Uyup-uyup
Uyup-uyup utawa Gepyokan iku salah sawijiné ombè-ombènan obat herbal kang digawé saka tuwuhan empon ,jamu kang kagunaané kanggo ngundhakaké produksi ASI (Air Susu Ibu) iki,uga bisa kanggo ngilangké mambu awak kang kurang sedep, lan 'ngademké' weteng (nambani weteng mules lan yèn). Ana ing masarakat, uyup-uyupan atawa gepyokan iku kalebu jamu gendong, saliyané uyup-uyupan macemé jamu genhong ana jamu kunir asem, jamu sinom, jamu cabe puyang, jamu pahitan, jamu kunci suruh, jamu kudu laos lan jamu beras kencur.[1] Jamu uyup-uyup iku kalebu ombèn-ombèn obat tradhisional Jawa kang wis ana ket jaman biyèn, racikané diturun-temurunké saka jaman Majapahit lan nganti saiki isih diuri-uri,nuli dilestarikaké dadi salah sijining kasil saka kabudayan Jawa [2].
Bahan-bahané Jamu Uyup-uyup/GepyokanBesut
Bahan-bahan kang utama saka jamu iki ya iku empon-empon (macem-maceming bumbu masak),kaya ta [3]:
GladriBesut
- JINISING EMPON-EMPON
Alpinia galang
Kencur]]
Temu Kunci
Rimpang Jahe
Khasiaté Jamu Uyup-uyup/GepyokanBesut
Jamu uyup-uyup iki duwé khasiat kang apik marang awak, kaya ta:
- Ningkataké produksi ASI (Air Susu Ibu) kanggo ibu-ibu kang esih nyusuni[4]
- Ngurangi mambu awak (kringet) kang kurang sedep (kena kanggo ibu atawa anaké)[4]
- Uyup-uyup bisa kanggo tamban weteng sebah[4]
- Ngademke awak kang benter[5]
| No. | Kasiat | Bahané |
|---|---|---|
| 01. | Ngelancarké ASI | beluntas, asém, temulawak, godhong katu, gula |
| 02. | Ngelancarké ASI | empon-empon komplit (kencur, jaé, bangle, temugiring, kunir, temulawak),beluntas, temulawak, suruh, godhong katu, gula, asem, jeruk nipis |
| 03. | Ngelancarké ASI | bluntas, asém, jeruk nipis, krokot, lampes, temulawak, puyang, gula |
| 04. | Ngelancarké ASI | empon-empon komplit (kencur, jaé, bangle, temugiring, kunir, temulawak),bluntas, sembukan, jambu |
| 05. | Ngelancarké ASI | kunir, bluntas, asem, jeruk nipis, beras, gula abang (gula aren) |
| 06. | Ngelancarké ASI | kunir, puyang, godhong kates, temu ireng, sembukan. jambu, jarak |
| 07. | Ngelancarké ASI | empon-empon komplit (kencur, jaé, bangle, temugiring, kunir, temulawak), godhong katu, landhep, asém, lampes, gula |
| 08. | Ngelancarké ASI | kunir, asém kawak, gula abang (gula aren), beluntas, simbukan, kedawung |
| 09. | Ngelancarké ASI, ngademké awak | godhong asem, jeruk nipis, gula abang (gula aren) atawa putih, kunir, asem |
| 10. | Ngelancarké ASI, ngilangké mambu awak | kunir, bluntas, beras, gula abang (gula aren), asem |
Cara Gawe Jamu Uyup-uyup/GepyokanBesut
Carané gawé jamu uyup-uyup atawa gepyokan ya iku [4]:
- Bahan-bahan kang wis ana dikumbah kanti resik (ora usah dionceki)
- Empon-empon mau dirajangi ditambah bahan tambahan liyan lan digecek kasar
- Gecekan mau diperes sarta disaring nganggo kain
- Enengké sadelak, nganti adem tinuli dicampur karo banyu kang adem
Cathetan sukuBesut
- ↑ jamu racikan dipununduh tanggal 05 April 2011
- ↑ SEJARAH JAMU (dipununduh tanggal 30 Maret 2011)
- ↑ Mitra Herbal dipununduh tanggal 05 April 2011
- ↑ a b c d Khasiat Jamu Uyup-uyup atawa Gepyokan dipununduh tanggal 05 April 2011
- ↑ a b TEMPO (dipununduh tanggal 30 Maret 2011)