Tarmizi Taher
Dr. Tarmizi Taher (lair ing Padang, Sumatra Kilèn, 7 Oktober 1936; umur 88 taun) inggih punika Mantri Agami Indonésia périodhe 1993 ngantos dumugi 1998.[1][2] Sasampunipun lulus saking pendidikan dhokter ing Universitas Airlangga, Surabaya, panjenenganipun miwiti kariéripun saking TNI Angkatan Laut lan pensiun kanthi pangkat Laksamana Mudha.[1] Jabatan ingkang naté dipunjabat panjenenganipun ing lingkungan militér kalebet minangka Perwira Kaséhatan ing KRI Irian, Juru wicara Fraksi ABRI ing MPR, Kepala Dhinas Pambinaan Méntal TNI AL, lan Kepala Pusat Pembinaan Méntal ABRI.[1] Sanèsipun punika panjenenganipun ugi lulusan Sekolah Staf lan Komandho (Sesko) TNI AL lan naté sekolah ing US Navy (Angkatan Laut Amérikah Sarékat) ing babagan kaséhatan.[1]
| Tarmizi Taher | |
|---|---|
 | |
| Mantri Agami Républik Indonésia 14 | |
| Linggih 17 Maret 1993 – 14 Maret 1998 | |
| Présidhèn | Soeharto |
| Kang sadurungé | Munawir Sjadzali |
| Kang sawisé | Quraish Shihab |
| Rerincèn dhiri | |
| Lair | Oktober 7, 1936 Padang,
Sumatra Kilèn, Hindia Nèderlan |
| Bangsa | Indonésia |
| Agama | Islam |
Sasampunipun lulus saking militér, Tarmizi lajeng dipuntugasaken minangka Sekjen Dhepartemen Agami Républik Indonésia ngantos gangsal taun dangunipun, sadèrèngipun njabat mantri nalita taun 1993.[1] Nalika dados Mantri Agami, kalih inisiatif wigati ingkang naté dipunwontenaken inggih punika ngembangaken Siskohat (sistem komputerisasi haji terpadu) lan madhegaken Dana Abadi Umat (DAU).[1] Sasampunipun boten njabat mantri malih, Tarmizi naté njabat pinten-pinten kalungguhan kados dados utusan ageng kanggé Nurwègen lan Èslan.[1] Panjenenganipun pikantuk gelar Dhoktor Honoris Causa ing babagan dakwah déning Universitas Islam Negeri Syarif Hidayatullah, Jakarta.[1][2]
Kariér
besut-Perwira Kaséhatan ing KRI Irian, -Juru Wicara Fraksi ABRI ing MPR, -Kepala Dhinas Pambinaan Mental TNI Angkatan Laut, -Kepala Pusat Pambinaan Mental ABRI, -Sekjen Dhepartemen Agami Républik Indonésia ngantos 5 taun, -Mantri Agami Kabinet Pembangunan VI (1993-1998), -Utusan Ageng kanggé Nurwègen lan Èslan, -Ketua Umum Pimpinan Pusat Dewan Masjid Indonésia, -Rektor Universitas Islam Az Zahra, Jakarta [1]
Cathetan suku
besut- ↑ a b c d e f g h i Tarmizi Taher[pranala mati permanèn] dipunundhuh tanggal 6 Oktober 2011)
- ↑ a b Tarmizi Taher:"Ajaran-ajaran Sesat Itu Ujung-ujungnya Duit" [pranala mati permanèn] dipunundhuh tanggal 6 Oktober 2011)
Pranala njawi
besut
| Artikel iki minangka artikel rintisan. Kowé bisa ngéwangi Wikipédia ngembangaké. |