Kunci suruh

Kunci suruh ya iku jamu kang kondhang kanggo tamban keputihan (fluor albus) lan sari rapet ing masarakat . Jamu iki kalebu uga jamu gendong. Saliyané jamu kunci suruh, ana jamu liya kang kalebu jamu gendong ya iku jamu beras kencur, jamu kunir asem, jamu cabe puyang, jamu pahitan, jamu sinom, jamu kudu laos lan jamu uyup-uyup utawa gepyokan.Jamu kunci suruh iku kalebu ombè-ombènan obat tradhisional Jawa kang turun-temurun saka jaman Majapahit .

Suruh, salah satunggaling bahan jamu kunci suruh

Bahan-bahané Jamu Kunci Suruh

Bahan-bahan saka jamu iki kaya ta :

• rimpang kunci
• godhong suruh
• asem
• gula pasir/gula jawa
• uyah

nanging akèh uga tukang jamu kang gawéné migunakaké :

• delima
• pinang
• kunci pepet
• majakan
• gula pasir/gula jawa
• uyah

bisa uga nganggo bahan :

• jambe
• kayu legi
• manis jangan
• bluntas
• kencur
• gula pasir/gula jawa
• uyah
• kunci

Kasiaté Jamu Kunci Suruh

Khasiat saka jamu iki ya iku :

1. Keputihan (fluor albus)
2. Sari rapet
3. Ngilangké mambu awak
4. Nyilikaké rahim lan weteng sarta
5. Kanggo nguataké untu

Racikan Jamu Kunci Suruh

No.	Kasiat	Bahané
01.	Sari Rapet, keputihan	kunci, asém kawak, suruh, gula
02.	Ngencengké weteng, keputihan	kunci, kencur, suruh, jaé
03.	Keputihan	kunci, asém kawak, suruh, gula
04.	Manbu awak, keputihan	kunci, asém kawak, suruh, gula
05.	Galian rapet, keputihan, ngilangké mambu rahim, getih abang utawa putih	kunci, suruh, pinang, temulawak, delima, kencur
06.	Ngilangké mambu awak, keputihan	[kunci]], suruh, jambe, kunci pepet, kayu legi, manis jangan, delima
07.	keputihan	kunci, suruh, asém kawak, gula
08.	Keputihan	kunci, suruh, majakan, asém kawak, gula
09.	Supaya kringet ora mambu, keputihan	kunci, suruh, kunir
10.	keputihan, sari rapet	kunci, suruh, gula abang (gula aren), asém kawak
11.	Keputihan, ngilangké mambu awak	kunci, suruh, bluntas
12.	Keputihan, awet enom, nguatke untu	kunci, suruh, majakan, gula abang (gula aren)

Carané Gawe Jamu Kunci Suruh

Carané nggawé jamu ya iku :

1. Bahan-bahan kang wis cumepak ditumbuk kasar nganggo lumpang karo alu wesi atawa watu (kabèh rimpang wis dirajangi sadurungé)
2. digodog nganti umeb.
3. banyu godogan disaring lan ditambah uyah, gula sak selerané.
4. godogkan mau dienengke nganti adem, sawisé iku disaring nganggo saringan.