Suruh abang
| Sirih merah | |
|---|---|
| |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Piperales |
| Famili: | Piperaceae |
| Génus: | Piper |
| Spésies: | P. ornatum |
| Jeneng binomial | |
| Piper ornatum N.E.Br. | |
Suruh abang (Piper crocatum) ya iku salah sawijiné tuwuhan mrambat sing kalebu ing kulawarga Piperaceae kanthi wujud godhong kaya ati awerna abang rada pérak lan mengkilap, sarta duwé gagang sing thukulé selang-seling.[1] Godhong suruh abang ngandhut senyawa fitokimia ya iku alkoloid, saponin, tanin, lan flavonoid.[1] Wiwit biyèn suruh abang digunakaké wong Jawa kanggo tamba manéka warna jinis lelara lan uga kanggo ubarampé ing upacara adat Jawa.[1] Tuwuhan suruh abang mèmper suruh ing padatan. Sing mbedakaké ya iku mung warna godhongé, ana garis warna abang ing pérangan pinggir lan tengahé.[2] Kajaba kanggo tamba, suruh abang akèh minangka tuwuhan hias sing éndah.[2] Suruh abang sing asalé akèh saka Pulo Sulawesi iki uga duwé jeneng Latin Piper Ornatum.[2]
Kandhutan Senyawa Aktif
besutSuruh abang kawentar duwé kandhutan senyawa aktif kimia sing migunani banget kanggo kasarasan awak lan kanggo tamba manéka jinis lelara. Senyawa kimia sing kaandhut ing suruh abang ya iku:
- flavonoid lan polevenolad sing asifat antioksidan, antidiabetik, antikanker, antisèptik lan antiinflamasi. Déné senyawa alkoloid duwé sipat antineoplastik sing mandi kanggo ngalang-alangi tuwuhé sèl-sèl kanker.[3]
- Alkaloid, ya iku bahan organik sing ngandhut nitrogén minangka péranganing sistem heterosiklik. Senyawa alkoloid duwé sipat antineoplastik sing mandi kanggo ngalangi tuwuhé sèl-sèl kanker.[3]
- Lenga atsiri, hidroksikavicol, kavicol, kavibetol, allylprokatekol, karvakrol, eugenol, pcymene, cineole, caryofelen, kadimen estragol, terpenena, lan fenil propada. Karvakrol asifat desinfektan, antijamur, saéngga bisa digunakaké dadi tamba antisèptik kanggo ngilangaké abab mambu lan keputihan.[3]
- Eugenol, ya iku senyawa sing bisa ngelongi rasa perih.[3]
- Tanin, senyawa sing bisa kanggo tamba lara weteng.[3]
Khasiat
besutSuruh abang bisa minangka tamba manéka jinis lelara, ya iku:
Ramuan
besutKanggo tamba, suruh abang kudu diramu luwih ndhisik. Ramuan suruh abang bisa awujud ramuan tunggal lan ramuan campuran. Ramuan campuran ya iku ramuan suruh abang sing dicampur karo tuwuhan obat liyané. Tuladha ramuan suruh abang kanggo manéka warna lelara, ya iku:
Kanggo Kasarasan Jantung
- Ramuan tunggal
Jupuk godhong suruh abang 3-4 lembar, yèn ukurané cilik 6-8 lembar. Dikumbah nganti resik banjur diiris cilik-cilik. Digodhog karo banyu 4 gelas (800 ml) nganti umub lan mung kari 2 gelas, banjur disaring. Ramuan iki diombé nalika isih anget, sadina ping pindho.[5]
- Ramuan campuran
Bahané ya iku godhong suruh abang 3-4 lembar, godhong asem 30 gram, blimbing wuluh 2, lan godhong ginseng 4 lembar. Kabèh bahan dikumbah resik, diiris cilik-cilik banjur digodhog karo banyu 3 gelas nganti kari 1,5 gelas. Ramuan iki diombé sadina ping telu nalika isih anget. Bisa ditambah madu.[5]
Kanggo Diabetes
- Ramuan tunggal
Jupuk godhong suruh abang sing setengah tuwa ya iku godhong sing kaping enem utawa pitu saka pucuk, banjur diiris cilik-cilik. Digodhog karo banyu 3 gelas (600 ml) nganti umub lan mung kari 1,5 gelas. Diombé sadina ping telu sadurungé mangan, saben ngombé setengah gelas.[5]
- Ramuan campuran
Jupuk 3 lembar godhong suruh abang sing ukurané sedheng utawa ora patia cilik, 40 gram kulit kayu gayam sing wis diresiki pérangan jabané, lan 30 gram kulit kayu jamblang garing. Kabèh bahan dicencem nganggo banyu 2 gelas (400 ml) nganti umub lan mung kari sagelas. Disaring, diombé sadina ping pindho, ésuk lan soré sadurungé mangan. Saben ngombé setengah gelas.[5]
Nambani watuk lan nambah nafsu mangan
Cepakakna godhong suruh abang sing ora patia tuwa gunggungé 10 lembar, dikumbah, banjur dikum ing alkohol 70 % watara 30 menit supaya baktèri sing nèmpèl ing godhong bisa mati. Ditambah gula putih 100 gram banjur digodhog karo banyu 4 gelas nganti umub lan mung kari sagelas. Sawisé adhem, suntak ing botol sing resik lan stèril. Ramuan iki bisa diombé sadina ping telu, saben ngombé sasendhok mangan.[5]
Nambani radhang mripat
Suruh abang sing isih enom (godhong kaping lima saka pucuk) 4 lambar dikumbah nganti resik. Banjur digodhog karo banyu 2 gelas nganti umub lan kari sagelas. Sawisé adhem, banyu godhogan mau minangka ngrimbang mripat sing lara. Digunakaké aja nganti punjul ping telu saben dinané, supaya ora iritasi.[5]
Uga delengen
besutCathetan suku
besut- ↑ a b c Sirih Merah sebagai Tanaman Obat Multifungsi[pranala mati permanèn](diundhuh 23 September 2012)
- ↑ a b c Daun sirih merah dan manfaatnya Archived 2012-09-18 at the Wayback Machine.(diundhuh 23 September 2012)
- ↑ a b c d e Kandungan Kimia Sirih Merah Archived 2012-12-05 at the Wayback Machine.(diundhuh 24 September 2012)
- ↑ a b c d e f g h i j k l Khasiat Sirih Merah Archived 2012-12-05 at the Wayback Machine.(diundhuh 25 Sepetember 2012)
- ↑ a b c d e f Sirih merah obat beragam penyakit[pranala mati permanèn](diundhuh 25 September 2012)