Masjid Al Markaz Al Islami

Masjid Al Markaz Al Islami inggih punika salah satunggaling masjid ingkang wontn ing Makassar , Indonésia. Masjid Al Markaz Al Islami punika wiwit dipunbngun ing taun 1994 lan paripurna ing tanggal 12 Januari 1996. Ing wekdal sapunika, masjid punika ngrembaka dados punjering pangrembakaning papan ngibadah agami Islam ingkang paling ageng saha paling megah ing Asia Tenggara. Masji Al Markaz Al Islami punika madeg ing Jalan Masjid Raya Makasar. Wangunan masjid punika kapérang dados tigang tingkat ingkang dipundamel saking watu granit ^[1]

Arsitektur

Masjid Al-Markaz Al- Islami ingkang madeg ing Kabupatèn Maros, provinsi Sulawesi Selatan punika gadhah daya tarik saha keunikan piyambak saking kubah masjid ingkang wernanipun abrit pethak.^[2] Arsitektur Masjid Al Markaz Al Islami punika panci kénging pangaribawa saking Masjidil Karam ing Makkah saha Masjid Nabawi ing Madinah Al Munawarrah. Arsitekipun masjid inggih punika Ir. Achmad Numan ugi ngrancang masjidAl Markaz punika kanthi nambahaken unur arsitèktur Masjid Katangka Gowa sah griya adat Bugis – Makassar ing padatanipun. Punika katingal saking kubah utawi atap bundar ingkang boten dados titikanipun masjid punika amargi kuncup segi empat masjid punika niru kunup Masjid Katangka saha griya tiyang Bugis- Makassar.^[3] Pérangan lebet ruang utama masjid ugi katingal megah amargi boten ketutup déning jobin ing ngingilipun ingkang namung ngiteri pérangan sisih ruang utama kemawon. Plafon ruangan ingkang dipundamel manut kalyan wujud kubhipun kanthi aksen lampu gantung hias ingkang nambah aéndahing ruangan masjid. Tata cahyanipun ruangan ugi saé sanget. Cahyanipun srengéngé mlebet saking bukaan cendhela ingkang kapacak wonten ing pinggiring témbok masjid. Ing pérangan ngajeng ruang utama dipunlapisi kaliyan marmer. Wonten ing mriki mihrab dipunyasa béda kaliyan pérangan sanèsipun masjid ingkang dipunyasa ngginakaken relung kanthi padunan persegi panjang saha segi tiga lancip ingkang mapan wonten ing pucukipun. Mimbar mejid ugi istimew amargi dipundamel saking bahan kayu jati kanthi ukiran asli saking Jepara. Déné jobin masjid ngginakaken bahan marmer warna awu tuwa dados paring kesan sejuk ing lebet masjid.

Cathetan suku

↑ Tjokrosaputro, Teddy (2011). 100 Masjid Terindah Indonesia. Jakarta: PT Andalan Media. ISBN 978-602-99731-0-5.
↑ [1] Archived 2013-02-07 at the Wayback Machine. Masjid Al Markaz Al Islami (dipunundhuh tanggal 19 Januari 2013)
↑ [2] Archived 2014-10-15 at the Wayback Machine. Masjid Al-Markaz Al-Islami, Masjid Megah Kota Makassar (dipunundhuh tanggal 19 Januari 2013)

[buku-1] Tjokrosaputro, Teddy (2011). 100 Masjid Terindah Indonesia. Jakarta: PT Andalan Media. ISBN 978-602-99731-0-5.

[internet_1-2] [1] Archived 2013-02-07 at the Wayback Machine. Masjid Al Markaz Al Islami (dipunundhuh tanggal 19 Januari 2013)

[internet_2-3] [2] Archived 2014-10-15 at the Wayback Machine. Masjid Al-Markaz Al-Islami, Masjid Megah Kota Makassar (dipunundhuh tanggal 19 Januari 2013)

[1]

[2]

[3]