Sapardi Djoko Damono

Sapardi Djoko Damono (lair ing Surakarta, 20 Maret 1940 – pati ing Tangerang Selatan, 19 Juli 2020 ing umur 80 taun), punika satunggiling pujangga Indonésia ingkang pinunjul. Wonten ing taun 1986 piyambakipun pikantuk penghargaan SEA Write Award. Piyambakipun naté ngasta wonten ing babagan sastra ing Universitas Indonésia.

Sapardi Djoko Damono
Lair	(1940-03-20)20 Maret 1940 Surakarta, Jawa Tengah
Pati	19 Juli 2020(2020-07-19) (umur 80) Tangerang Selatan, Banten
Basa	Indonésian
Bangsa	Indonésia
Gènre	Geguritan

Babad slira

Masa anèmipun dipuntelasaken ing Surakarta (lulus SMP Negri 2 Surakarta taun 1955 lan SMA Negri 2 Surakarta taun 1958). Ing masa punika panjenenganipun sampun nyerat sapérangan karya ingkang dipunkintun dhumateng kalawarti-kalawarti. Karemenanipun nyerat punika ngrembaka nalika piyambakipun saweg kuliah ing babagan Basa Inggris ing Univèrsitas Gadjah Mada, Yogyakarta. Wiwit taun 1974 piyambakipun ngasta ing Fakultas Sastra (sapunika Fakultas Èlmu Budaya) Univèrsitas Indonésia, nanging sapunika sampun pensiun. Piyambakipun naté dados dekan ing mrika lan ugi dados guru besar. Ing masa kasebat piyambakipun ugi dados rédhaktur kalawarti "Horison", "Basis", lan "Kalam".

Sapardi Djoko Damono kathah nampi bebungah. Nalika taun 1986 SDD pikantuk anugerah SEA Write Award. Panjenenganipun ugi panampi bebungah Achmad Bakrie nalika taun 2003. Panjenenganipun punika salah satunggiling pangadeg Yayasan Lontar.

Karya

Sajak-sajak SDD, makaten panjenenganipun asring dipunjuluki, sampun dipunpertal dhumateng manéka basa. Dumugi sapunika sampun wonten wolung kempalan puisinipun ingkang dipunterbitaken. Panjenenganipun boten namung nyerat puisi, nanging ugi mertalaken manéka karya asing, nyerat esei, sarta nyerat sapérangan kolom/artikel ing layang kabar, kalebet kolom bal-balan.

Sapérangan puisinipun populèr sanget lan kathah tiyang ingkang nepangi, kados déné Aku Ingin (asring dipunserataken bait sepindhahipun ing undhangan mantèn), Hujan Bulan Juni, Pada Suatu Hari Nanti, Akulah si Telaga, lan Berjalan ke Barat di Waktu Pagi Hari. Kapopulèran puisi-puisi punika sapérangan dipunsebabaken musikalisasi dhumateng puisi-puisi wau. Ingkang misuwur mliginipun inggih punika déning Reda Gaudiamo lan Tatyana (kagabung salabetipun duet "Dua Ibu"). Ananda Sukarlan ing taun 2007 ugi nglampahi interpretasi dhumateng sapérangan karya SDD.

Ing ngandhap punika karya-karya SDD (wujud kempalan puisi), sarta sapérangan esei.

Kempalan Puisi/Prosa

• Duka-Mu Abadi, Bandung (1969)
• Lelaki Tua dan Laut (1973; pertalan karyanipun Ernest Hemingway)
• Mata Pisau (1974)
• Sepilihan Sajak George Seferis (1975; pertalan karyanipun George Seferis)
• Puisi Klasik Cina (1976; pertalan)
• Lirik Klasik Parsi (1977; pertalan)
• Dongèng-dongèng Asia untuk Anak-anak (1982, Pustaka Jaya)
• Perahu Kertas (1983)
• Sihir Hujan (1984; pikantuk bebungah Puisi Putera II ing Malaysia)
• Water Color Poems (1986; translated by J.H. McGlynn)
• Suddenly the night: the poetry of Sapardi Djoko Damono (1988; translated by J.H. McGlynn)
• Afrika yang Resah (1988; pertalan)
• Mendorong Jack Kuntikunti: Sepilihan Sajak dari Australia (1991; antologi sajak Australia, dipundamel sesarengan kaliyan R:F: Brissenden lan David Broks)
• Hujan Bulan Juni (1994)
• Black Magic Rain (translated by Harry G Aveling)
• Arloji (1998)
• Ayat-ayat Api (2000)
• Pengarang Telah Mati (2001; kempalan carkak)
• Mata Jendela (2002)
• Ada Berita Apa hari ini, Den Sastro? (2002)
• Membunuh Orang Gila (2003; kempalan carkak)
• Nona Koelit Koetjing:Antologi carita pendek Indonésia periode awal (1870an - 1910an) (2005; salah satunggiling panyusun)
• Mantra Orang Jawa (2005; puitisasi mantra tradhisional Jawa ing basa Indonésia)
• Kolam (2009)

Musikalisasi Puisi

Musikalisasi puisi karya SDD dipunwiwiti ing taun 1987 nalika sapérangan mahasiswanipun mbiyantu program Pusat Basa, damel musikalisasi puisi karya sapérangan panyair Indonésia, salebetipun upados ngaprésiasiaken sastra dhumateng murid SLTA. Ing wekdal punika karipta musikalisasi "Aku Ingin" déning Ags. Arya Dipayana lan "Hujan Bulan Juni" déning H. Umar Muslim.

Sapérangan taun salajengipun miyos album "Hujan Bulan Juni" (1990) ingkang sadaya wujud musikalisasi saking sajak-sajak Sapardi Djoko Damono. Duet Reda lan Ari Malibu wujud salah satunggil saking sapérangan penyanyi sanès, kekalihipun punika mahasiswa Fakultas Sastra Univèrsitas Indonésia.

Sapérangan taun salajengipun nyusul album "Hujan Dalam Komposisi" (1996) saking komunitas ingkang sami. Album "Gadis Kecil" (2006) dipunprakarsani déning duet Dua Ibu, ingkang kapérang saking Reda Gaudiamo lan Tatyana. Album "Becoming Dew" (2007) saking duet Reda lan Ari Malibu

• satunggil lagu saking Soundtrack Cinta dalam Sepotong Roti, asesirah Aku Ingin, dipunpundhut saking sajakipun kanthi judhul sami. Dwiki Dharmawan minangka music director ngaransemen ulang karya Ags. Arya Dipayana lan Ratna Octaviani minangka penyanyinipun.

Ananda Sukarlan ing Warsa Énggal 2008 ugi ngawontenaken konsèr kantata "Ars Amatoria" ingkang isinipun dhedhasar interpretasinipun dhumateng puisi-puisi SDD.

Buku

• Sastra Lisan Indonésia (1983), dipunserat sesarengan kaliyan Subagio Sastrowardoyo lan A. Kasim Achmad. Seri Bunga Rampai Sastra ASEAN.
• Puisi Indonésia Sebelum Kemerdekaan
• Dhimènsi Mistik dalam Islam (1986), pertalan karyanipun Annemarie Schimmel Mystical Dimension of Islam, salah satunggil penulis.

Pustaka Firdaus

• Jejak Realisme dalam Sastra Indonésia (2004), salah satunggil penulis.
• Sosiologi Sastra: Sebuah Pengantar Ringkas (1978).
• Pulitik ideologi dan sastra hibrida (1999).
• Pegangan Penelitian Sastra Bandingan (2005).
• "Babad Tanah Jawi" (2005; nyunting sesarengan Sonya Sondakh, pertalan basa Indonésia saking vèrsi basa Jawa karya Yasadipura, Balai Pustaka 1939).

Pranala njawi

• Profil ing TokohIndonésia.com Archived 2006-02-27 at the Wayback Machine.
• Artikel ngenani acara Puisi Cinta Sapardi Djoko Damono saking Kompas Online, dipunaksès 19 Fèbruari 2008.
• Biografi ringkes Archived 2007-12-30 at the Wayback Machine.