Wikipédia

Ombak

Ombak ya iku prastawa munggah mudhuné partikel-partikel banyu.[1] Ombak uga bisa ditegesi obahé banyu sagara sing munggah mudhun utawa nggulung-nggulung.[2] Ana telung faktor kang njalari dumadiné ombak, ya iku pasang-surut (swell), angin pasisir (local wind), lan mudhun-munggahé massa watu ing dhasar samodra.[1] Pasang-surut banyu sagara iki amarga ana gaya gravitasi bulan.[1] Nalika bulan ing posisi celak karo lumah bumi, banyu sagara ing laladan iku ketarik déning gaya gravitasi bulan lan njalari banyu sagara pasang.[1] Déné ing laladan bumi liya kang adoh saka posisi bulan, banyu sagara surut. Obahé banyu sagara iki kanthi wujud ombak.[1]

Ombak

Angin kang obah nerjang lumah sagara, sithik baka sithik minangka obahé ombak kang nggulung.[1] Saya kenceng angin kang nerjang lumah sagara, saya gedhé uga ombak kang dikasilaké.[1] Marga dhasar ombak kena dharatan nalika menyang pasisir, ombak ngalon amarga ana gèsèkan.[1] Nalika iku, pucuk ombak tetep lumaku banjur wutah.[1] Yèn ing sagara kadadéan gelombang ombak kang gedhé banget, ing pasisir bakal kawentuk pucuk ombak kang dhuwur lan wutahan kang gedhé.[1]

Obahé massa watu ing dhasar samodra uga njalari ombak.[1] Ombak sing kaya iki uga diwastani tsunami.[1] Nalika ana obah-obahan watu-watu ing dhasar sagara, ombak iku bakal njalari jundhulan ing lumah sagara ing dhuwuré.[1] Ombak iki ndarbèni ènergi kang gedhé, saéngga bisa njalari karusakan kang gedhé uga.[1] Ombak tsunami ngasilaké jinis wujud gelombang, ya iku gelombang positif lan gelombang négatif.[1] Gelombang positif kadadèn nalika banyu sagara ora surut kanthi amba ing laladan pasisir.[1] Déné gelombang négatif kadadèn yèn banyu sagara surut kanthi amba.[1]

Jinis Ombak

besut
  • Miturut sifaté
  1. Ombak pembangun utawa pambentuk pasisir (Constructive wave), kang ndarbèni ciri endhèk lan kecepatan rambaté uga cendhak.[3] Saéngga nalika ombak mau pecah ing pasisir bakal ngangkud sedimen (material pasisir).[3] Material pasisir bakal kèri ing pasisir nalika ili balik saka ombak pecah lan nresep ing pasir utawa alon-alon mili mbalik menyang sagara.[3]
  2. Ombak pangrusak pasisir (destructive wave), padatan ndarbèni kadhuwuran lan kecepatan rambat kang gedhé.[3] Banyu kang mbalik muter ndarbèni wektu luwih rikat kanggo nresep ing jero pasir.[3] Nalika ombak teka manèh ngantem pasisir bakal ana akèh banyu kang ngumpul lan ngangkud material pasisir tumuju tengah sagara utawa papan liya.[3]
  • Miturut cara pecahé
  1. Spilling, padatan kadadèn yèn ombak miring tumuju pasisir kang dhatar (miringé sithik). Ombak pecah ing jarak kang adoh saka pasisir lan sithik-sithik.[3]
  2. Plunging, yèn miringé ombak lan dhasar nambah ombak bakal pecah lan pucuk gelombang bakal muter. Sabagéyan bakal mentul menyang sagara.[3]
  3. Surging, ombak kadadèn ing pasisir kanthi miring banget, kaya ta kang kadadéan ing pasisir kang ana watu karangé.[3]

Kagunan lan mupangat ombak

besut
  1. Njaga stabilé suhu saka iklim donya [3]
  2. Liwat lumah ombak, kadadèn ijolan gas [3]
  3. Ningkataké kemampuan adhaptasi lan kekuwatan saka makluk urip [3]
  4. Ningkataké keanekaragaman hayati [3]
  5. Mbantu anané gegayutan simbisosis mutualisme [3]
  6. Mbantu nggawé utawa minangka pasisir [3]


Cathetan suku

besut
  1. ↑ a b c d e f g h i j k l m n o p q Ombak Archived 2013-04-20 at the Wayback Machine.(diundhuh 14 Dhésèmber 2012)
  2. ↑ Arti Kata Ombak(diundhuh 14 Dhésèmber 2012)
  3. ↑ a b c d e f g h i j k l m n o Gelombang laut(diundhuh 14 Dhésèmber 2012)
Dijupuk saka "https://jv.wikipedia.org/w/index.php?title=Ombak&oldid=1658817"