Malaikat Tanpa Sayap
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Malaékat Tanpa Sayap ya iku salah sawijiné filem drama Indonesia kang dirilis tanggal 9 Fèbruari 2012 kang disutradarani Rako Prijanto.[1] Paraga ing filem iki ya iku Adipati Dolken, Maudy Ayunda, Surya Saputra, Agus Kuncoro, Kinaryosih, lan Geccha Qheagaveta.[2]
| Malaikat Tanpa Sayap | |
|---|---|
 poster filem | |
| Disutradarani | Rako Prijanto |
| Diprodhuseri | Chand Parwez Servia |
| Dibintangi | Adipati Dolken Maudy Ayunda Surya Saputra Agus Kuncoro Kinaryosih Geccha Qheagaveta |
| Dibabar déning | Kharisma Starvision Plus |
Tanggal metu | 9 Fèbruari 2012 |
Suwéné | 104 menit |
| Nagara |  Indonésia |
Sinopsis
besutAwit usaha bapaké bangkrut kang jenengé Amir (Surya Saputra), Vino (Adipati Dolken) lan kulawargané pindhah saka omah apik menyang omah kontrakan ing gang kampung.[3] Kaanan mau nggawé Mirna (Kinaryosih), ibuné Vino minggat saka omah lan uga ninggal Wina (Geccha Qheagaveta) kang umuré isih 5 taun.[3] Sawijining dina Wina tiba ing kolah lan kudu nglakoni operasi supaya sikilé ora kena infèksi utawa supaya ora diamputasi.[3]
Amarga ngalami perdharahan, Wina mbutuhaké donor getih golongan A rhesus négatif.[4] Vino kang duwé golongan getih iku banjur ndonoraké getihé kanggo Wina. Nallika iku, ana calo (Agus Kuncoro) kang lagi nggoleki pendonor jantung.[4] Banjur calo iku nawani Vino dadi pendonor kanggo wong kang mbutuhaké jantung kang kebeneran golongan getihé padha karo Vino.[4]
Ing rumah sakit, Vino tetepungan karo Mura (Maudy Ayunda).[5] Wiwit iku, urip Vino dadi luwih nyenengaké, saéngga pemudha kang tau putus asa iku dadi seneng banget kekancan karo Mura. Mura lan Vino saya cedhak, Mura dadi luwih gumregah tinimbang sadurungé. Vino uga dadi luwih gemati marang bapak lan adhiné.[5] Nanging, dumadakan Vino dadi bingung nalika calo nagih janjiné Vino kang bakal ndonoraké jantungé. Sabeneré Vino ora gelem ndonoraké jantungé, nanging Vino ora bisa ngganti dhuwit kang wis ditampa kanggo ngragati Wina.[5]
Vino ngerti yèn wong sing bakal nampa jantungé iku ya iku Mura. Vino dadi tambah bingung lan pungkasané Vino rela ndonoraké jantung kanggo Mura.[5] Nanging, nalika Vino arep ndonoraké jantungé dumadakan bapaké ditémbak déning pacangané ibuné kang wektu iku lagi rebutan Wina. Mula, Amir nggantèni Vino dadi pendonor kanggo Mura. Ing pungkasané carita, Amir tilar donya lan Mura bisa operasi amarga nampa jantung saka Amir.
Ingkang maragani
besut- Adipati Dolken minangka Vino
- Maudy Ayunda minangka Mura
- Surya Saputra minangka Amir (bapaké Vino)
- Agus Kuncoro minangka Calo
- Kinaryosih minangka Myra (Ibuné Vino)
- Geccha Qheagaveta minangka Wina
Pranala njaba
besutCathetan suku
besut- ↑ Malaikat Tanpa Sayap(diundhuh 16 Fèbruari 2013)
- ↑ Malaikat Tanpa Sayap Archived 2013-02-13 at the Wayback Machine.(diundhuh 16 Fenruari 2013)
- ↑ a b c Film Layar Lebar Malaikat Tanpa Sayap Archived 2013-02-24 at the Wayback Machine.(diundhuh 16 Fèbruari 2013)
- ↑ a b c Malaikat Tanpa Sayap (2011)(diundhuh 16 Fèbruari 2013)
- ↑ a b c d Malaikat Tanpa Sayap, Film Remaja Tanpa Adegan Ciuman yang Mengharukan[pranala mati permanèn](diundhuh 16 Fèbruari 2013)