Pasisir Ngobaran
Koordhinat: 8°07′07″S 110°30′10″E / 8.1184844°S 110.5028785°E
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Pasisir Ngobaran punika salah satunggaling pariwisata alam ingkang wonten ing désa Kanigoro, Saptosari, Gunungkidul, Daerah Istimewa Yogyakarta, Indonésia [1].Pasisir punika kalebet pasisir ingkang khas, amargi wonten ing Pasisir Ngobaran mau wonten Pure lan yasan-yasan ingkang sarat agami Hindhu [2].
Sajarah Pasisir Ngobaran
besutNama Ngobaran punika asalipun saking sajarah Prabu Brawijaya V ingkang kalebet Raja pungkasan wonten ing Majapahit. Sesarengan kalih punika krajan Islam nembé wonten pangembangan ingkang pesat kanthi madegipun karajan-karajan Islam ing pasisir lor Pulo Jawa nalika madyaning abad 15 Masehi. Nalika punika putranipun Prabu Brawijaya V inggih punika Raden Patah minangka panguwasa Karajan Demak I ingkang mapan wonten ing pasisir lor.
Kaéndahan Pasisir
besutPasisir Ngobaran punika kalebet pasisir ingkang eksotis. Manawi kaanan toya surut, saged katingal alga (rumput laut) ingkang warni ijo lan coklat. Manawi mirsani saking nginggil, hamparan alga ingkang tuwuh ing sela-sela karang katingal kados sabin ing laladan padat penduduk. Puluhan jinis kéwan laut ugi wonten ing selaning karang, saking landak laut, bintang laut, dumugi kerang-kerangan.
Ingkang menarik malih saking budayanipun. Saking yasan dumugi panganan. Ingkang menarik saking yasan punika wontenipun papan sembahyang kanggé 4 agama utawi kapitadosan ingkang madeg piyambak-piyambak. Wangunan ingkang katingal kanthi cetha punika papan ngibadah kados pura lan patung-patung désa kanthi warna pethak. Papan punika jumeneng wiwit taun 2003 kanggé mengeti wontenipun Brawijaya V, salah satunggaling keturunan Raja Majapahit, ing Ngobaran. Kajawi papan ngibadah ugi wonten joglo kanggé papan ngibadat tiyang kejawèn. Caket kaliyan joglo punika wonten ugi kotak watu.
Nalika rawuh wonten ing pasisir punika sakiwa-tengené jam 6 dumugi 10 enjing saged mirsani para warigaluh ingkang nembé mendhet alga. Para wisatawan ugi saged mundhut alga punika saking para warigaluh kanthi regi ingkang mirah [3].
Salah satunggaling wisata kuliner ingkang khas ing Pasisir Ngobaran punika daging landak laut ingkang gadhah cita rasa kados daging pitik. Sasampunipun pikantuk landak laut banjur dikepras erinipun lajeng dipunbelah awakipun ngginakaken arit. Manawi sampun makaten banjur dipunpendhet isinipun lajeng dipunmasak [4].
Cathetan suku
besut- ↑ [1][pranala mati permanèn], (id) Pasisir Ngobaran nuasnsa keberagaman yang terpadu harmonis (dipun-akses tanggal 23 Dhésèmber 2012).
- ↑ [2], (id) Wisata Gunungkidul (dipun-akses tanggal 23 Dhésèmber 2012).
- ↑ [3], (id) Pasisir Ngobaran (dipun-akses tanggal 23 Dhésèmber 2012).
- ↑ [4][pranala mati permanèn], (id) http://www.anneahira.com Pasisir Ngobaran (dipun-akses tanggal 26 Dhésèmber 2012).