ꦮꦺꦴꦃ
꧋ꦮꦺꦴꦃꦮꦺꦴꦲꦤ꧀ꦥꦸꦤꦶꦏꦕꦫꦲꦶꦁꦏꦁꦢꦶꦥꦸꦔꦶꦤꦏꦏꦺꦤ꧀ꦢꦺꦤꦶꦁꦠꦼꦠꦸꦮꦸꦲꦤ꧀ꦏꦼꦩ꧀ꦧꦔꦤ꧀(ꦲꦶꦁꦒꦶꦃꦥꦸꦤꦶꦏꦄꦔꦶꦪꦺꦴꦱ꧀ꦥꦺꦂꦩ꧀)ꦏꦁꦒꦺꦚꦼꦧꦫꦏꦺꦤ꧀ꦮꦶꦗꦶꦥꦸꦤꦤꦶꦥꦸꦤ꧀꧈ꦮꦺꦴꦃꦮꦺꦴꦲꦤ꧀ꦲꦶꦁꦏꦁꦏꦱꦼꦢꦶꦪꦏꦁꦒꦺꦢꦶꦥꦸꦤ꧀ꦩꦔꦤ꧀꧈ꦏꦤ꧀ꦛꦶꦠꦤ꧀ꦱꦃꦢꦶꦥꦸꦔꦶꦤꦏꦏꦺꦤ꧀ꦔ꧀ꦒꦶꦤꦏꦏꦺꦤ꧀ꦒꦼꦫꦏꦤ꧀ꦩꦤꦸꦁꦱꦭꦤ꧀ꦱꦠ꧀ꦮꦱꦠ꧀ꦮꦱꦤꦺꦱ꧀ꦲꦶꦁꦱꦼꦱꦩ꧀ꦧꦼꦠꦤ꧀ꦱꦶꦩ꧀ꦧꦶꦪꦺꦴꦱꦶꦱ꧀ꦲꦶꦁꦏꦁꦢꦝꦺꦴꦱ꧀ꦱꦫꦤꦏꦁꦒꦺꦥꦼꦚꦼꦧꦫꦤ꧀ꦮꦶꦗꦶꦏꦁꦒꦺꦱꦶꦗꦶꦏꦼꦭꦺꦴꦩ꧀ꦥꦺꦴꦏ꧀ꦭꦤ꧀ꦒꦶꦗ꦳ꦶꦏꦁꦒꦺꦏꦼꦭꦺꦴꦩ꧀ꦥꦺꦴꦏ꧀ꦱꦤꦺꦱꦶꦥꦸꦤ꧀;ꦱꦤꦗꦤ꧀ꦠꦼꦤꦤ꧀꧈ꦩꦤꦸꦁꦱꦭꦤ꧀ꦏꦛꦃꦱꦠ꧀ꦮꦱꦤꦺꦱꦶꦥꦸꦤ꧀ꦱꦩ꧀ꦥꦸꦤ꧀ꦢꦝꦺꦴꦱ꧀ꦒꦸꦩꦤ꧀ꦠꦸꦁꦢꦠꦼꦁꦮꦺꦴꦃꦮꦺꦴꦲꦤ꧀ꦩꦶꦤꦁꦏꦱꦸꦩ꧀ꦧꦼꦂꦥꦔꦤ꧀꧈[1]ꦲꦶꦁꦩꦁꦏꦮꦸꦱꦤꦤꦶꦥꦸꦤ꧀꧈ꦮꦺꦴꦃꦮꦺꦴꦲꦤ꧀ꦚ꧀ꦗꦒꦶꦥꦼꦂꦱꦺꦤ꧀ꦠꦱꦼꦲꦒꦺꦁꦱꦏꦶꦁꦲꦺꦴꦲꦸꦠ꧀ꦥꦸꦠ꧀ꦥꦼꦂꦠꦤꦶꦪꦤ꧀ꦢꦺꦴꦚ꧈ꦭꦤ꧀ꦱꦮꦺꦠꦮꦶꦱ꧀(ꦏꦝꦺꦴꦱ꧀ꦠꦄꦥꦼꦭ꧀ꦭꦤ꧀ꦢꦼꦭꦶꦩ)ꦱꦩ꧀ꦥꦸꦤ꧀ꦥꦶꦏꦤ꧀ꦠꦸꦏ꧀ꦠꦼꦒꦼꦱ꧀ꦧꦸꦢꦪꦭꦤ꧀ꦱꦶꦩ꧀ꦧꦺꦴꦭꦶꦱ꧀ꦲꦶꦁꦏꦁꦗꦼꦩ꧀ꦧꦂ꧉
꧋ꦩꦕꦺꦩ꧀ꦩꦕꦺꦩ꧀ꦗꦶꦤꦶꦱ꧀ꦮꦺꦴꦃ–ꦮꦺꦴꦃꦱꦶꦁꦩꦠꦺꦁ(ꦥꦿꦱ꧀ꦠꦮ)ꦱꦏꦶꦁꦲꦥꦼꦭ꧀ꦔꦤ꧀ꦠꦺꦴꦱ꧀ꦧ꧀ꦭꦸꦧꦺꦫꦶꦔꦤ꧀ꦠꦺꦴꦱ꧀ꦱꦼꦩꦁꦏ;ꦮꦺꦴꦃꦱꦶꦁꦒꦫꦶꦁ(ꦥꦿꦱ꧀ꦠꦮ)ꦏꦭꦺꦧꦺꦠ꧀ꦏꦕꦁꦭꦤ꧀ꦧꦼꦫꦱ꧀ꦭꦤ꧀ꦏꦼꦭꦥ;ꦮꦺꦴꦃꦱꦶꦁꦒꦸꦩꦤ꧀ꦠꦸꦁꦏꦭꦺꦧꦺꦠ꧀ꦱ꧀ꦠꦿꦺꦴꦧꦺꦫꦶ꧈ꦫꦱ꧀ꦧꦺꦫꦶ꧈ꦧ꧀ꦭꦸꦧꦺꦫꦶ꧈ꦭꦤ꧀ꦥꦮ꧀ꦥꦮ꧀;ꦭꦤ꧀ꦮꦺꦴꦃꦱꦶꦁꦩꦸꦭ꧀ꦠꦶꦥꦺꦭ꧀ꦏꦝꦺꦴꦱ꧀ꦠꦤꦤꦱ꧀꧈ꦠꦶꦤ꧀꧈ꦭꦤ꧀ꦩꦸꦂꦧꦺꦪꦶ–ꦤ꧀ꦝꦂꦧꦺꦤꦶꦤꦶꦭꦻꦏꦺꦴꦩꦼꦂꦱꦶꦪꦭ꧀ꦩꦶꦤꦁꦏꦥꦔꦤꦤ꧀ꦩꦤꦸꦁꦱ꧉ꦮꦺꦴꦃꦮꦺꦴꦲꦤ꧀ꦝꦶꦥꦸꦤ꧀ꦱꦤ꧀ꦠꦥ꧀ꦏꦤ꧀ꦛꦶꦱꦼꦒꦼꦂꦭꦤ꧀ꦲꦸꦒꦶꦩꦶꦤꦁꦏꦱꦼꦭꦻ꧈ꦩꦂꦩꦭꦢꦺ꧈ꦭꦤ꧀ꦥꦔꦤꦤ꧀ꦄꦮꦺꦠꦤ꧀ꦮꦺꦴꦃꦱꦤꦺꦱꦶꦥꦸꦤ꧀꧈ꦮꦺꦴꦃꦮꦺꦴꦲꦤ꧀ꦲꦸꦒꦶꦢꦶꦒꦸꦤꦏꦏꦺꦤ꧀ꦱꦕꦫꦮꦶꦪꦂꦆꦁꦥꦔꦤꦤ꧀ꦲꦺꦴꦭꦲꦤ꧀ꦭꦤ꧀ꦥꦔꦤꦤ꧀ꦥꦿꦺꦴꦱꦺꦱ꧀(ꦫꦺꦴꦠꦶ꧈ꦏꦸꦮꦺ꧈ꦧꦫꦁꦢꦶꦥꦁꦒꦁ꧈ꦥꦼꦫꦱ꧈ꦌꦱ꧀ꦏꦿꦶꦩ꧀꧈ꦪꦺꦴꦒꦸꦂꦠ꧀꧈ꦱꦪꦸꦫꦤ꧀ꦏꦭꦺꦁ꧈ꦱꦪꦸꦫꦤ꧀ꦧꦼꦏꦸ꧈ꦭꦤ꧀ꦥꦔꦤꦤ꧀ꦱꦶꦪꦥ꧀ꦱꦗꦶ)ꦭꦤ꧀ꦲꦺꦴꦩ꧀ꦧꦺꦤ꧀ꦲꦺꦴꦩ꧀ꦧꦺꦤ꧀ꦏꦣꦺꦴꦱ꧀ꦠꦗꦸꦱ꧀ꦮꦺꦴꦃꦭꦤ꧀ꦎꦩ꧀ꦧꦺꦤ꧀ꦎꦩ꧀ꦧꦺꦤ꧀ꦄꦭ꧀ꦏꦺꦴꦲꦺꦴꦭ꧀(ꦧꦿꦤ꧀ꦝ꧀ꦪ꧀ꦧꦶꦂꦮꦺꦴꦃ꧈ꦄꦁꦒꦸꦂ)꧉[2]ꦉꦩ꧀ꦥꦃꦉꦩ꧀ꦥꦃꦏꦝꦺꦴꦱ꧀ꦮ꦳ꦤꦶꦭꦶ꧈ꦭꦢꦲꦶꦉꦁ꧈ꦭꦤ꧀ꦥꦥꦿꦶꦏꦥꦸꦤꦶꦏꦲꦱꦭꦺꦱꦏꦶꦁꦮꦺꦴꦃꦮꦺꦴꦲꦤ꧀꧈ꦮꦺꦴꦃꦗ꦳ꦻꦠꦸꦤ꧀ꦢꦶꦥꦼꦚ꧀ꦕꦺꦠ꧀ꦏꦁꦒꦺꦚ꧀ꦗꦭꦸꦏ꧀ꦩꦶꦚꦏ꧀ꦗ꦳ꦻꦠꦸꦤ꧀ꦭꦤ꧀ꦥꦿꦺꦴꦱꦺꦱ꧀ꦱꦶꦁꦥꦢꦝꦶꦠꦿꦥꦏꦺꦤ꧀ꦩꦫꦁꦮꦺꦴꦃꦮꦺꦴꦲꦤ꧀ꦭꦤ꧀ꦱꦪꦸꦫꦤ꧀ꦭꦶꦪꦤꦺꦱꦶꦁꦔꦤ꧀ꦝꦸꦠ꧀ꦩꦶꦚꦏ꧀꧈[3]ꦲꦤꦮꦺꦴꦃꦮꦺꦴꦲꦤ꧀ꦱꦶꦁꦏꦱꦼꦢꦶꦪꦱꦧꦼꦤ꧀ꦠꦻꦴꦤ꧀꧈ꦢꦺꦤꦺꦮꦺꦴꦃꦮꦺꦴꦲꦤ꧀ꦭꦶꦪꦤꦺ(ꦏꦝꦺꦴꦱ꧀ꦧ꧀ꦭꦸꦧꦺꦫꦶꦭꦤ꧀ꦲꦥꦿꦶꦕꦺꦴꦠ꧀ꦲꦶꦁꦆꦁꦒꦿꦶꦱ꧀)ꦒꦸꦩꦤ꧀ꦠꦸꦁꦩꦫꦁꦏꦱꦺꦣꦶꦪꦤ꧀ꦩꦸꦱꦶꦩꦤ꧀꧉[4]
ꦱꦶꦠꦶꦫꦤ꧀
besut- ↑ Lewis, Robert A. (2002). CRC Dictionary of Agricultural Sciences. CRC Press. ISBN 978-0-8493-2327-0.
- ↑ McGee (2004). On Food and Cooking. Simon and Schuster. Bab 7: Tinjauan Woh Umum. ISBN 978-0-684-80001-1.
- ↑ Farrell, Kenneth T. (1999). Rempah-rempah, Bumbu, lan Penyedap. Springer. kc. 17–19. ISBN 978-0-8342-1337-1.
- ↑ NFU, Pandhuan Woh-wohan lan Sayuran Inggris, Countryside, dipun terbitaken tanggal 6 Oktober 2022, dipun akses tanggal 25 Juni 2023