Wikipédia

X-Press Pearl

kapal kontèner

X-Press Pearl iku kapal kontèner kelas Super Eco 2700 kang kadhaptar ing Singapura. Kapal iki miwiti operasiné nalika Fèbruari 2021 lan dawané wetara 186 mèter.[2] Kapal iki dioperasikaké déning X-Press Feeders.

Kapal kargo ing segara mawa kebul kuning kang metu saka kontèner
X-Press Pearl nalika 20 Mèi 2021. Kapal iki metu kebul kuning amerga ana kabocoran asem nitrat
Sejarah
Singapura
Jeneng: X-Press Pearl
Pamilik: EOS RO Pte Ltd[1]
Operator: X-Press Feeders
Registrasi: Singapura
Pambangun: Zhoushan Changhong International Shipyard
Nomer galangan: CHB084
Diluncuraké: 28 Sèptèmber 2020
Rampung: 10 Fèbruari 2021
Tidak beroperasi: 27 Mèi 2021
Identifikasi:
Nasib: Klelep ing cedhak pasisir Kolombo, Sri Lanka sawisé kobongan 12 dina
Ciri-ciri umum
Kelas lan jinis: Super Eco 2700
Jinis: Kapal kontèner
Tonase:
Displacement: 48.848 Ton[1]
Dawa: 186 m[1]
Amba: 34,8 m[1]
Kedalaman: 17,9 m[1]
Kapasitas: 2.756 TEU
Awak: 26

Ing 20 Mèi 2021, X-Press Pearl kobong ing cedhak pasisir Kolombo, Sri Lanka.[3] Kapal iki kobong gedhé nalika 27 Mèi lan pamiliké ndhaku rugi total. X-Press Pearl sayektiné isih kumambang, lan geniné kinira isih diurusi pemadam kebakaran Sri Lanka nganti rina wengi tanggal 27 Mèi 2021.[4] Sawisé kobong sasuwéné 12 dina, kapalé klelep nalika 2 Juni 2021.[5][6] Kedadèn iki dianggep minangka bencana èkologi segara paling ala ing sujarah Sri Lanka[7][8] jalaran prodhuk-prodhuk kimia kutah menyang segara.[9]

Miturut X-Press Feeders,[10] operasi panylametan kanggo ngilangi kapal kawiwitan nalika Novèmber 2021. Kabèh pakaryan diarep-arep bakal rampung nalika April 2023. Nanging, upaya panylametan mandheg jalaran ana muson kidul-kulon awit pungkasan April tekan Novèmber 2022.

Sajarah kontruksi lan lumakuné

besut

X-Press Pearl digawé Zhoushan Changhong International Shipyard Co. Ltd ing Zhoushan, Cina kanggo parusahan Singapura X-Press Feeders, uga karo kapal brayaté X-Press Mekong.[11][12] Kapal kontèner mawa bobot mati 37.000 ton iki bisa nggawa 2.743 TEU. Kapalé dibabar menyang publik nalika 28 Sèptèmber 2020 lan dikirim nalika 10 Fèbruari 2021.[13][14]

Kapal iki di-deploy kanggo layanan Supitan menyang Wétan Tengah X-Press Feeders, saka Plabuhan Klang (Malaysia) liwat Singapura lan Jebel Ali (Dubai, UAE) menyang Plabuhan Hamad (Qatar). Palayaran mulih menyang Malaysia liwat Hazira (India) lan Kolombo (Sri Lanka). Kapal iki wis nglakoni telung palayaran, nglabuh ing Kolombo nalika 17 Maret lan 18 April, lan kobongan ora suwé sawisé teka panglabuhan katelu ing plabuhan Kolombo nalika 19 Mèi.[15]

Kobongan

besut

X-Press Pearl nggawa 1.486 kontèner mawa isi 25 ton asem nitrat (kang kena dipigunakaké kanggo rabuk lan bahan pambledhos), bahan kimia, kosmètik lan pèlèt low-density polyethylene (LDPE). Kapal iki mangkat saka Plabuhan Hazira nalika 15 Mèi 2021 teka Kolombo nalika 19 Mèi.[16][17] Ing 11 Mèi, kru kapal nemu yèn kontèner saka Jebel Ali ngalami kabocoran asem nitrat, lan njaluk idin marang Plabuhan Hamad lan Hazira supaya kontèner iku diudhunaké ing plabuhan loro iku, nanging ora diidini.[18] Miturut X-Press Feeders, panjalukan iku ditulak jalaran "ora ana fasilitas mligi utawa kaprigelan kang cumepak kanggo ngurusi asem kang bocor", lan kapalé mbacutaké palayarané menyang Kolombo.[19]

Kapal iki teka Kolombo wayah wengi tanggal 19 Mèi lan nglabuh ing jaba plabuhan ngentèni papan kanggo nglabuh. Kapal iki ora ngumumaké kaanan darurat babagan kabocoran asem ing kargo. Ing 20 Mèi, agèn kapal njaluk tulung supaya ditata manèh kontèneré. Panggedhé Plabuhan Nirmal de Silva ngendika, Kolombo minangka panghubung maritim duwé kaprigelan nulungi kedadèn iki. Kapal iki banjur ngetokaké lapuran pisanan ngenani kobongan kang wis dipatèni kru nganggo sistem on-board.[20]

Ana lapuran yèn kapal iki kobongan nalika 20 Mèi, 9.5 mil segaras (17.6 km; 10.9 mi) ing lor-kulon Plabuhan Kolombo.[21] Angkatan Laut Sri karo Otoritas Plabuhan Sri Lanka mlebu kapal saperlu nggolèki apa kang njalari kobongan. Kobongan dinuga dumadi jalaran réaksi kimia kang diangkut ing kapal.[22] Nalika kedadèn kobongan, kapal iki ditumpaki 25 anggota kru.[23]

Senadyan lapuran wiwitan nggayutaké kedadèn iki karo kabocoran asem, Panggedhé Plabuhan De Silva ngendika yèn kobongan dumadi ing palka nomer 2 X-Press Pearl kang sauntara kontèneré katumpuk ing dèk. Uga saka kandhané, prelu pamriksan kang pepak saperlu nemtokaké panyebabé kang pesthi.[20]

Ing 25 Mèi, bledhosan gedhé dumadi ing njero kapal lan 25 anggota kru diévakuwasi.[24][25] Rong anggota kru India tatu kena bledhosan digawa lan dirawat ing Rumah Sakit Sri Lanka Kolombo.[26][27]

Geniné isih mobar tekan 25 Mèi, lan nalika wayah soré kontèneré marai kapalé klelep mlebu segara. Otoritas Rereksan Lingkungan Segara Sri Lanka (MEPA) mbiwara yèn prastawa kutahan minyak Tingkat II saka bunker amerga ana obaran geni kang mbebayani.[28] India ngirim kapal pemadam kebakaran lan juru kendhali polusi Panjaga Pasisir, kapal tunda lan montor mabur panginté maritim Dornier kanggo njaga kapal supaya ora ana wong lan warigaluh kang nyedhaki kapal iki.[29][30]

Ing 26 Mèi, Pangarsa MEPA Dharshani Lahandapura ngendika yèn 378 ton minyak kang ana ing kapal lan kira-kira satengahé bisa kutah menyang segara sawisé kobongané mati. Kaanan hawa kala iku ora apik, nyegah prosès panganggoning piranti panahan (boom) minyak ing sakubengé kapal, nanging péhak kang wenang wis cepak-cepak reresik minyak kang wis teka pasisir.[31] Nalika wayah isuk, tilas kapal kang kobong lan kargo kang ceblok kandhas ing Pasisir Negombo, Sri Lanka.[32] Ing 29 Mèi, wawa X-Press Pearl isih murub lan ngetokaké pego senadyan ta geniné wis mati. Lambung kapal isih wutuh. Kapal tunda pemadam kebakaran mbacutaké ngasokaké banyu menyang kapal. Angkatan Udara Sri Lanka nyeblokaké bubuk kimia garing. Kapal Panjaga Pasisir India ICG Samudra Prahari, kapal pangandhali polusi, gabung dadi satgas.[33] Nalika wayah isuk tanggal 30 Mèi, geniné wis mati lan pemadam kebakaran isih nyemprotaké banyuné. X-Press Feeders nyruwé yèn para salvor lagi numpaki kapal saperlu masang sambungan dhèrèk.[15] Salvor numpaki kapal nalika 1 Juni kanggo pamriksan pisanan.[34] Salvor nemu ruwang mesin kapal banjir lan sok-sok isih metu pego ing ruwang kargo 1, 2, lan 3.[35]

Operasi panylametan

besut

Ing 21 Mèi 2021, Angkatan Laut Sri Lanka ngirim rong kapal patroli lepas pasisir, kapal angkatan laut kaya ta kapal Sagara lan Sindurala karo montor mabur ing sajroning operasi panylametan pemadam kebakaran. Operasi iki lancar, senadyan ta kaanan hawané ora apik ing sakubengé laladan.[36] Kaudhar menawa geniné bisa dikendhalèni nalika 21 Mèi lan upaya ngadhemaké tansah dibacutaké supaya geniné ora mobar manèh.[37][38] Ing 22 Mèi, Angkatan Udara Sri Lanka ngirim hèlikopter Bell 212 menyang operasi panylametan.[39][40] 25 anggota kru dievakuwasi, nanging sing loro digawa menyang rumah sakit.[41] Ing 25 Mèi, India ngirim ICG Vaibhav, ICG Dornier, lan kapal tunda Water Lilly kanggo nulungi Angkatan Laut Sri Lanka matèni geni. Juru polusi India mangsuli yèn kapal Samudra Prahari tumeka nalika 29 Mèi. India ngarani upaya panylametan iki Operasi Sagar Araksha 2.[42]

Ing 2 Juni 2021, X-Press Feeders ngetokaké pranyatan yèn parusahan "getun senadyan ta upaya juru slamet ana kasil nalika munggah menyang kapal lan masang kabel dhèrèk, upaya ngalih kapal menyang segara jeru ora kasil".[43]

Kapal iki panggah ana ing 21 mèter njero banyu. Sapérangan klelep, lan pernahé tansah dimonitor kapal mirunggan.[44]

Dampak lingkungan

besut

Otoritas Rereksan Lingkungan Segara Sri Lanka (MEPA) ngendika menawa dhèwèké padha lagi mbiji karusakan lingkungan lan nglumpukaké bukti-bukti. Rencana ginawé kanggo ngajokaké klaim vèrsi sauntara.[45] Polusi pèlèt rèsin plastik saka kargo kang kutah, kandhas ing Pasisir Sri Lanka nalika 27 Mèi. Pèlèt LDPE uga kandhas ing dharatan kang cedhak.[46] Miturut MEPA, ana telung kontèner pèlèt plastik ing kapal, saben kontèner duwé abot 26 ton.[47][48]

Ing Juni 2021, Laurel Wamsley saka NPR ngandharaké kedadèn iki minangka bencana lingkungan.[43]

Ahli kasarasan lan MEPA uga mèngeti yèn kamungkinan ana udan asem sathithik amerga wetoning émisi nitrogen dioksida.[49] Pamaréntah Sri Lanka nglarang warga nangkep iwak saka Kalutara tekan Negombo jalaran kuwatir yèn ana kontaminasi. Kira-kira 5.600 kapal saben dina ora bisa lelayar lan pamaréntah janji bakal awèh kompènsasi.[50] Wong-wong dipèngeti déning MEPA amrih ora ndemok remukan saka kapal kontèner kang kakontaminasi dat-dat racun.[51][52]

Lapuran pulisi ginawé kanggo nitipriksa kasembranan. Uga digawé panèl ahli kanggo mbiji karusakan lingkungan mangsa suwi. Iwak lan penyu akèh kang mati tur kagawa ombak menyang pasisir-pasisir Sri Lanka saha dipriksa kanggo nemtokaké yèn kapatèné jalaran kutahan minyak.[15] Saka 1.486 kontèner, 81 kontèner dianggep kontèner mawa racun kang mbebayani, kalebu limang ton asem nitrat.[53]

Ing Juni 2021, ana lapuran menawa kapal kontèner iki klelep, kang bakal marakaké dampak ala tumrap spésiyes segara.[54] Ing 2 Juni, para salvor nggèrèd X-Press Pearl amrih adoh saka pasisir, nanging buritan kapal ndemok dhasar marakaké operasi iki diundur. Kaptèn Angkatan Laut Sri Lanka Indika de Silva ngendika yèn ora cetha menawa ana tilas minyak bunker kang ora kobong, nanging péhak kang wenang tansah ngawasi kutahan minyak.[55]

Sri Lanka mréntah salvor kon ngalih minyak bunker menawa ana minyak kang slamet saka obaran geni lan njaga banyu ing sakubengé kapal. X-Press Feeders ngendika yèn dhèwèké wis nyéwa Oil Spill Response Limited kanggo nyengkuyung upaya iku. Juru operasiné wis nganggo SMIT Salvage nalika krisis kapisan diwiwiti. Ing 3 Juni, sapérangan kapal isih kumambang, mawa pérangan buritan kapal ana ing dhasar 21 mèter isor banyu.[56][57]

Pangarsa X-Press Feeders Shmuel Yoskovitz nyuwun pangapunten marang warga Sri Lanka ngenani kedadèn iki. "Kula nyuwun pangapuntenanipun dhumateng para warga Sri Lanka amergi kadadosan punika ingkang sampun nyebabaken dampak ing padamelan lan lingkungan Sri Lanka," kacuplik saka wawancara karo Channel News Asia Singapura.[58] Pamaréntahan Sri Lanka mbacutaké anggoné nglumpukaké remukan lan pèlèt plastik kang dianggep beburon paling gedhé ing negara iku. Kira-kira 34 kontèner wis kaisi karo remukan X-Press Pearl, kalebu pèlèt plastiké.[59] Pamaréntah nglumpukaké 1.075 ton remukan, kalebu wedhi kang sumimpen ing kontèner nalika 8 Juni.[60]

Per 15 Juni 2021, kira-kira 40 penyu mati dilapuraké kagawa ombak menyang pasisir.[61][62] Saliyané penyu, akèh spésiyes iwak, lodan, lan saorané enem lumba-lumba uga kagawa menyang pasisir mawa tatu kobongan; spésiyes akuwatik uga kena dampak saka sumebaring pèlèt plastik.[63][64][65]

Titipriksa

besut

Titipriksa tumrap kobongan ing kapal kontèner diwiwiti nalika 30 Mèi.[66] C. D. Wickramaratne, Inspèktur Jéndral Pulisi, mréntah pulisi supaya masrahaké titipriksa menyang Dhepartemen Titipriksa Kriminal,[67] karo péhak kang wenang mèngeti kamungkinan tindakan ukum marang X-Press Feeders, pamilik kapal.[68] Ing 31 Mèi, juru wicara kapulisèn ngudharaké menawa sepuluh anggota tim mligi pulisi miwiti nyathet pranyatan saka kaptèn lan pangarsa insinyur X-Press Pearl.[69][70] Pulisi Sri Lanka nakoni pangarsa X-Press Pearl sasuwéné rong dina babagan rencana panyimpenan kontèner kapal. Kapal iki nggawa sawetara kelas barang mbebayani kaya ta natrium hidroksida (soda kaustik) ing palka dalah saorané siji kontèner asem nitrat kang bocor ing dèk kapal. Parekam data palayaran (VDR) utawa kothak ireng, uga tinemu.[71][72] Ing 16 Juni 2021, panggedhé parusahan palayaran saenggon, Arjuna Hettiarachchi kang makili kapal X-Press Pearl, ditetepaké dadi tersangka utama kang gegayutan karo kedadèn iki, lan diwènèhi jaminan Pangadhilan Luhur Kolombo.[73][74]

Ing 31 Oktober, OpenFacto, organisasi nirlaba Prancis kanggo risèt sumber binuka, mbabar sawiji titipriksa[75] kang nglacak kontèner asem nitrat menyang Iran lan dinuga didol déning parusahan pialang aran ChemiPakhsh Paykan tur diprodhuksi[76] déning Esfahan Chemical Industries, parusahan kang disanksi Kanadha lan duwé afiliasi karo Kamentrèn Pertahanan Iran.[77]

Dampak ékonomi

besut

Warigaluh enggonan ing Sri Lanka dikongkon tetep ing dharat jalaran ana polusi segara; kang bisa mangribawani ékonomi bebrayan. Denzil Fernando, pangarsa sarékat warigaluh wewengkon, miterang yèn plarangan nangkep iwak bakal ngrugèni 4.300 kulawarga.[9] Rob Hawes, patugas insuransi Crawford & Co. mrakirakaké rugi kargo X-Press Pearl antara $30 yuta nganti $50 yuta, kang iku uga durung ngitung rugi ilangé kapal.[78]

Uga delengen

besut

Rujukan

besut
  1. ↑ a b c d e f g Cithakan:Csr
  2. ↑ "X Press Pearl". www.marinetraffic.com (ing basa Inggris). Diarsip saka sing asli ing 3 Juni 2021. Dibukak ing 22 Mèi 2021.
  3. ↑ "Sri Lanka faces environmental disaster as cargo ship burns for days – video". The Guardian (ing basa Inggris Karajan Manunggal). 31 Mèi 2021. ISSN 0261-3077. Diarsip saka asliné ing 2 Juni 2021. Dibukak ing 3 Juni 2021.
  4. ↑ "Singapore flagged X-Press Pearl under watch off Sri Lanka after fire". EconomyNext (ing basa Inggris). 21 Mèi 2021. Diarsip saka asliné ing 21 Mèi 2021. Dibukak ing 22 Mèi 2021.
  5. ↑ "Disaster feared as fire-hit cargo ship sinks off Sri Lanka coast". www.aljazeera.com (ing basa Inggris). Diarsip saka asliné ing 2 Juni 2021. Dibukak ing 2 Juni 2021.
  6. ↑ "Chemical cargo ship sinks in one of Sri Lanka's worst-ever marine disasters". France 24 (ing basa Inggris). 2 Juni 2021. Diarsip saka asliné ing 2 Juni 2021. Dibukak ing 2 Juni 2021.
  7. ↑ ""Worst Marine Ecological Disaster": Sri Lanka On Cargo Ship Fire". NDTV.com. Diarsip saka asliné ing 30 Mèi 2021. Dibukak ing 31 Mèi 2021.
  8. ↑ "Sri Lanka faces disaster as burning ship spills chemicals on beaches". the Guardian (ing basa Inggris). 31 Mèi 2021. Diarsip saka asliné ing 31 Mèi 2021. Dibukak ing 31 Mèi 2021.
  9. ↑ a b "X-Press Pearl: Sri Lanka braces for environmental disaster from sunken ship" (ing basa Inggris Karajan Manunggal). BBC News. 3 Juni 2021. Diarsip saka asliné ing 3 Juni 2021. Dibukak ing 4 Juni 2021.
  10. ↑ X-Press Pearl Incident Information Centre, Archived 19 February 2022 at the Wayback Machine. X-Press Feeders. Update, 4th February 2022. Retrieved 8 February 2022.
  11. ↑ "Ship Details – IMO No.: 9875355". new-ships.com. New Ships Orderbook. Diarsip saka asliné ing 2 Juni 2021. Dibukak ing 29 Mèi 2021.
  12. ↑ "Ship Details – IMO No.: 9875343". new-ships.com. New Ships Orderbook. Diarsip saka asliné ing 2 Juni 2021. Dibukak ing 29 Mèi 2021.
  13. ↑ Cithakan:Csr
  14. ↑ "The X-PRESS PEARL (2,743 TEU) is delivered". germanlashing.de. German Lashing Robert Böck GmbH. Diarsip saka asliné ing 2 Juni 2021. Dibukak ing 29 Mèi 2021.
  15. ↑ a b c "X-Press Pearl salvors mull boarding as Sri Lanka eyes pollution claim". EconomyNext. 31 Mèi 2021. Diarsip saka asliné ing 3 Juni 2021. Dibukak ing 3 Juni 2021.
  16. ↑ Pal, Alasdair (2 Juni 2021). "Chemical cargo ship sinks off Sri Lanka, fouling rich fishing waters". Reuters. Diarsip saka sing asli ing 3 Juni 2021. Dibukak ing 3 Juni 2021.
  17. ↑ Mohan, Sulochana Ramiah (29 Mèi 2021). "X-Press Pearl operators, Captain, local agent under probe". Ceylon Today. Diarsip saka sing asli ing 29 Mèi 2021. Dibukak ing 4 Juni 2021.
  18. ↑ "Sri Lanka: Chemical-filled X-Press Pearl ship threatens marine life and beaches". BBC. Diarsip saka asliné ing 3 Juni 2021. Dibukak ing 2 Juni 2021.
  19. ↑ "X-Press Pearl entered Hazira and Hamad ports before reaching Sri Lanka: owners". EconomyNext. 27 Mèi 2021. Diarsip saka asliné ing 27 Mèi 2021. Dibukak ing 27 Mèi 2021.
  20. ↑ a b "X-Press Pearl fire origin is still a mystery, Sri Lanka official says". EconomyNext. 28 Mèi 2021. Diarsip saka asliné ing 2 Juni 2021. Dibukak ing 3 Juni 2021.
  21. ↑ "Container fire erupts onboard X-Press Feeders vessel in Colombo". Seatrade Maritime. 21 Mèi 2021. Diarsip saka asliné ing 21 Mèi 2021. Dibukak ing 22 Mèi 2021.
  22. ↑ "Firefighters in Sri Lanka battle container blaze on X-Press Pearl". The Loadstar. 21 Mèi 2021. Diarsip saka asliné ing 21 Mèi 2021. Dibukak ing 22 Mèi 2021.
  23. ↑ "Navy assists dousing of fire in vessel carrying chemicals anchored off Colombo". Daily News. Diarsip saka asliné ing 21 Mèi 2021. Dibukak ing 22 Mèi 2021.
  24. ↑ "Explosion aboard MV X-PRESS PEARL; crew evacuated". Sri Lanka News – Newsfirst. 25 Mèi 2021. Diarsip saka asliné ing 25 Mèi 2021. Dibukak ing 25 Mèi 2021.
  25. ↑ "Explosion reported in 'X-Press Pearl' ship, crew members rescued". Daily News (ing basa Inggris). Diarsip saka asliné ing 25 Mèi 2021. Dibukak ing 25 Mèi 2021.
  26. ↑ "X-PRESS PEARL: 02 Indian crew members admitted to Hospital". Sri Lanka News – Newsfirst (ing basa Inggris). 25 Mèi 2021. Diarsip saka asliné ing 25 Mèi 2021. Dibukak ing 25 Mèi 2021.
  27. ↑ "Crew evacuated after explosion on container ship off Colombo". Al Jazeera Media Network. 25 Mèi 2021. Diarsip saka asliné ing 26 Mèi 2021. Dibukak ing 26 Mèi 2021.
  28. ↑ Hamza, Mahadiya (25 Maret 2021). "Blazing X-press Pearl off Sri Lanka triggers Tier II oil spill warning". EconomNext.com. Diarsip saka asliné ing 25 Mèi 2021. Dibukak ing 25 Mèi 2021.
  29. ↑ "India sends ships, aircraft to help Sri Lanka control oil spill, X-press Pearl blaze". EconomyNext.com. 25 Mèi 2021. Diarsip saka asliné ing 25 Mèi 2021. Dibukak ing 25 Mèi 2021.
  30. ↑ "Sri Lanka fishermen warned off X-Pres Pearl fire zone amid oil spill fears: Minister". EconomyNext.com. 25 Mèi 2021. Diarsip saka asliné ing 25 Mèi 2021. Dibukak ing 25 Mèi 2021.
  31. ↑ "Sri Lanka prepares for oil spill as burning X-Press Pearl spews cargo and charred debris". EconomyNext.com. 26 Mèi 2021. Diarsip saka asliné ing 26 Mèi 2021. Dibukak ing 26 Mèi 2021.
  32. ↑ "Sri Lanka's Western coast contaminated with debris from burning ship". Newsfirst.com. 26 Mèi 2021. Diarsip saka asliné ing 26 Mèi 2021. Dibukak ing 26 Mèi 2021.
  33. ↑ "X-Press Pearl still smouldering off Sri Lanka, fire fighting continues". EconomyNext. 29 Mèi 2021. Diarsip saka asliné ing 29 Mèi 2021. Dibukak ing 29 Mèi 2021.
  34. ↑ "Salvors board X-Press Pearl off Sri Lanka after putting out fire". EconomyNext. 1 Juni 2021. Diarsip saka asliné ing 2 Juni 2021. Dibukak ing 1 Juni 2021.
  35. ↑ "X-Press Pear sinking off Sri Lanka while being towed". EconomyNext.com. 2 Juni 2021. Diarsip saka asliné ing 2 Juni 2021. Dibukak ing 2 Juni 2021.
  36. ↑ "'X-PRESS PEARL' fire continues; SLN & SLPA engaged in containment efforts". Sri Lanka News – Newsfirst (ing basa Inggris). 22 Mèi 2021. Diarsip saka asliné ing 22 Mèi 2021. Dibukak ing 22 Mèi 2021.
  37. ↑ "Fire aboard MV X-Press Pearl contained, cooling efforts continue | Daily FT". www.ft.lk . Diarsip saka asliné ing 22 Mèi 2021. Dibukak ing 22 Mèi 2021.
  38. ↑ "'MV X-Press Pearl' container ship fire, controlled". Hiru News (ing basa Inggris). Diarsip saka asliné ing 22 Mèi 2021. Dibukak ing 22 Mèi 2021.
  39. ↑ "X-PRESS PEARL: Air Force join efforts to douse the fire (Photos)". Hiru News (ing basa Inggris). Diarsip saka asliné ing 21 Mèi 2021. Dibukak ing 22 Mèi 2021.
  40. ↑ "(PICTURES) Sri Lanka Air Force deploys Bell 212 to assist to douse fire aboard 'X-Press Pearl'". Sri Lanka News – Newsfirst (ing basa Inggris). 22 Mèi 2021. Diarsip saka asliné ing 22 Mèi 2021. Dibukak ing 22 Mèi 2021.
  41. ↑ "Indian crew member rescued from blazing ship tests positive for COVID-19". Newsfirst.com. 26 Mèi 2021. Diarsip saka asliné ing 26 Mèi 2021. Dibukak ing 29 Mèi 2021.
  42. ↑ "Sri Lankan authorities using all resources to stop oil spill from gutted cargo ship". PTI. 4 Juni 2021. Diarsip saka asliné ing 4 Juni 2021. Dibukak ing 4 Juni 2021.
  43. ↑ a b "Sri Lanka Faces An Environmental Disaster As A Ship Full Of Chemicals Starts Sinking". NPR.org (ing basa Inggris). Diarsip saka asliné ing 3 Juni 2021. Dibukak ing 3 Juni 2021.
  44. ↑ "Oil, acid, plastic: Inside the shipping disaster gripping Sri Lanka". UN Environment. 12 Januari 2022. Diarsip saka asliné ing 1 Fèbruari 2022. Dibukak ing 1 Fèbruari 2022.
  45. ↑ "X-Press Pearl fire: MEPA to seek compensation". No. 28 May 2021. Newsradio.lk. 28 Mèi 2021. Diarsip saka asliné ing 3 Juni 2021. Dibukak ing 28 Mèi 2021.
  46. ↑ "Authorities scramble to clear debris from troubled MV X-Press Pearl | Daily FT". Ft.lk. Diarsip saka asliné ing 3 Juni 2021. Dibukak ing 3 Juni 2021.
  47. ↑ "Sri Lanka battles waves of plastic waste from burning ship". Yahoo.com. AFP. 28 Mèi 2021. Diarsip saka asliné ing 3 Juni 2021. Dibukak ing 28 Mèi 2021.
  48. ↑ "Sri Lanka braces for 'almost inevitable' oil spill as ship sinks". Al Jazeera. Al Jazeera. 2 Juni 2021. Diarsip saka asliné ing 5 Juni 2021. Dibukak ing 5 Juni 2021.
  49. ↑ "Burning cargo vessel could result in slight acid rains in Sri Lanka: Authorities". The Hindu (ing basa Indian English). PTI. 29 Mèi 2021. ISSN 0971-751X. Diarsip saka asliné ing 29 Mèi 2021. Dibukak ing 29 Mèi 2021.{{cite news}}: CS1 maint: others (link)
  50. ↑ "Si Lanka halts coastal fishing over X-Press Pearl pollution hitting 5,600 boats". EconomyNext. 28 Mèi 2021. Diarsip saka asliné ing 2 Juni 2021. Dibukak ing 29 Mèi 2021.
  51. ↑ "Do not touch 'toxic' debris from 'X-Press Pearl' – MEPA". www.adaderana.lk (ing basa Inggris). Diarsip saka asliné ing 2 Juni 2021. Dibukak ing 31 Mèi 2021.
  52. ↑ "Sri Lanka: Central Environmental Authority issues guidelines for removal of debris from MV X-Press Pearl". www.colombopage.com. Diarsip saka asliné ing 31 Mèi 2021. Dibukak ing 31 Mèi 2021.
  53. ↑ "Sri Lanka Faces An Environmental Disaster As A Ship Full Of Chemicals Starts Sinking". NPR.org. Diarsip saka asliné ing 3 Juni 2021. Dibukak ing 3 Juni 2021.
  54. ↑ "Fears of environmental disaster as oil-laden ship sinks off Sri Lanka". BBC News (ing basa Inggris Karajan Manunggal). 2 Juni 2021. Diarsip saka asliné ing 2 Juni 2021. Dibukak ing 2 Juni 2021.
  55. ↑ "X-Press Pearl stern hits bottom aborting tow, Sri Lanka renews oil spill watch". EconomyNext.com. 2 Juni 2021. Diarsip saka asliné ing 2 Juni 2021. Dibukak ing 2 Juni 2021.
  56. ↑ "Sri Lanka directs X-Press Pearl salvors to take oil out of gutted ship – if any remains". EconomyNext.com. 3 Juni 2021. Diarsip saka asliné ing 3 Juni 2021. Dibukak ing 3 Juni 2021.
  57. ↑ "MEPA ready to face any oil spill from X-PRESS PEARL". Newsfirst.lk. 3 Juni 2021. Diarsip saka asliné ing 3 Juni 2021. Dibukak ing 3 Juni 2021.
  58. ↑ "CEO of vessel operator apologises for impact of sunken container ship off Sri Lanka coast". channelnewsasia.com. 3 Juni 2021. Diarsip saka asliné ing 4 Juni 2021. Dibukak ing 4 Juni 2021.
  59. ↑ "Sri Lanka in biggest ever nurdle hunt after X-Press Pearl spill, volunteer hunters arrested". EconomyNext.com. 4 Juni 2021. Diarsip saka asliné ing 4 Juni 2021. Dibukak ing 4 Juni 2021.
  60. ↑ "Sri Lanka scrapes 1,075 tonnes of X-Press Pearl waste off shores". EconomynNext. 9 Juni 2021. Diarsip saka asliné ing 10 Juni 2021. Dibukak ing 10 Juni 2021.
  61. ↑ "X-Press Pearl: Sri Lanka forms expert groups for environmental, economic costs". EconomyNext.com. 8 Juni 2021. Diarsip saka asliné ing 10 Juni 2021. Dibukak ing 10 Juni 2021.
  62. ↑ "Dead sea turtles continue to wash up on SL shores; Authorities plan to seek maximum compensation". Newsfirst.lk. 7 Juni 2021. Diarsip saka asliné ing 10 Juni 2021. Dibukak ing 10 Juni 2021.
  63. ↑ "Dead Sea Turtles Continue To Wash Up On Sri Lankan Shores". newsfirst. Diarsip saka asliné ing 15 Juni 2021. Dibukak ing 14 Juni 2021.
  64. ↑ "Dead whales, turtles & dolphins wash up on SL shores; Activists warn numbers could rise". newsfirst. Diarsip saka asliné ing 15 Juni 2021. Dibukak ing 14 Juni 2021.
  65. ↑ "Nurdles: the worst toxic waste you've probably never heard of". the Guardian (ing basa Inggris). 29 Novèmber 2021. Diarsip saka asliné ing 30 Novèmber 2021. Dibukak ing 30 Novèmber 2021.
  66. ↑ "Sri Lanka launches probe after burning ship pollutes beaches". www.aljazeera.com (ing basa Inggris). Diarsip saka asliné ing 31 Mèi 2021. Dibukak ing 31 Mèi 2021.
  67. ↑ bugsbunny (31 Mèi 2021). "Criminal investigation underway over fire on X-Press Pearl". Colombo Gazette (ing basa Inggris Amérika Sarékat). Diarsip saka asliné ing 31 Mèi 2021. Dibukak ing 31 Mèi 2021.
  68. ↑ Palenda, Slawomir (31 Mèi 2021). "Sri Lanka readies to sue owners of the fire-struck X-Press Pearl". Splash247 (ing basa Inggris Karajan Manunggal). Diarsip saka asliné ing 31 Mèi 2021. Dibukak ing 31 Mèi 2021.
  69. ↑ "Sri Lanka : Sri Lanka CID to record statements from captain and chief engineer of MV X-Press Pearl today". www.colombopage.com. Diarsip saka asliné ing 31 Mèi 2021. Dibukak ing 31 Mèi 2021.
  70. ↑ "X-Press Pearl salvors mull boarding as Sri Lanka eyes pollution claim". EconomyNext (ing basa Inggris). 31 Mèi 2021. Diarsip saka asliné ing 3 Juni 2021. Dibukak ing 31 Mèi 2021.
  71. ↑ "Sri Lanka recovers X-Press Pearl black box, chief officer questioned on stowage plan". EconomyNext.com. 6 Juni 2021. Diarsip saka asliné ing 6 Juni 2021. Dibukak ing 6 Juni 2021.
  72. ↑ "Black box recovered from fire-stricken ship sinking off Sri Lanka". aljazeera.com. 6 Juni 2021. Diarsip saka asliné ing 6 Juni 2021. Dibukak ing 6 Juni 2021.
  73. ↑ "MV X-Press Pearl local agent granted bail by High Court | Daily FT". www.ft.lk . Diarsip saka asliné ing 17 Juni 2021. Dibukak ing 17 Juni 2021.
  74. ↑ "Chairman of X-Press Pearl's local agency granted bail". www.adaderana.lk (ing basa Inggris). Diarsip saka asliné ing 16 Juni 2021. Dibukak ing 17 Juni 2021.
  75. ↑ OpenFacto. "Pourquoi la Prolifération est mauvaise pour les tortues | OpenFacto" (ing basa Prancis). Diarsip saka asliné ing 31 Oktober 2021. Dibukak ing 31 Oktober 2021.
  76. ↑ "Nitric Acid Cargo on X-Press Pearl Came from Iran". CeylonToday (ing basa Inggris). Diarsip saka sing asli ing 31 Oktober 2021. Dibukak ing 31 Oktober 2021.
  77. ↑ Canada, Global Affairs (19 Oktober 2015). "Consolidated Canadian Autonomous Sanctions List". GAC. Diarsip saka asliné ing 17 Mèi 2021. Dibukak ing 31 Oktober 2021.
  78. ↑ "X-Press Pearl loss will add to insurers' container ship headaches" (ing basa Inggris Amérika Sarékat). S&P Global. Diarsip saka asliné ing 31 Mèi 2021. Dibukak ing 4 Juni 2021.
Dijupuk saka "https://jv.wikipedia.org/w/index.php?title=X-Press_Pearl&oldid=1632714"