Saté Padang

Saté Padang iku sebutan tumrap telung jinis varian saté ing Sumatra Kulon, ya iku Saté Padang, Saté Padang Panjang lan Saté Pariaman.

Saté Padang

Saté Padang migunakaké bahan daging sapi, ati, utawa jerohan (jantung, usus, lan thèthèlan) kanthi bumbu duduh kacang kenthel (mèmper bubur) ditambah lombok sing akèh saéngga rasané pedhes.

Saté Padang Panjang dibédakaké saka duduh saténé sing awarna kuning déné saté Pariaman duduhé awarna abang. Rasa kaloro jinis saté iki uga béda. Déné saté Padang duwé manéka rasa saka campuran kapindho jinis varian saté ing dhuwur.

Prosès olèhé nggawé

Daging seger dilebokaké sajeroning drum gedhé isi banyu lan digodhog kaping pindho supaya empuk migunakaké drum lan banyu sing béda. Daging diiris-iris lan dilumuri bumbu lan bumbon crakèn. Sauntara banyu godhogan dianggo minangka bahan duduh kaldhu, bahan gawé duduh saté. Banjur duduh kaldhu iki dicampur karo 19 macem bumbu bumbon crakèn sing wis dialusaké (brambang, bawang, kunir, jaé, lan seré) dicampur karo warna-warna lombok. Kabèh bumbu iku banjur didadèkaké siji lan dimasak sajeroning 15 menit. Saténé dibakar nalika wis dipesen, nganggo areng saka bathok klapa. Dipangan nalika isih anget,racaké ditambah kripik balado khas Padang.