
Jinis
besutSapunika kapanggih wonten 4 spésies jinis énggal inggih punika:
- Melanotaenia arguni utawi Pelangi Arguni. Ulam jinis punika gadhah warni coklat ing pérangan dorsal lan putih wonten ing pérangan ngandhaping awak. Kajawi punika, warni klawu nyebar ing sadaya pérangan siripipun.
- Melanotaenia urisa utawi Pelangi Urisa. Sisik ing pérangan nginggil ulam punika gadhah warni coklat lajeng sirip pektoralipun punika bening. Awakipun ulam punika dipunhias kaliyan wolung garis coklat. Spesiès punika asalipun saking ilining lan genangan toya ingkang tawar.
- Melanotaenia veoliae utawi Pelangi Veolia. Salah satunggal ingkang khas saking jinis punika wontenipun noktah jambon ing wingkinging mata. Ciri sanès, sirip saha anal gadhah warni abang dipunpisah warni [[biru. Melanotaenia veoliae kapanggih wonten ing Lèpèn Gebiase, lèpèn ingkang mapan wonten 14 kilomèter sakiduling Wanoma, Arguni ngandhap. Lèpèn Gebiasi punika sumberipun saking toya karst.
- Melanotaenia wanoma Pelangi Wanoma. Jinis ingkang punika kapanggihaken wonten ing Lepen Wermura, 16 kilomèter kidul Wanoma, Arguni ngandhap. Bagayen nginggil awakipun gadhah warni coklat, tutup angsang warni emas, sirip dorsal lan anal saha kuncup sirip warni abang. Habitat Pelangi Wanoma kaliran toya kristalin saking barisan pagunungan karst Kaimana[3]
Panganan
besutUlam kluwung abang punika kalebet kéwan omnovora ingkang mangan menapa kemawon ingkang wonten ing habitatipun.
Cathetan suku
besut- ↑ [1] Archived 2012-11-16 at the Wayback Machine., (id) http://www.iftfishing.com Archived 2023-02-14 at the Wayback Machine. (dipun-akses tanggal 19 November 2012).
- ↑ [2], Ikan Pelangi merah di Danau Sentani (dipun-akses tanggal 19 November 2012).
- ↑ [3][pranala mati permanèn], Ikan Pelangi (dipun-akses tanggal 19 November 2012).