Karédhok
Karédhok iku panganan khas laladan Jawa Kulon.[1] Panganan iki unik awit kabèh janganan kang digawé isih seger.[1] Janganan kang digawé karédhok ora dimasak dhisik saéngga ngandhut gizi lan serat kang akèh.[1] Kang mbédakaké karédhok karo lotèk yaiku karedhok janganané mentah yèn lotèk digodhog dhisik.[2] Kang mbédakaké karédhok karo salad yaiku yèn karédhok diwuwuri sambel kacang déné salad nganggo saus mayonès.[2] Karédhok kalebu panganan kang séhat awit ora ngandhut pengawét, ora kadalu warsa, lan ora ngandhut zat-zat kang marakaké kanker.[3]
Sambel
besutSambel karedhok digawé saka kacang brol kang diocéki lan digoréng.[4] Bumbu-bumbu kanggo nggawé sambel yaiku lombok rawit, lombok abang kriting, asem, ketéla rambat kang digodhog.[4] Bumbu-bumbu iki banjur diuleg ing cowèk lan dicampur bumbu kacang brol, yèn wis alus banjur diwènèhi banyu putih lan dicampur nganti rata.[4]
Janganan
besutJanganan kang digawé karédhok yaiku kacang lanjaran kang isih enom, godhong kol, godhong ketéla pohung kang wis digodhog, timun, kecambah utawa taugé dikethok-kethok lan dicampur.[5] Janganan iki banjur diwènèhi bumbu kacang.[5] Karédhok uga biyasa diwènèhi tambahan krupuk.[5] Karédhok uga bisa digawé saka bahan leunca.[5] Karédhok kang digawé saka leunca diarani karedhok leunca.[5]
Cathetan suku
besut- ↑ a b c inforesep.com Archived 2011-10-14 at the Wayback Machine.(dipunundhuh tanggal 31 Mèi 2011)
- ↑ a b kompasiana.com Archived 2011-05-09 at the Wayback Machine.(dipunundhuh tanggal 31 Mèi 2011)
- ↑ matakita.net Archived 2011-05-06 at the Wayback Machine.(dipunundhu tanggal 31 Mèi 2011)
- ↑ a b c tempointeraktif.com(dipunundhuh tanggal 31 Mèi 2011)
- ↑ a b c d e kitabmasakan.com Archived 2011-04-18 at the Wayback Machine.(dipunundhuh tanggal 31 Mèi 2011)