Rachel Maryam Sayidina
Rachel Maryam Sayidina (lair ing Bandung, Jawa Kulon, 20 April 1980; umur 44 taun)[1] ya iku juru main filem lan modhèl kang asalé saka Indonésia.[2] Rachel Maryam kalebu anggota DPR périodhe 2009-2014 saka Parté Gerindra ing Laladan Pamilihan Jawa Kulon II.[2]
| Rachel Maryam Sayidina | |
|---|---|
 | |
| Lair | Rachel Maryam Sayidina |
| Pakaryan | Artis, Model, Politisi |
| Taun aktif | 2000 - saiki |
| Dhuwur | 155 cm (5 ft 1 in) |
| Bojo | Muhamad Akbar Pradana |
| Anak | Muhammad Kale Mata Angin |
Karir besut
Rachel pancèn duwé kasenengan marang kagunan.[2] Éyang putri saka ibuné dadi pemusik kang bisa mainaké piranti musik harpa, lan éyang putri saka bapaké dadi sindhèn.[2] Bakat aktingé wiwit ketara nalika sekolah ing SMUN 19 Bandung.[2] Nalika SMU, Rachel nggabung karo golongan téater sekolah.[2] Sawisé lulus SMU, Rachel kepéngin sinau akting ing Institut Kesenian Jakarta.[2] Nanging ibuné kang jenengé Marina Triawati wis pegatan karo bapaké kang jenengé Indra Sayyidina.[2] Ibuné Rachel kepéngin Rachel kuliah ing babagan perhotèlan.[2] Ibuné Rachel duwé katurunan Jerman lan Sundha.[2] Rachel nuruti ibuné lan lumebu ing Sekolah Tinggi Pariwisata Bandung, utawa kang diarani NHI.[2] Rachel njupuk jurusan Manajemen Tata Hidang (Food and Beverages Services).[2]
Nanging Rachel banjur metu saka kuliyah iku awit dhèwèké ora seneng ing jurusan iku.[2] Rachel rumangsa yèn kuliyahé iku salah panggonan.[2] Rachel banjur pindhah menyang Jakarta lan dadi modhèl.[2] Jenengé wiwit ditepungi nalika Rachel dadi bintang ing vidéoklip Sephia kang digawé golongan musik Sheila on 7.[2] Saka aktingé dadi `kekasih gelap` ing vidéo klip iki, Rachel Maryam éntuk bebungah dadi Modhèl Klip paling apik MTV 2001.[2] Rachel uga njajal akting main peran.[2] Sinétron kang sepisanan judhulé Lupus Milenia lan Strawberry, sawisé iku Rachel banjur main biyoskup.[2] Ing filem Eliana, Eliana Rachel main akting karo artis kawakan sakelasé Jajang C. Noer.[2] Rachel wiwit suksès ing donyaning filem.[2] Sanajan ora sak misuwur filem Ada Apa dengan Cinta, ananginh filem Eliana, Eliana bisa éntuk bebungah kanggo kategori `Best Young Cinema Award`, bebungah saka kritikus filem internasional lan `Best Promising Young Director` ing fèstival filem ing Singapura.[2] Suksès ing filem kang sepisanan, Rachel Maryam uga main filem manèh kaya ta Arisan (2003), Janji Joni (2005), lan Vina Bilang Cinta (2005).[2]
Sanajan suksès, Rachel uga tau kena kasus pornografi.[3] Kadadéan iki nalika vidéo Rachel kang lagi ganti klambi kasebar.[3] Prastawa iki kadadéan ing taun 2003.[3] Ora mung Rachel, ana uga artis-artis liyané kang uga kena kasus kang kaya ngéné kaya ta Femmy Permatasari lan Sarah Azhari.[3] Ing kasus iki, Rachel lan kanca-kancané dadi kurban saka tersangka kang jenengé Budi Han, pananggung jawab Studio Budi Han ing ngendi gambar porno iku kajupuk.[3]
kulawarga besut
Rachel palakrama karo Muhamad Akbar Pradana kang biyasa diundang Ebes nalika tanggal 25 Juli 2005.[4] Saka bebrayan iki Rachel nduwé anak kang jenengé Muhammad Kale Mata Angin kang lair tanggal 29 Juli 2006.[5]
Cathetan sikil besut
- ↑ Situs Resmi Pamaréntah Kebumen. Rachel Memilih Baju Pengantin Warna Putih[pranala mati permanèn].(diundhuh tanggal 9 Juli 2011)
- ↑ a b c d e f g h i j k l m n o p q r s t u v w profil ing KapanLagi.com(diundhuh tanggal 10 Juli 2011)
- ↑ a b c d e Rachel Maryam Sayidina: "Aku Kaget dan Malu"(diundhuh tanggal 10 Juli 2011)
- ↑ Rachel Maryam, Ingin Mengulang Pesta Pernikahannya(diundhuh tanggal 10 Juli 2011)
- ↑ Rachel Maryam Lahirkan Bayi Laki-Laki(diundhuh tanggal 10 Juli 2011)
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |