Mékrad Dalem Yésus Kristus
Mékrad Dalem Yésus Kristus punika prastawa ingkang dumados 40 dinten sasampunipun Wungu Dalem Yésus, ingkang dipunseksèkaken déning murid-murid Dalem, Yésus Kristus kaangkat minggah dhumateng langit lan salajangipun ical saking pasawangan sasampunipun katutup méga, kados déné ingkang dipuncathet salebetipun pérangan Prajanjian Énggal ing Alkitab Kristen.
|
Bagéan saka seri babagan |
|
Asma lan sesebutan |
|
Yésus Kristus lan Kakristenan |
|
Ajaran utama Yésus Kristus |
|
Pandhangan marang Yésus |
| Taun Liturgi |
|---|
| Gréja Ritus Kulon |
|
| Gréja Ritus Wétan |
Kitab Para Rasul nyaathet langkung dhetil prakawis pirembagan antawisipun Yésus lan murid-murid Dalem nyaketi wekdal Mékrad Dalem.[1] Para murid Yésus dipungambaraken taksih dèrèng paham sanget teges sadaya prastawa ingkang dipunalami. Kathah saking murid-murid wau ingkang taksih ngajeng-ngajeng bilih Yésus bakal mulihaken karajan Daud ingkang runtuh wiwir dipunkawonaken déning Karajan Babel.[2] Nanging Yésus gadhah misi sanès ingkang sanès saking donya. Panjenenganipun paring pesen dhumateng murid-muridipun: "... kowé bakal padha dadi seksi-Ku ana ing kutha Yérusalèm, ing tanah Yudéa kabèh lan ing tanah Samaria, malah ing salumahing bumi."[3] Lan sasampunipun nilaraken pesen punika, dipuncathet bilih Yésus kaangkat dhumateng swarga, lan dipunseksèkaken déning murid-muridipun. Prastawa punika adamel murid-muridipun ndomblong. Nanging kalih malaékatipun Gusti ngatingalaken dhiri lan ngélingaken para murid dhumateng pesen ingkang sampun dipunparingaken Yésus kanggé para murid.