Sculptor
Sculptor inggih punika salah satunggaling wujud rasi lintang ingkang alit lan mbeleret ingkang wonten ing belahan langit sisih kidul. Rasi lintang ingkang nggambaraken satunggaling sculptor utawi pengukir punika dipuntepangaken sepisanan déning Nicolas Louis de Lacaille wonten ing abad kaping 18.[1] Ing sepisanan, piyambakipun maringi nama rasi lintang punika kanthi sebatan Apparatus Sculptoris, nanging nama kasebat dipuncekak dados sculptor kemawon.
| SCULPTOR | |
|---|---|
 | |
| Cekakan | Scl |
| Genitif | Sculptoris |
| Asensio rekta | 0 |
| Deklinasi | −30 |
| Area | 475 derajad pesagi (#36th) |
| Lintang utama | 4 |
| Lintang Bayer/Flamsteed | 18 |
| Lintang mawa planèt | 6 |
| Lintang padhang | 0 |
| Lintang cedhak | 2 |
| Lintang paling padhang | α Scl (4.30m) |
| Lintang paling cedhak | Gliese 1 ( tc) |
| Obyèk Messier | 0 |
| Rasi lintang sing wewatesan | Cetus Aquarius Piscis Austrinus Grus Phoenix Fornax |
| Katon antara lintang +50° lan −90°. Katon paling cetha ing wektu 21.00 jroning sasi November. ' | |
Titikanipun
besutKonstélasi Sculptor punika gadhah amba kirang langkung 475 drajat pesagi lan ngewrat tigang lintang ingkang dipunmangertosi dados planit-planit. Rasi lintang punika saged dipuntingali wonten ing latitude ing antawisipun +50° lan-90° lan ingkang saé piyambak dipuntingali wonten ing pukul 9 dalu sadangunipun sasi Novèmber. Boten wonten lintang ing rasi lintang sculptor punika ingkang gadhah magnitudo kirang saking 3,0. Déné lintang ingkang padhang piyambak inggih punika [7690] α Sculptoris, ingkang gadhah magnitudo 4,31m. Lintang punika inggih satunggaling raksasa biru-pethak, kanthi cahyanipun langkung gemerlip kaping 1,700 langkung padhang tinimbang cahyanipun srengéngé. Tebihipun rasi lintang punika kirang langkung 680 taun cahya saking Bumi. Alpha sculptoris inggih dipunklasifikasi minangka satunggaling variabel linteng tipe SX Arietis.[2]
Sculptor ngewrat satunggaling bendha langit ingkang lebet inggih punika the Sculptor Dwarf. Kurcaci sculptor punika inggi satunggaling galaksi kurcaci kanthi wujud elips ingkang ngarah dhateng kekalih Local Group saking galaksi-galaksi ingkang wonten saenipun sami kaliyan grup Sculptor, ingkang punika tangga ingkang paling caket saking grup lokal. The Sculptor Galaxy (NGC 253) inggih punika anggota Sculptor Group ingkang kathah piyambak anggotanipun. Punika inggih satunggaling galaksi spiral ingkang dipunlarang ingkang mapan wonten ing caketipun watesan kaliyan konstelasi Cetus. Galaksi sanèsipun ingkang ugi narik kawigatosanipun para panaliti ing grup punika inggih galaksi NGC 55, satunggaling galaksi larangan ingkang boten aturan ingkang tebihipun kirang langkung pitung yuta taun cahya. Rasi lintang punika saged dipuntingali wonten ing pinggiring konstelasi caket kaliyan watesanipun konstelasi Phoenix. Salah satunggaling galaksi ingkang unik ingkang wonten ing konstelasi Sculptor inggih punika Cartwheel Galaxy, ingakng tebihipun kirang langkung 500 milyar taun cahya. Punika maujud saking asiling dipungabungaken galaksi-galaksi ingkang wonten kirang langkung 300 milyat taun kepengket, Galaksi Cartwheel punika gadhah wos ingkang langkung tuwa, lintang jene, lan bunderan njawinipun ingkang enem, inggih punika lintang biru, ingkang gadhah diameter 100.000 taun cahya. GAlaksi ingkang langkung alit saking asiling tabrakan punika lajeng dipunlebetaken wonten ing lebeting rasi lintang punika sasampunipun pindhah saking jarak 250.000 taun cahya. Wontenipun gelombang kejut saking asiling tabrakan ingkang dadosaken maujudipun lintang ingakng langkung amba ing sak njawinipun ring.[3]
Sculptor punika kalebet wonten ing konstelasi kulawarga Lacaille, sesarengan kaliyan konstelasi Norma, Circinus, Telescopium, Microscopium, Fornax, Caelum, Horologium, Octans, Mensa, Reticulum, Pictor lan Antlia. Konstelasi ingkang pas wonten ing sakitering konstelasi Sculptor punika ing antawisipun inggih punika konstelasi Cetus, Aquarius, Piscis Austrinus, Grus, Phoenix lan Fornax.
Cathetan suku
besut- ↑ Scutum Archived 2012-05-06 at the Wayback Machine. (dipunundhuh tanggal 13 Pebruari 2013)
- ↑ Star Tales – Sculptor(dipunundhuh tanggal 13 Pebruari 2013)
- ↑ Wilkins, Jamie; Dunn, Robert (2006). 300 Astronomical Objects: A Visual Reference to the Universe. Buffalo, New York: Firefly Books. ISBN 978-1-55407-175-3.
