Antlia
Antlia (/[unsupported input]ˈæntliə/; saking basa Yunani Kuno ἀντλία) inggih punika salah satunggaling rasi lintang ingkang lemah lan mapan wonten ing belahan langit sisih kidul. Antlia gadhah teges "pompa" lan kanthi spesifik nggambaraken satunggaling pomba banyu. Rasi lintang Antlia inggih dipundamel ing abad kaping wolulas lan Antlia inggih kalebet rasi lintang ingkang lemah. Antlia dipunkiteri déning rasi lintang Hydra (ula laut), Pyxis (kompas), vela (jala) lan Centaurus (pemburu). Grup rasi lintang punika inggih mapan wonten ing langit kidul lan badhé katingal ing pungkasaning musin adhem lan ing salebeting mangsa semi. NGC 2997, inggih punika salah satunggaling galaksi spiral lan galaksi Antlia Dwarf mapan wonten ing sakiteripun rasi lintang Antlia.
| ANTLIA | |
|---|---|
 | |
| Cekakan | Ant |
| Genitif | Antliae |
| Asensio rekta | 10 |
| Deklinasi | −30 |
| Area | 239 derajad pesagi (#62nd) |
| Lintang utama | 3 |
| Lintang Bayer/Flamsteed | 9 |
| Lintang mawa planèt | 2 |
| Lintang padhang | 0 |
| Lintang cedhak | 2 |
| Lintang paling padhang | α Ant (4.25m) |
| Lintang paling cedhak | DEN 1048-3956[1] ( tc) |
| Obyèk Messier | 0 |
| Udan météor | None |
| Rasi lintang sing wewatesan | Hydra Pyxis Vela Centaurus |
| Katon antara lintang +45° lan −90°. Katon paling cetha ing wektu 21.00 jroning sasi April. ' | |
Sajarah
besutAntlia inggih dipundamel sepisanan ing taun 1756 déning astronom Prancis, inggih punika Abbé Nicolas Louis de Lacaille, tiyang ingkang damel sekawan welas rasi lintang ingkang wonten ing langit kidul kanggé ngisi sapérangan laladan ingkang lemah.[2] Rasi lintang Antlia gadhah nama asli Antlia pneumatica lan dipunsebat "Machine Pneumatique" ing basa Prancis.[3] Rasi lintang Antlia inggih sampun kalebet wonten ing 88 rasi lintang modhern ingkang dipuntemtokaken deining International Astronomical Union.
Lintang-lintang
besutRasi lintang Antlia gadhah dhérah ingkang ambanipun kirang langkung 239 drajat persegi lan ngewrat satunggal lintang ingkang dipunmangertosi minangka planit-planit. Rasi lintang punika saged dipuntingali ing garis lintang antawisipun +45° lan-90° lan badhé katingal ingkang saé piyambak manawi dipuntingali ing jam 9 dalu ing salebeting sasi April. Antlia gadhah sekawan lintang ingkang paling wigati, lan boten wonten saking sekawan lintang kasebat ingkang gadhah magnitudo langkung ageng saking 3,5.
Déné lintang-lintang ingkang wonten ing rasi lintang punika ing antawisipun inggih kados makaten:
- α Antliae inggih punika lintang ingkang padhang piyambak wonten ing rasi lintang Antlia ingkang gadhah magnitudo 4,25.[4] Lintang punika kalebet lintang tipe M ingkang gadhah cahyaraksasa oranye ingkang tebihipun mapan wonten ing jarak 366 taun cahya saking bumi.[2]
- δ Antliae inggih punika tipe lintang rangkep kalih warna biru ingkang tebihipun 481 taun cahya. Komponèn ingkang paling pokok gadhah magnitudi 5,6 déné komponèn pokok nomer kalih gadhah magnitudo 9,6.[2]
- Theta Antliae inggih punika satunggaling lintang binar ingkang kasusun saking lintang pethak tipe A lan ngewrat cahya raksasa padhang tipe F, ingkang tebihipun kirang langkung 384 taun cahya saking bumi.
- Epsilon Antliae lan iota Antliae inggih punika lintang ingkang gadhah tipe cahya raksasa oranye tipe K ingkang tebihipun kirang langkung 106 taun cahya saking bumi.
- ζ Antliae inggih punika tipe lintang rangkep kalih ingkang amba lan tebihipun kirang langkung 373 taun cahya. Komponèn paling baku ingkang nyusun lintang punika gadhah magnitudo 5,8, mila lintang punika ugi gadhah lintang rangkep kalih kanthi gadhah magnitudo ingkang pokok 6,2 lan ingkang nomer kalih gadhah magnitudo 7,0.
Rasi lintang Antlia inggih taksih kalebet wonten ing kulawarga rasi lintang Lacaille sesarengan kaliyan rasi lintang Norma, Circinus, Telescopium, Microscopium, Sculptor, Fornax, Caelum, Horologium, Octans, Mensa, Reticulum lan Pictor. Déné rasi lintang sanèsipun ingkang mapan wonten ing sak kiteripun rasi lintang Antlia inggih punika rasi lintang Hydra, Pyxis, Vela lan Centaurus.[5]
Cathetan suku
besut- ↑ "The 100 Nearest Star Systems". Research Consortium on Nearby Stars. 1 January 2012. Dibukak ing 8 April 2012.
- ↑ a b c Ridpath 2001, kc. 74–76
- ↑ Pasachoff 2000
- ↑ Moore & Tirion 1997
- ↑ Antlia Archived 2013-02-17 at the Wayback Machine.(dipunundhuh tanggal 25 Pebruari 2013)
- Bakich, Michael E. (1995), The Cambridge Guide to the Constellations, Cambridge University Press, ISBN 978-0-521-44921-2
- Moore, Patrick; Tirion, Wil (1997), Cambridge Guide to Stars and Planets (édhisi ka-2nd), Cambridge University Press, ISBN 0-521-58582-1
- Pasachoff, Jay M. (2000), A Field Guide to the Stars and Planets (édhisi ka-4th), Houghton Mifflin, ISBN 978-0-395-93431-9
- Ridpath, Ian (2001), Stars and Planets Guide, Princeton University Press, ISBN 0-691-08913-2
- Ridpath, Ian (2007), Stars and Planets Guide, Wil Tirion (édhisi ka-4th), Princeton University Press, ISBN 978-0-691-13556-4