Maudy Ayunda
Ayunda Faza Maudia utawi kawentar mawi asma Maudy Ayunda inggih punika salah satunggaling artis Indonesia ingkang kawentar amargi dados paraga ing salah satunggaling filem ingkang irah-irahanipun Untuk Rena ing taun 2006.[1] Maudy Ayunda lair ing Jakarta, 19 Dhésèmber 1994; umur 29 taun.[1] Maudy Ayunda punika putranipun Muren Jasmedi.
| Maudy Ayunda | |
|---|---|
 | |
| Lair | Ayunda Faza Maudya Dhésèmber 19, 1994 Jakarta, Indonesia |
| Bangsa | Indonesia |
| Pakaryan | artis |
| Taun aktif | 2005 - sapunika |
Karier
besutKawentaripun Maudy Ayunda dados artis ing Indonesia dipunwiwiti lumantar filem Untuk Rena ingkang maèn sareng Surya Saputra ing taun 2006.[2] Ing filem kasebat, Maudy Ayunda dados Rena.[2] Ing filem ingkang nyariosaken satunggaling bocah ingkang dipunrumati ing panti asuhan punika, Maudy ugi nembangaken satunggal lagu ingkang irah-irahanipun Rumah Matahari.[3] Déné ing filem Sang Pemimipi, Maudy Ayunda dados paraga minangka kenya Melayu ingkang namanipun Zakiah Nurmala.[4] Ing filem Rumah Tanpa Jendela, Maudy Ayunda pikantuk paraga dados Andini inggih punika salah satunggaling kenya saking kulawarga ingkang sugih lan gadhah rayi ingkang keterbelakangan mental.[5] Déné ing filem Tendangan dari Langit, Maudy Ayunda dados Indah, inggih punika kenya ingkang ditresnani déning Wahyu minangka paraga baku ing filem wau. Ing filem Malaékat Tanpa Sayap, Maudy kedah akting dados Mura inggih punika kenya ingkang gadhah lelara jantung. Ing filem punika Maudy Ayunda kedah yasa chemistry kaliyan Adipati Dolken minangka lawan maénipun.[6]
Kajawi maèn filem, Maudy Ayunda ugi dados penyanyi. Ing taun 2011, piyambakipun medalaken satunggal album musik ingkang dipunwedalaken ing sangandhaping label Trinity Optima Production.[2] Irah-irahanipun inggih punika Panggil Aku mawi lagu utama Tiba-tiba Cintang Datang.[2] Ing album ingkang sepisanan punika, Maudy Ayunda nyumbangaken lagu ingkang dipunripta piyambak, ugi nggandhèng sawatawis musisi ingkang sampun ahli ngripta lagu, kadostaè Pasha UNGU, Merry LC, Bemby Noor, lan taksih kathah malih.[7] Déné lagu ingkang kaping kalih, Maudy Ayunda medalaken lagu ingkang irahé-irahanipun Aku Atau Temanmu ingkang ugi gadhah tema katresānan ingkang dipunalami déning para mudha.[7]
Kajawi pinter akting lan nembang, Maudy Ayunda ugi gadhah karemenen nyerat.[7] Nalika taksih umur 10 taun Maudy Ayunda sampun ndamel buku kempalan dongèng anak ingkang irah-irahanipun a Forest of Fables lan sadaya ksil saking nyadé buku punika dipunsumbangaken dhateng kurban tsunami Acèh.[7]
Filmografi
besut- Untuk Rena (2006) minangka Rena [8]
- Sang Pemimpi minangka Zakiah Nurmala (2009) [8]
- Rumah Tanpa Jendela minangka Andini (2011) [8]
- Tendangan dari Langit (2011) minangka Indah [8]
- Malaékat Tanpa Sayap (2012) minangka Mura[8]
- Perahu Kertas minangka Kugy (2012) [8]
- Perahu Kertas 2 (2012) minangka Kugy [8]
Video klip
besut- Cinta Gila (Ungu) (2009)
- Datang dan Kembali (Vidi Aldiano)
Diskografi
besut- Panggil Aku... (2011)
- Tiba-Tiba Cinta Datang
- Panggil Aku Sayang
- Aku Atau Temanmu
- I Love You Nanging Bohong
- Tetap Bersama
- Kusimpan Dalam Mimpi
- Aku Percaya
- Ajari Aku Cinta
- Biar Kusimpan Rasa Ini
- First Love
- Perahu Kertas (2012)
Cathetan suku
besut- ↑ a b Profil Maudy Ayunda(dipunundhuh 8 Fèbruari 2013)
- ↑ a b c d Biografi Maudy Ayunda Archived 2013-03-01 at the Wayback Machine.(dipunundhuh 8 Fèbruari 2013)
- ↑ Panggil Aku, Maudy seratus persen Remaja Archived 2013-04-12 at the Wayback Machine.(dipunundhuh 8 Fèbruari 2013)
- ↑ Maudy Ayunda : Memilih Sekolah Daripada Akting (dipunundhuh 4 November 2009)
- ↑ Maudy Ayunda kesulitan nangis di Rumah Tanpa Jendela(dipunundhuh 14 Fèbruari 2013)
- ↑ Filmografi Maudy Ayunda Archived 2012-12-14 at the Wayback Machine.(dipunundhuh 14 Fèbruari 2013)
- ↑ a b c d Maudy Ayunda(dipunundhuh 19 Fèbruari 2013)
- ↑ a b c d e f g Maudy Ayunda Archived 2013-01-27 at the Wayback Machine.(dipunundhuh 8 Fèbruari 2013)