Wikipédia

Zakiah Daradjat

nimpuna psikologi Islam Indonésia

Prof. Dr. Zakiah Daradjat (lair ing Koto Marapak, Ampek Angkek, Agam, Sumatera Barat, 6 Novèmber 1929 – pati ing Jakarta, 15 Januari 2013 ing umur 83 taun) inggih punika nimpuna psikologi Islam, pendhidhik, lan guru besar ngèlmu psikologi ing Universitas Islam Negeri (UIN) Syarif Hidayatullah Jakarta. Minangka pendhidhik, padamelanipun Zakiah boten namung kawates kanggé mucal kemawon. Piyambakipun sampun naté mlebet ing dunya birokrasi pendhidhikan. Ing lingkungan Departemen (ingkang sapunika dados Kementerian) Agama, Zakiah naté dados Direktur Pembinaan Perguruan Agama Islam lan Direktur Pembinaan Perguruan Tinggi Agama Islam, déné kekalih lembaga kasebat gadhah tanggel jawab kanggé eksistensi lan majengipun lembaga-lembaga pendhidhikan Islam, saking lembaga pendhidhikan nagari utawi swasta ing Indonésia. Kajawi punika, piyambakipun ugi sampun naté dados pengurus inti Majelis Ulama Indonesia.

Zakiah Daradjat
Lair (1929-11-06) Novèmber 6, 1929 (umur 94)
Nèderlan Koto Marapak, Ampek Angkek, Agam, Sumatera Barat, Hindia-Nèderlan
PatiJanuari 15, 2013(2013-01-15) (umur 83)
Indhonésia Jakarta, Indonésia
BangsaIndhonésia Indonésia
PakaryanPsikolog, pengajar

Biografi besut

Zakiah Daradjat inggih putra pambarep saking pasangan bapak Daradjat lan ibunipun, Rafi'ah. Sanajan boten saking turunan kulawarga para ulama, wiwit alit piyambakipun sampun pikantuk wulangan agama lan dhasar keimanan ingkang kiyat. Piyambakipun sampun dipunkulinakaken déning ibunipun kanggé sregep ngaji lan rawuh ing kathah pengajian-pengajian agama lan sampun dipungladhi kanggé saged pidato déning bapakipun.[1] Ing yuswa pitung taun, Zakiah sampun wiwit mlebet sekolah. Ing enjing piyambakipun sinau ing Standard Shcool Muhammadiyah lan ing wekdal sonten sampun sinau malih ing Diniyah School.[2] Nalika taksih sekolah ing kelas sekawan SD, piyambakipun sampun saged ngetilaken kaprigelanipun kanggé micara ing ngajeng tiyang kathah. [3] Sasampunipun lulus sekolah dhasar, Zakiah mlebet ing Kulliyatul Muballighat wonten ing Padang Panjang ing taun 1947. Ilmu-ngèlmu ingkang dipunpikantuk déning Zakiah ing sekolah punika ingkang ing tembenipun dadosaken piyambakipun gadhah surungan kanggé dados mubalig.[4] Ing taun 1951, piyambakipun lulus saking SMA, lajeng netepaken kanggé sekolah dhateng Yogyakarta. Piyambakipun ndhaftar wonten ing kalih universitas ing fakultas ingkang béda, inggih punika Fakultas Tarbiyah Perguruan Tinggi Agama Islam Negeri (PTAIN) Yogyakarta lan Fakultas Hukum Universitas Islam Indonésia (UII). Nanging sanajan dipuntampi ing kalih universitas kasebat, piyambakipun milih mlebet ing PTAIN Yogyakarta saking pamrayoginipun tiyang sepuhipun. Lajeng ing taun 1956, Zakiah pikantuk beasiswa saking Departemen Agama kanggé nerasaken pendhidhikanipun ing Mesir. Lan ing Mesir, piyambakipun langsung ketampi wonten ing Fakultas Pendidikan Universitas Ain Shams, Kairo kanggé program S-2.[5] Tesisipun ingkang nyariosaken prakawis ingkang kadadosan ing remaja ing Indonésia saged nglantaraken piyambakipun pikantuk gelar MA ing taun 1959. Sasampunipun lulus saking program S-2, piyambakipun lajeng nerasaken sekolah malih kanggé program S-3 ing universitas ingkang sami.[6][7] Zakiah séda ing yuswa 83 taun ing tanggal 15 Januari 2013 jam 09.00 WIB. Sasampunipun dipunshalatkane, layonipun dipunsarèkaken ing kompleks UIN Ciputat ing dinten ingkang sami.

Asiling Karya besut

  • Ilmu Jiwa Agama
  • Keséhatan Mental dalam Al-Qur'an
  • Ketenangan dan Kebahagiaan dalam Kulawarga
  • Membina Aji-aji Moral di Indonésia
  • Menghadapi Masa Menopause
  • Pendidikan Agama dalam Pembinaan Mental
  • Pendidikan Akhlak dalam Al-Qur'an
  • Perawatan Jiwa untuk Anak-anak
  • Problema Remaja di Indonésia

Penghargaan besut

  • Taun 1965: Medali Ilmu Pengetahuan saking Présidhèn Mesir (Gamal Abdul Naser) kanggé prestasi ing babagan studi/panaliten kanggé nggayuh gelar dhoktor.
  • Taun 1977: Tanda kehormatan “Order of Kuwait Fourth Class” saking pamaréntah kraton Kuwait (Amir Shabah Sahir As-Shabah) awit saking asiling karya dados penerjemah basa Arab.
  • Taun 1977: Tanda Kehormatan Bintang “Fourth Class Of The Order Mesir” saking présidhèn Mesir (Anwar Sadat) awit piyambakipun sampun dados penerjemah basa Arab.
  • Taun 1988: Penghargaan Présidhèn RI Soeharto saking peran lan karya pengabdianipun wonten ing kupaya ngudi, nglatih saha ngrembakakaken kaséhateraning gesang laré Indonésia.
  • Taun 1990: Tanda Kehormatan Satya Lancana Karya Satya tingkat I.
  • Taun 1995: Tanda kehormatan Bintang Jasa Utama minangka tokoh wanita/Guru Besar fakultas Tarbiyah IAIN Syarif Hidayatullah, Jakarta.
  • Taun 1996: Tanda Kehormatan Satya Lancana Karya Satya 30 taun utawi langkung
  • Taun 1999: Tanda Kehormatan Bintang Jasa Putera Utama minangka Ketua Majelis Ulama Indonesia.

Cathetan suku besut

Catatan kaki
  1. ↑ Jajat Burhanuddin 2002, kc. 141.
  2. ↑ [1][pranala mati permanèn] Mengenang Sang Pelopor Ilmu Jiwa Agama di Indonésia (dipunundhuh tanggal 27 Januari 2013)
  3. ↑ Ajisman 2011, kc. 57.
  4. ↑ Daradjat 1999, kc. 4–6.
  5. ↑ Jajat Burhanuddin 2002, kc. 145.
  6. ↑ Ajisman 2011, kc. 58.
  7. ↑ Jajat Burhanuddin 2002, kc. 146.
Pratélan pustaka
  • Jajat Burhanuddin, èd. (2002). Ulama Perempuan Indonésia. Gramedia Pustaka Utama. ISBN 979-686-644-7.{{cite book}}: CS1 maint: ref duplicates default (link)
  • Chaniago, Hasril (2010). 101 Orang Minang di Pentas Sajarah. Yayasan Citra Budaya Indonésia. ISBN 979-347-819-5.{{cite book}}: CS1 maint: ref duplicates default (link)
  • Badan Koordinasi Kemasyarakatan Kebudayaan Alam Minangkabau (1995). Siapa Mengapa Sejumlah Orang Minang. Jakarta. ISBN 979-879-000-6.
  • Ajisman (2011). Biografi Beberapa Tokoh Sumatera Barat. Padang: BPSNT Padang Press. ISBN 978-602-8742-27-6.{{cite book}}: CS1 maint: ref duplicates default (link)
  • "Mengenang Zakiah Daradjat: Ulama Wanita Pertama yang Menjadi Ketua MUI". Republika. 2013-01-15. Dibukak ing 2013-01-23.
  • "Innalillahi, Prof Zakiah Daradjat Wafat". Republika. 2013-01-15. Dibukak ing 2013-01-23.

Pranala njawi besut

Dijupuk saka "https://jv.wikipedia.org/w/index.php?title=Zakiah_Daradjat&oldid=1673582"