Mensa
Mensa inggih punika salah satunggaling rasi lintang ingkang wonten ing langit sisih kidul, ingkang dipundamel nalika abad kaping wolulas déning astronom Prancis, Nicolas Louis de Lacaille. Lacaille sajatosipun paring nama asli rasi lintang mensa kanthi nama Mons Mensae, ingkang saking basa Latin kanggé Table Mountain ingkang papanipun caket kaliyan Cape Town, Afrika Selatan. Mensa ing basa Latin tegesipun "méja". Rasi lintang punika mapan wonten ing sisih kidul, lan kejawi rasi lintang Octans boten saged dipuntingali saking belahan langit sisih lor.
| MENSA | |
|---|---|
 | |
| Cekakan | Men |
| Genitif | Mensae |
| Asensio rekta | 4 ~ 7.5 |
| Deklinasi | −71 ~ −85.5 |
| Area | 153 derajad pesagi (#75th) |
| Lintang utama | 4 |
| Lintang Bayer/Flamsteed | 16 |
| Lintang mawa planèt | 2 |
| Lintang padhang | none |
| Lintang cedhak | none |
| Lintang paling padhang | α Men (5.09m) |
| Lintang paling cedhak | α Mensae ( tc) |
| Obyèk Messier | none |
| Udan météor | none |
| Rasi lintang sing wewatesan | Chamaeleon Dorado Hydrus Octans Volans |
| Katon antara lintang +4° lan −90°. Katon paling cetha ing wektu 21.00 jroning sasi January. ' | |
Lintang-lintang
besutRasi lintang Mensa gadhah tlatah ingkang ambanipun 153 drajat persegi lan ngewrat satunggal planit. Mensa saged dipuntingali wonten ing garis lintang ing antawisipun +4° lan-90° lan badhé katingal saé manawi dipuntingali ing jam 9 dalu ing salebeting sasi Januari. Mensa inggih kalebet satunggal saking 15 rasi lintang circumpolar ingkang wonten ing langit kidul, ingkang boten naté mapan wonten ing sak ngandhaping horison. Mensa boten gadhah kathah lintang ingkang padhang. Déné lintang ingkang padhang piyambak inggih punika lintang alpha Mensae, ingkang gadhah magnitudo 5,09. Lintang punika iggih ngewrat pokok péranganing dwarf, inggih punika lintang tipe G ingkang komposisinipun meh sami kaliyan srengéngé, ingkang tebihipun kirang langkung 33 taun cahya saking bumi. Lintang sanèsipun ingkang wonten ing rasi lintang Mnesa punika inggih lintang pi Mensae, inggih punika sub raksasa lan ugi kalebet lintang tipe G ingkang tebihipun 59 taun cahya. Lintang punika gadhah gas raksasa ingkang ageng, salah satunggal saking planit ingkang amba sampun naté kapanggih wonten ing rasi lintang punika, ing orbit eccentric. Beta Mensae, inggih punika lintang ingkang padhang piyambak nomer tiga ing rasi lintang punika ingkang kalebet raksasa tipe G kanthi magnitudo 5,3.[1]
Rasi lintang Mensa boten gadhah objek langit pérangan lebet ingkang kathah dipunmangertosi. Nanging, Mensa ngewrat péranganing Large Magellanic Cloud, satunggaling galaksi ingkang boten aturan ingkang minangga tangga tepalih saking galaksi Bimasekti. BAgeyan paling ageng sontan ing ;;Large Magellanic Cloud inggih ugi tangga tepalihipun saking rasi lintang Dorado.
Mensa inggih ug itaksih kalebet wonten ing kulawarga rasi lintang Lacaille, sesarengan kaliyan rasi lintang Norma, Circinus, Telescopium, Microscopium, Sculptor, Fornax, Caelum, Horologium, Octans, Reticulum, Pictor lan Antlia. Rasi lintang sanèsipun ingkang wonten ing sak kiteripun rasi lintang Mensa inggih punika Dorado, Chamaeleon, Hydrus, Octans lan Volans.[2]
Cathetan suku
besut- ↑ The Deep Photographic Guide to the Constellations: Mensa
- ↑ Mensa Archived 2012-04-20 at the Wayback Machine.(dipunundhuh tanggal 17 Pebruari 2013)
- Ridpath, Ian; Tirion, Wil (2007), Stars and Planets Guide, Princeton University Press, ISBN 978-0-691-13556-4
- Staal, Julius D.W. (1988), The New Patterns in the Sky: Myths and Legends of the Stars, The McDonald and Woodward Publishing Company, ISBN 0-939923-04-1