Fornax
Fornax (/[unsupported input]ˈfɔːrnæks/) inggih punika salah satunggaling rasi lintang ingkang mapan wonten ing belahan langit sisih kidul. Ingkang sepisanan paring nama rasi lintang punika inggih astronom saking Prancis, inggih punika Nicolas Louis de Lacaille ing taun 1756. Fornax inggih punika salah satunggal saking 88 rasi lintang modhèren ingkang sampun dipuntemtokaken ngantos sapunika.
| FORNAX | |
|---|---|
 | |
| Cekakan | For |
| Genitif | Fornacis |
| Asensio rekta | 3 |
| Deklinasi | −30 |
| Area | 398 derajad pesagi (#41st) |
| Lintang utama | 2 |
| Lintang Bayer/Flamsteed | 27 |
| Lintang mawa planèt | 6 |
| Lintang padhang | 0 |
| Lintang cedhak | 2 |
| Lintang paling padhang | α For (3.80m) |
| Lintang paling cedhak | LP 944-20 ( tc) |
| Obyèk Messier | None |
| Udan météor | None |
| Rasi lintang sing wewatesan | Cetus Sculptor Phoenix Eridanus |
| Katon antara lintang +50° lan −90°. Katon paling cetha ing wektu 21.00 jroning sasi December. ' | |
Lintang-lintang
besutRasi lintang Fornax gadhah laladan ingkang ambanipun kirang langkung 398 drajat persegi lan ngewrat tigang lintang ingkang dipunmangertosi minangka planit-planit. RAsi lintang Fornax saged dipuntingali ing garis lintang antawisipun +50° lan-90° lan badhé katingal ingkang saé piyambak manawi dipuntingali ing jam 9 dalu ing sasi Dhésèmber. Fornax boten gadhah kathah lintang ingkang padhangipun langkung saking sekawan magnitudo. Lintang ingkang padhang piyambak wonten ing rasi lintang Fornax inggih punika lintang alpha Fornaci, ingkang ugi dipunsebat Dalim lan Fornacis. Lintang punika gadhah magnitudo 3,9 lan lintang jené ingkang salajengipun kanthi magnitudo 6,5. Lintang punikatebihipun kirang langkung 46 taun cahya saking bumi.[1] Beta Fornacis inggih punika lintang ingkang padhang piyambak nomer kalih wonten ing rasi lintang Fornax lan minangka lintang raksasa tipe G.
Objek Langit Lebet
besutWonten sapérangan objek langit pérangan lebet ingkang saged dipunmangertosi ing rasi lintang Fornax punika, ing antawisipun inggih punika wonten NGC 1316 ingkang minangka galaksi ekliptika ingkang tebihipun kirang langkung 70 milyar taun cahya, ingkang mapan wonten ing Kluster Fornax. Kluster galaksi ingkang paling sugih nomer kalih ingkang umuripun kirang langkung 100 milyar taun cahya. NGC 1316 inggih ugi kalebet pemancar radio ingkang padhang piyambak wonten ing langit. NGC 1097 inggih punika galaksi sppiral ingkang gadhah bolongan cemeng ingkang gampil njeblug ing punjeripun, ingkang dipunkiteri déning lintang-lintang sanèsipun lan kalih satelit galaksi. Objek punika tebihipun kirang langkung 45 taun cahya.[2] NGC 1360 inggih punika satunggaling planit nebula ingkang katingal pader lan wujudipun elip lan gadhah dawa ingkang boten limrah. NGC 1365 inggih punika kalebet galaksi spiral ingkang dpunlarang kawontenanipun. Galaksi punika gadhah kalih lengen ingkang katingal cetha lan kalabet salah satunggaling galaksi ingkang paling ageng ing laladanipun. NGC 1398 inggih punika galaksi spiral ingkang alit kanthi nukleus ingkang padhang ingkang dipunkiteri déning kathah galaksi-galaksi sanèsipun ingkang lemah ing laladan punika. NGC 1427 inggih punika galaksi ingkang alit, boten aturan lan wernanipun radi biru, ingkang tebihipun 71 yuta taun cahya, ingkang sapunika nembé mlampah tumuju dhateng Kluster Fornax.
Fornax inggih taksih kalebet wonten ing kulawarga rasi lintang Lacaille sesarengan kaliyan rasi lintang Norma, Circinus, Telescopium, Microscopium, Sculptor, Caelum, Horologium, Octans, Mensa, Reticulum, Pictor lan Antlia. Déné rasi lintang sanèsipun ingkang mapan wonten ing sakitering Fornax inggih punika rasi lintang Cetus, Sculptor, Phoenix, lan Eridanus.[3]
Cathetan suku
besut- ↑ Ridpath & Tirion 2001, kc. 148–149.
- ↑ Ridpath & Tirion, kc. 148–149.
- ↑ Fornax Archived 2012-05-06 at the Wayback Machine. (dipunundhuh tanggal 19 Pebruari 2013)
- Levy, David H. (2005). Deep Sky Objects. Prometheus Books. ISBN 1-59102-361-0.
- Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
- Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
- Hilker M. et al.Weighing Ultracompact Dwarf Galaxies in the Fornax Cluster, Astronomical Science, The Messenger 129 – September 2007. The Messenger is a quarterly journal presenting ESO's activities to the public.