Beksan Opak Abang

Beksan Opak Abang minangka kabudayan khas saka Kabupatèn Kendhal, Jawa Tengah.[1] Tembung opak abang dhéwé iku cekakan saka tembung kethoprak lan terbang.[1] Opak abang mengku teges pagelaran drama tradhisional (kethoprak) kang diiringi musik kang didominasi terbang.[1] Kesenian iki njupuk lakon carita babad lan legenda utawa lakon carangan (carita rekaan) kang ngangkat carita ngenani uriping manungsa.

Jogèd Opak Abang kang wis disalarasake kanggo nyambut tamu ing Pendhopo Kabupatèn Kendhal

Kajaba saka iringané kang nganggo terbang, kostum utawa sandhangan kang dianggo déning paraga opak abang kalebu unik lan khas ya iku sarung lan picis.[1] Sandhangan kang kaya mangkono nudhuhake kondisi bebrayan agung ing Kendhal.[1] Opak Abang padatan disuguhake minangka pentas, resepsi kang suwéné sadina sawengi.[1]

Sajarah besut

Jogèd Opak Abang asalé saka Pasigitan, Boja, Kendhal. Jogèd kang dikenal nalika taun 70-an iki minangka jogèd pambuka kethoprak. [2] Jogèd Opak Abang diprabawani saka manéka warna unsur pasisiran kaya déné Jawa, Islam, Melayu, Cina, lan Portugis. Unsur Jawa katon ing cakepan lagu lan tata rias, unsus Islam saka musik rebana, kostume diprabawani saka unsur Portugis, lan unsur China-Melayu katon saka nada lagune.[2] Ing jaman saiki, déning pamaréntah Kabupatèn Kendhal, mligi Dewan Kesenian Kendhal jogèd Opak Abang asring disuguhake minangka kesenian asli khas Kendhal. Jogèd mau dipentasake ora mung ing Kendhal, nanging uga ing laladan liya kaya ta ing TMII Jakarta.[3] Upadaya kaya mangkono minangka sarana kanggo nguwatake eksistensi kesenian Kendhal.[3]

Uga delengen besut

Cathetan suku besut

  1. a b c d e f Opak Abang ing Situs Dinas Kebudayaan dan Pariwisata Kendhal Archived 2011-08-20 at the Wayback Machine. (dipuntingali 10 April 2012)
  2. a b Tari Opak Abang Asal Kendhal Tetap Eksis (dipuntingali 15 September 2012)
  3. a b Tari Opak Abang Tampil di ISSI Surakarta Archived 2013-11-01 at the Wayback Machine. (dipuntingali 6 Dhésèmber 2013)