Ali bin Abi Tholib
Ali bin Abi Tholib iku salah sijiné khalifah, miyos wonten ing Mekah taun 599 Masehi. Sahabat raket sarta mantuné Rasulullah saw, uga seduluré Rasul saka garis keturunan Abdul Mutholib. Ali uga salah sijiné saka papat Khulafaur Rasyidin (Abu Bakar Ash Shidiq, Umar bin Khattab, Utsman bin Affan, lan Ali bin Abi Tholib) kang dadi pambéla nabi lan nyebaraké Islam sapungkuré Rasululloh SAW.
Jeneng asliné yaiku Haydar bin Abu Tholib, putra saka pakliké Muhammad. Asma ibuné Fatimah binti Asasd. Haydar artiné singa, yaiku salah sijiné penggayuh kang dikepéngini Abu Tholib suk mbèné dadi petarung sajati ing kalangan suku-suku Kurès. Jeneng Ali pèwèhan saka Muhammad kang artinè dhuwur drajatè ing sandhingè Allah.
Wiyosan lan Jaman ciliké
besutRamané Ali, Abu Tholib iku sing kajibahan bahureksa Ka'bah lan sesepuh ing Bani Hasyim. Bani Hasyim iku wangsa wigati ing Suku Kurès. Abu Tholib iku kalebu pamané Muhammad. Ibuné Ali, Fatimah binti Asad, iku uga kalebu Bani Hasyim. Iku artiné, Ali iku anak turuné Ismail, putra Ibrahim.[1]
Sawetara sumber nyebutaké yèn Ali iku lair ing njeroning Ka'bah lan nalika iku telung dina bebarengan karo kanjeng Ibu. Muhammad njenengi Ali sing artiné "sing dimulyakaké."
Muhammad kalebu cedhak karo wong tuwané Ali. Nalika Muhammad dadi bocah lola lan banjur ditinggal séda simbahé, Abdul Muttolib, Abu Tholib sing banjur ngopèni Muhammad. Ali iku lair 2-3 taun sawisé Muhammad dhaup karo Khadijah binti Khuwaylid.[2] Nalika Ali ngancik umur udakara lima utawa enem taun, kaanan lagi susah kanggo Abu Tholib. Mula saka iku, Muhammad banjur nggulawentah Ali.[3] Mula saka iku, Ali ingaran ora naté milut agama liya saliyané Islam.
Pranala njaba
besut- ↑ Ashraf 2005, kc. 5
- ↑ Ashraf 2005, kc. 6 and 7
- ↑ Ashraf 2005, kc. 7