Munawir Sjadzali
Prof. Dr. H. Munawir Sjadzali (lair ing Klatén, Jawa Tengah, 7 Novèmber 1925 – pati ing Jakarta, 23 Juli 2004 ing umur 78 taun) inggih punika Mantri Agami Républik Indonésia ing Kabinet Pembangunan.[1][2] Panjenenganipun kalebet Ketua Komisi Hak Asasi Manungsa kapisan ing Indonésia.[1] Sasampunipun lulus SMP, panjenenganipun nglajengaken dhateng Pesantrén Mambaul Ulum lan Sekolah Tinggi Mambaul Ulum ing Sala ngantos lulus ing taun 1943.[1] Salajengipun panjenenganipun mucal ing SD Islam Gunungjati, Ungaran, taun 1944 ngantos dumugi wekdal revormasi kamardikan panjenenganipun ndhèrèk parjuangan kamardikan minangka perwira penghubung antawisipun Markas Pertempuran Jawa Tengah ing Salatiga lan Badhan Kelaskaran Islam.[1]
| Munawir Sjadzali | |
|---|---|
 | |
| Mantri Agami Républik Indonésia 13 | |
| Linggih 19 Maret 1983 – 17 Maret 1993 | |
| Présidhèn | Soeharto |
| Kang sadurungé | Alamsyah Ratu Perwiranagara |
| Kang sawisé | Tarmizi Taher |
| Rerincèn dhiri | |
| Lair | 7 Novèmber 1925 Klatén,
Jawa Tengah, Hindia Nèderlan |
| Pati | Juli 23, 2004 Jakarta, Indonésia |
| Bangsa | Indonésia |
| Agama | Islam |
Salajengipun Munawir pikatuk padamelan minangka staf Séksi Arab Dhepartemen Mancanegari (1950). Panjenenganipun mendhet kursus dhiplomatik lan konsulér sarta sinau ngèlmu pulitik lan gayutan internasional ing Inggris.[1] Salajengipun Munawir njabat dados Atase/Sekretaris III Kadutaan Ageng Indonésia ing Washington D. C., Amérikah Sarékat (1956-1959).[1] Nalika wekdal samanten panjenenganipun ugi sekaliyan sekolah malih ing Universitas Georgetown, Amérikah Sarékat ngantos pikantuk ijazah Master of Art ing babagan Filsafat Pulitik kanthi tesis "Indonésia’s Moslem Parties and Their Political Concepts" (1959).[1] Salajengipun panjenenganipun njabat dados Kepala Pérangan Amérika Ler, Dhepartemen Mancanegari (1959-1993).[1]
Panjenenganipun sampun tilar donya ing Griya Sakit Pondok Indah, Jakarta, nalikat tanggal 23 juli 2004 lan dipunmakamaken ing sasana layon Kulawarga Giritama, Bogor, Jawa Kilèn.[1]
Cathetan suku
besut- ↑ a b c d e f g h i Munawir Sjadzali[pranala mati permanèn] dipunundhuh tanggal 7 Oktober 2011)
- ↑ Munawir Sjadzali Archived 2010-02-22 at the Wayback Machine. dipunundhuh tanggal 7 Oktober 2011)
Pranala njawi
besutREVITALISASI HUKUM ISLAM DAN PERIMBANGAN WARISAN MENURUT MUNAWIR SJADZALI Archived 2011-11-27 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |