Seruit
Seruit inggih punika dhaharan khas provinsi Lampung [1], Indonesia inggih punika masakan ulam ingkang dipungorèng utawi dipunbakar lajeng dipuncampur kaliyan sambel trasi, tempoyak (olahan duren) utawi pelem. Jinis ulam inggih punika ulam lepen kados belide, baung, layis lan taksih kathah malih ugi dipuntambah kaliyan lalapan. Déné unjukanipun punika serbat. Serbat punika unjukan ingkang dipundamel saking jus woh pelem kwèni. Wonten ing toko-toko dhaharan lan angsal-angsal, ugi wonten dhaharan khas inggih punika sambel Lampung, lempok (dodol), kripik gedhang, krupuk kemplang, manisan lan sanèsipun [2].
 Seruit Lampung | |
| Ajangan | Utama |
|---|---|
| Panggonan asal | Indonesia |
| Tlatah utawa praja | Lampung |
| Digawé | Suku Lampung (mliginipun Pepadun) |
| Hawa ajangan | Panas utawi suhu ruangan |
| Woworan pokok | ulam, tempoyak (olahan duren), woh-wohan, lsp |
 Buku masakan: Seruit  Médhia: Seruit | |
Kados ing kathahipun masarakat ing tlatah Indonesia, masarakat Lampung punika masarakat ingkang remen kempal lan ngawontenaken silaturahmi antawisipun kulawarga ugi para tangga. Adicara kempalan punika nalika wonten adicara kados mantènan, adicara adat, adicara agami lan sanèsipun. Kanthi kultural, Lampung punika gadhah kalih masarakat adat, inggih punika Lampung Sai Batin lan Lampung Pepadun. Kalih masarakat adat punika sami gadhah karemenan kempal-kempal. Nalika sami makempal, mbetahaken dhaharan ingkang saged dipundhahar sesarengan. Dhaharan punika inggih punika seruit. Sanajan makaten, pakulinan anggènipun dhahar seruit boten dipungadhahi déning sadaya masarakat adat. Namung seruit ingkang kanthi turun temurun kemawon. Kanggé masarakat Lampung Pepadun, seruit punika kalebet dhaharan ingkang pokok.
Prosès damel seruit
besutWonten sapérangan lelampahan ingkang kedah dipunlampahi kanggé damel seruit. Prosesipun punika ulam ingkang sampun dipunsiapaken langkung rumiyin dipuncampur kaliyan bumbu ingkang alus. Bumbunipun punika wujud bawang, sarem, kunir, lan jaé. Bibar punika, ulam mau dipunbakar kirang langkung 10 menit. Manawi sampun mateng, ulam mau dipunparingi kécap lan campuran bumbu saking bawang, sarem, lan tumbar. Déné sambel kanggé campuran seruit inggih punika lombok abang, lombok alit, sarem, micin, rampai, lan trasi baker. Bahan kanggé sambel punika dipunuleg dumugi lembut.
Manawi dhahar seruit punika kedah dipuntambah kaliyan tempoyak, inggih punika durèn ingkang sampun dipunawètaken lan dipundamel alus. Kajawi punika saged ugi dipuntambah sapérangan jinis lalapan kados ta godhong kemangi wétan, terong baker, jèngkol, lan godhong jambu mété. Bahan tambahan punika lajeng dipuncampur lan dipunudhak dados satunggal. Bibar punika, seruit sampun siyap dipunsajèkaken kaliyan sekul ingkang anget. Wonten ing Lampung, salah satunggaling griya dhahar ingkang nawèkaken menu seruit inggih punika Griya Dhahar Rusdi Gendut. Griya dhahar punika mapan wonten ing Mergi Pangeran Tirtayasa Sukabumi, Bandar Lampung. Papanipun strategis amargi wonten ing pinggiring margi utama. Griya dhahar kagunganipun Rusdi punika nyadé manéka dhaharan khas saking Lampung ingkang wonten saking wulan Januari 2010. Wiwitanipun griya dhahar punika nyadé dhaharan nanging dèrèng nyadé ingkang dhaharan khas. Amargi wonten ing Lampung punika sakedhik ingkang nyadé dhaharan khas saking Lampun, lajeng piyambakipun wiwit nawekaken dhaharan khas kados seruit [3].
Cathetan suku
besut- ↑ Resep Seruit, Makanan Khas Lampung Archived 2013-08-05 at the Wayback Machine., (dipunakses tanggal 24 Maret 2013)
- ↑ Makanan Khas Lampung – Seruit, (dipunakses tanggal 24 Maret 2013)
- ↑ Seruit Lampung[pranala mati permanèn], (dipunakses tanggal 24 Maret 2013)
Pranala njawi
besut- Seruit Recipes Archived 2011-02-09 at the Wayback Machine.