Wangsa Sanjaya

Wangsa Sanjaya iku siji dinasti sing kuwasa ing Karajan Medang periode Jawa Tengah (utawa biyasa karan Karajan Mataram Kuna).

Candhi Prambanan, salah siji tilas Wangsa Sanjaya.

Asal-Usul

Istilah Wangsa Sanjaya kawanuhaké déning sejarawan Dr. Bosch sajeroning karangané kanthi irah-irahan Sriwijaya, de Sailendrawamsa en de Sanjayawamsa (1952). Disebutaké yèn ing Karajan Medang ana loro dinasti sing kuwasa, yaiku dinasti Sanjaya lan Sailendra.

Istilah Wangsa Sanjaya tegesé jeneng pendhiri Karajan Medang, yaiku Sanjaya sing maréntah watara taun 732. Dinasti iki nganut agama Hindhu aliran Siwa, lan kiblaté marang Kunjaradari ing tlatah India.

Pratélan Para Raja

Pratélan para raja Medang sadurungé Dyah Balitung sing katulis sajeroning prasasti Mantyasih miturut téyori Bosch yaiku pratélan para raja Wangsa Sanjaya, sisan uga silsilah kulawarga wiwit saka Sanjaya nganti Balitung.

Para raja mau yaiku:

• Sanjaya
• Rakai Panangkaran
• Rakai Panunggalan
• Rakai Warak
• Rakai Garung
• Rakai Pikatan
• Rakai Kayuwangi
• Rakai Watuhumalang

Uga delengen

• Wangsa Sailendra
• Wangsa Isyana

Kapustakan

• Marwati Poesponegoro & Nugroho Notosusanto. 1990. Sajarah Nasional Indonesia Jilid II. Jakarta: Balai Pustaka
• Slamet Muljana. 2006. Sriwijaya (terbitan ulang 1960). Yogyakarta: LKIS