Ara
Ara inggih punika salah satunggaling rasi lintang saking 48 rasi lintang Yunani ingkang dipundhaptar wonten ing abad kaping kalih déning asronom Walandi, Ptolemy lan sampun mlebet 88 rasi lintang modhèren ingkang sampun dipundhaptar déning International Astronomical Union. Rasi lintang Ara mapan wonten ing wilahan langit sisih kidul, ing sak kidulipun garis khatulistiwa. Rasi lintang Ara mapan wonten ing antawisipun rasi lintang Scorpius lan Triangulum Australe. Ara inggih maujud saking tembung "altar" ing basa Latin. Wonten ing mitos Yunani, Ara inggih padatanipun dipun-ginakaken kanggé mratandhani altar wonten ing sak nginggiling pedhang déwa Zeus sadèrèngipun perang kaliyan Titans. Wonten ing cariyos sanèsipun, Ara nggambaraken altar minangka papan panggènanipun raja Arcadian saking karajan Lycaon ngorbanaken putranipun ingkang jaler lan ngintun putranipun minangka lawuhipun déwa Zeus.
| ARA | |
|---|---|
 | |
| Cekakan | Ara[1] |
| Genitif | Arae[1] |
| Asensio rekta | 17.39 |
| Deklinasi | −53.58 |
| Area | 237 derajad pesagi (#63rd) |
| Lintang utama | 8[1] |
| Lintang Bayer/Flamsteed | 17 |
| Lintang mawa planèt | 7 |
| Lintang padhang | 2 |
| Lintang cedhak | 3 |
| Lintang paling padhang | β Ara (2.84m) |
| Lintang paling cedhak | Gliese 674 ( tc) |
| Obyèk Messier | 0 |
| Udan météor | None |
| Rasi lintang sing wewatesan | |
| Katon antara lintang +25° lan −90°. Katon paling cetha ing wektu 21.00 jroning sasi July. ' | |
Rasi lintang Ara gadhah laladan ingkang ambanipun kirang langkung 237 drajat pesagi, lan ngewrat sekawan lintang ingkang dipunmangertosi minangka planit-planit. Rasi lintang punika saged dipuntingali ing garis lintang antawisipun +25° lan-90° lan badhé ingkang saé piyambak dipuntingali ing jam 9 ndalu ing salebetipun wulan Juli.
Lintang-lintang
besutDéné lintang-lintang ingkang wonten ing rasi lintang Ara ing antawisipun inggih punika:
- Beta Arae inggih punika lintang ingkang padhang piyambak wonten ing rasi lintang Ara. Beta Arae inggih kalebet lintang ingkang gadhah cahya raseksa oranye tipe K, ingkang tebihipun 603 taun cahya saking bumi. Lintang punika gadhah cahya ingkang langkung padhang tinimbang srengéngé ping 4600.
- Alpha Arae ingkang gadhah cahya langkung sakedhik satunggal persèn tinimbang beta Arae, inggih punika lintang binar, ingkang minangka variabelipun saking lintang Be, ingkang gadhah rotasi ingkang rikat sanget. Tiyang Cina nyebat lintang punika kanthi sebatan lintang Tchou utawi Choo.
- Gamma Arae inggih punika lintang binar ingkang maujud saking cahya super raseksa biru ngantos pethak lan cahya tipe A pethak ingkang alit.
- Mu Arae utawi HD 160691 wonten ing katalog Henry Draper, inggih punika lintang jene ingkang gadhah sistem planit ingkang dipunpitados ngewrat sekawan planit, déné ingkang tiga planètipun mèh sami ukuranipun kaliyan Jupiter.
- Delta Arae inggih punika lintang biru pethak ingkang gadhah magnitudo 3,6 lan tebihipun 187 taun cahya saking bumi.
- Lintang sanèsipun ingkang sampun dipuncathet wonten ing rasi lintang Ara inggih punika lintang R Arae, lintang binar ékliptika tipe Algol, zeta Arae, inggih punika lintang ingkang gadhah cahya raseksa oranye tipe K, ingkang gadhah magnitudo 3,1 kanthi tebihipun 574 taun cahya saking bumi.[1]
Ara taksih kalebet kulawarga rasi lintang Hercules sesarengan kaliyan rasi lintang Hercules, Sagitta, Aquila, Lyra, Cygnus, Vulpecula, Hydra, Sextans, Crater, Corvus, Ophiuchus, Serpens, Scutum, Centaurus, Lupus, Corona Australis, Triangulum Australe lan Crux. Déné rasi lintang sanèsipun ingkang mapan wonten ing sak kiteripun Ara inggih punika rasi lintang Corona Australis, Scorpius, Norma, Triangulum Australe, Apus, Pavo lan Telescopium.[2]
Cathetan suku
besut- ↑ a b c d Ridpath & Tirion 2001, kc. 82–83.
- ↑ Ara Archived 2012-05-06 at the Wayback Machine. (Dipunundhuh tanggal 25 Pebruari 2013)
- Dunlop, Storm (2005). Atlas of the Night Sky. Collins. ISBN 978-0-00-717223-8.
- Ridpath, Ian; Tirion, Wil (2001). Stars and Planets Guide. Princeton University Press. ISBN 978-0-691-08913-3.
- Ridpath, Ian; Tirion, Wil (2007). Stars and Planets Guide (édhisi ka-4th). Princeton University Press. ISBN 978-0-691-13556-4.
- Staal, Julius D.W. (1988). The New Patterns in the Sky. McDonald and Woodward Publishing Company. ISBN 978-0-939923-04-5.