Semar mendem

Artikel iki ditulis nganggo basa krama.

Semar mendem inggih punika salah satunggaling jajanan pasar khas Jawa Tengah ingkang dipundamel saking wos ketan. Wujudipun kados lemper, nanging ingkang bédakaken inggih manawi lemper ayam punika dipunwungkus ron gedhang, déné semar mendem dipunwungkus mawi sak lembar tigan dadar ingkang dipundamel tipis-tipis.^[1]

Bahan-bahan dhasaripun

Bahan-bahan dhasar kanggé damel semar mendem ing antawisipun inggih punika kados makaten:^[2]

500 gram wos ketan dipunkum rumiyin dangunipun 2 jam lajeng dipuntus
250 ml santen saking 1 wutir klapa
1 cendhok teh uyah
2 lembar ron pandan

Bahan wosipun

Bahan-bahan wosipun kanggé damel semar mendem ing antawisipun inggih punika kados makaten:^[2]

1/2 iji utawi 1 kg ayam, dipungodhog ngantos empuk lajeng dipuntus
1 lembar ron salam
1 batang sere dipungeprak
200 ml santen saking 1/2 wutir klapa

Bumbu-bumbunipun

Bahan bumbu kanggé damel semar mendem ing antawisipun inggih punika kados makaten:^[1]

1 cendhok teh tumbar
3 wutir bawang putih
6 wutir brambang
2 butir kemiri dipungongso
1/2 cendhok teh asem
1/2 cendhok teh uyah
2-3 cendhok teh gula jawa

Bahan-bahan kulitipun

Bahan-bahan kanggé damel kulit semar mendem ing antawisipun inggih punika kados makaten:^[1]

4 wutir tigan
2 cendhok glepung terigu
8-10 cendhok toya
1/4 cendhok teh sarem

Caranipun damel

Caranipun damel wosipun semar mendem inggih punika kados makaten ^[1]:

Daging ayam dipunsuwiri lejeng dipuniris ngantos alus.
Sedaya bumbu dipungongso rumiyin ngantos gandanipun arum, lajeng dipunlebetaken santen.
Salajengipun, sadaya bahan kanggé damel isinipun dipunlebetaken, lan dipunmangsak mawi geni ingkang alit ngantos garing. Manawi sampun lajeng dipunangkat lan dipunademaken.
Ketan dipundang mawi ron pandan ngantos setengah mateng, lajeng dipunpindhah ing panci.
Santen dipuncampur kaliyan ketan lan dipunsukani sarem. Dipun masak ing geni alit ngantos sadaya santenipun ngresep ing ketan kanthi dipunudhak ketanipun.
Ketan lajeng dipundang malih ngantos mateng.

Caranipun damel semar mendem inggih punika kados makaten:

Sepisan, tigan dipundadar tipis-tipis, saged damel kirang langkung 15 lembar miterat kabetahanipun
Nalika taksih panas, ketan dipunjlentrehaken wonten ing loyang kandelipun 1 cm, lajeng dipunkethok-kethok kanthi ukuran 6x8 cm.
Ketan ingkang sampun dipunkethok lajeng dipunpipihaken.
Lebetaken 1 cendhok wosi ketan ingkang sampun dipundamel, lajeng ketan dipunrapetaken lan dipunwujud ngantos diameteripun 4 cm, dawanipun 6 cm.
Manawi sampun lajeng dipunwungkus mawi telur dadar ingkang sampun dipundamel.

Uga delengen

lemper

Cathetan suku

↑ ^a ^b ^c ^d [1] Archived 2012-12-11 at the Wayback Machine.(dipunundhuh tanggal 9 Dhésèmber 2012)
↑ ^a ^b [2]^{[pranala mati permanèn]}(dipunundhuh tanggal 9 Dhésèmber 2012)

[internet_1-1] [1] Archived 2012-12-11 at the Wayback Machine.(dipunundhuh tanggal 9 Dhésèmber 2012)

[internet_2-2] [2]^{[pranala mati permanèn]}(dipunundhuh tanggal 9 Dhésèmber 2012)

[1]

[2]