Triyanto Triwikromo

Triyanto Triwikromo (lair ing Salatiga, Jawa Tengah, 15 Sèptèmber 1964; umur 59 taun) ya iku sastrawan Jawa. Triyanto cilik urip ana ing kulawarga sing prasaja. Bapakè kerja buruh pabrik damatek ing Salatiga, déné ibunè dodol panganan ing ngarep kantor pegadaian sing ora adoh saka omahè. Bakat nulis Triyanto ora awit cilik, bakat iku ana nalika dhèwèké SMP. Nalika semana dhewekè dipercaya dadi pengurus mading ana ing SMPnè. Wiwit saka iku bakat nulis ana ing dhewekè lan saya suwé saya tambah. Lulus saka SMP dhewekè banjur nerusaké ana ing SPG. Jaman iku SPG dianggep paling apik ing kalangan masarakat. Sawisé lulus saka SPG, dhewekè mucal ana ing SD Kali Cacing. Dhewekè banjur nerusakè kuliah ana ing IKIP NEGERI SEMARANG (saiki UNNES).

Prestasi

Jenengè wiwit dikenal taun 1989. Wektu iku dhewekè dadi penyair paling apik ing Indonesia versi kalawarta Gadis karo sajak perdamaianè sing judulè Membaca Kepak Sayap Merpati (1989). Mantan Redaktur Nuansa (Tabloid mahasiswa UNNES), redaktur sastra Harian Umum Suara Merdeka, lan dhosèn Penulisan Kreatif Fakultas Sastra Universitas Diponegoro Semarang iki kerep mèlu pertemuan teater lan sastra kaya ta dadi pamicara ing Pertemuan Teater-teater Indonesia ing Yogyakarta (1988) dan Konggrès Cerpen Indonesia ing Lampung (2003). Dhewekè uga mèlu Pertemuan Sastrawan Indonesia ing Padang (1997), Festival Sastra Internasional ing Sala, Pista Prosa Mutakhir ing Jakarta(2003), lan Wordstorm 2005: Nothern Territory Festival ing Darwin, Australia.

Karya

• Puisi (Sajak)

Karya-karya sajak liyané diemot ana ing Antropologi Panorama Dunia Keranda (1991), Kasidah Jalan Raya(1992), Kicau Kepodang (1993), Antologi Puisi Jawa Tengah (1994), Antologi Puisi dan Cerpen Indonesia (1998). Aktif nulis carkak.

• Cerkak

Karya cerkak sing diterbitké ing buku antologi bersama ya iku Rezim Seks (kumpulan cerkak, 1987), Ragaula (kumpulan cerkak, 2002), Sayap Anjing (kumpulan cerkak, 2003), Anak-anak Mengasah Pisau (kumpulan cerkak dwibahasa Indonesia-Inggris, 2003), Waktu Nayla (kumpulan cerkak pilihan Kompas 2003), Malam Sepasang Lampion (kumpulan cerkak, 2004), Sepi pun Menari di Tepi Hati (kumpulan cerkak pilihan Kompas 2004), lan Sayap Kabut Sultan Ngamid (kumpulan cerkak pilihan Kompas 2005-2006).

Cerpen liyanè diemot ana ing médhia-médhia ya iku Tujuh Belas Agustus Tanpa Tahun (1991), Labirin Kesunyian (1992), Litani Kebinasaan (1993), Ninabobo Televisi (1996), Cinta Tak Mati-Mati (1997), Masuklah Ke Telingaku (1999), Ayah (1999), Pintu Tertutup Salju (bersama Herlino Soleman, 2000), Cermin Pasir dan Rahim Api (2002), Sayap Anjing (2003), lan Malam Sepasang Lampion (2004). Cerpene kanthi irah-irahan Anak-anak Mengasah Pisau (kumpulan cerkak dwibahasa Indonesia-Inggris, 2003) kang nyritakake uriping kulawarga cilik sing urip ana ing mburi Stasiun Tawang, Semarang, Jawa Tengah gawé inspirasi marang para seniman, kaya ta pelukis Yuswantoro Adi AS Kurnia didadekakè karya trimatra, pemusik Seno didadekakè lagu, lan Sosiawan Leak didadekakè pertunjukan teater. Cerpen iki uga dipentasakè karo Teater Closed ing Surakarta, Jawa Tengah. Sutradara Dedi Setiadi ndadekakè sinétron déné skenario ditulis karo Triyanto dhéwé.

Karya liyané

• Rezim Seks (kumpulan carkak, 1987)
• Ragaula (kumpulan carkak, 2002)
• Sayap Anjing (kumpulan carkak, 2003)
• Anak-anak Mengasah Pisau-Children Sharpening the Knives (kumpulan carkak dwibahasa Indonesia-Inggris, 2003)
• Malam Sepasang Lampion (kumpulan carkak,2004)

Rujukan

• Triyanto Triwikromo. 2003. Sayap Anjing. Jakarta: Penerbit Buku Kompas

Pranala njaba

• Triyanto Triwikromo
• Triwikromo