Torino

Torino (basa Italia: Torino, basa Inggris: Turin) iku kutha perindustrian, kalebu pusat bisnis lan kabudayan ing pérangan kulon-lor Italia, kutha krajan region Piemonte lan dumunung ing pinggir kulon Kali Po. Populasi kutha ya iku 908.000 (sensus 2004), banjur nambah dadi 1,7 yuta sing ndunungi, nanging wewengkon metropolitané sing ndunungi watara 2,2 yuta.

Torino misuwur minangka panggonan dunungé Kain Kafan saka Turin kang disimpen ing Katedral Santo Yohanes Pembaptis. Torino nduwé loro klub bal-balan kang misuwur, Juventus lan Torino Calcio. Liyané iku, Torino uga minangka panggonan markas perusahaan otomotif FIAT. Torino uga dadi tuan rumah Olimpiade mangsa anyep Torino 2006 lan Universiade Mangsa anyep 2007.

Jaman biyèn Torino tau dadi kutha krajan pisanan Italia.

Sajarah

Jeneng Torino asal saka tembung Tau, tembung sajeroning basa Celtic kang tegesé pagunungan. Sajeroning basa Italia, Torino tegesé "sapi cilik". Ing jaman pra-Romawi, wewengkon iki dipanggoni déning bangsa Taurini.

Ing abad kasiji sadurungé Masehi (kira-kira taun 28 SM), bangsa Romawi ngadegaké perkemahan militèr (Castra Taurinorum), kang didedikasèkaké marang kaisar Augustus (Augusta Taurinorum). Wektu iku, Torino dipanggoni déning 5.000 sing ndunungi, kabèh manggon ana ing jero témbok kang dhuwur.

Sawisé runtuh Karajaan Romawi, Torino dikuwasani déning bangsa Lombards, banjur déning bangsa Franks. Taun 942, Contea di Torino diyasa, lanwiwit taun 1050 dikuwasani déning Counts of Savoy.

Arsitektur & panggonan wigati

Gréja

• Katedral Torino (Duomo di Torino)
• Basilika Superga
• Basilika Maria Ausiliatrice
• Sangtuari Santa Rita

Wangunan wigati

• Mole Antonelliana
• Museum Mesir
• Palazzo Madama
• Palazzo Reale
• Palazzo Carignano

Universitas

• Universitas Torino (Università degli Studi di Torino)
• Politeknik Torino (Politecnico di Torino)

Kutha kembar

• Chambéry, Perancis
• Cologne, Jerman
• Detroit, Amérika Sarékat
• Volgograd, Ruslan
• Rotterdam, Walanda
• Cithakan:Country data Luxemburg Esch-sur-Alzette, Luxemburg
• Liège, Bèlgi
• Lille, Perancis
• Campo Grande, Brazil
• Córdoba, Argentina
• Glasgow, Sekotlan
• Salt Lake City, Amérika Sarékat
• Haifa, Israèl
• Nagoya, Jepang
• Quetzaltenango, Guatemala
• Shenyang, China

Pranala njaba

• Situs resmi Archived 2016-08-15 at the Wayback Machine.
• Photos