Gianluigi Buffon
Gianluigi Buffon kang duwé nama paraban seuperman lair ing Carrara, Italia tanggal 28 Januari 1978.[1][2] Buffon main dados kiper wonten ing klub Juventus lan Tim Nasional Italia.[3] Piyambakipun Miwiti debutipun nalika yuswa 17 taun wonten ing klub Parma nalika main lawan AC Milan.[3] Prestasi ingkang saé piyambak saking Buffon inggih punika nalika piyambakipun dados juara donya 2006.[3] Buffon asring dipunsebat dados salah satunggal kiper ingkang saé piyambak wonten ing donya.[3] Salah satunggaling bebungah ingkang dipunsabet déning piyambakipun inggih punika gelar Kiper ingkang saé piyambak Serie A kaping 8.[1]
| Gianluigi Buffon | ||
.jpg)
| ||
| Informasi Pribadi | ||
|---|---|---|
| Jeneng jangkep | Gianluigi Buffon | |
| Tanggal lair | 28 Januari 1978 | |
| Papan lair | Carrara  Italia, Itali
| |
| Dhuwur | 1.91 m (6 ft 3 in) | |
| Posisi main | Kiper | |
| Club information | ||
| Klub saiki | Juventus | |
| Nomer | 1 | |
| Klub remaja | ||
| 1991–1995 | Parma | |
| Klub senior1 | ||
| Taun | Klub | App (Gls)* |
| 1995–2001 2001–2018 2018-2019 2019-saiki |
Parma Juventus Paris Saint-Germain Juventus |
168 (0) 286 (0) |
| Tim Nasional2 | ||
| 1995–1997 1997–2018 |
Itali U-21 Itali |
11 (0) 102 (0) |
|
1 Panampilan ing Klub senior lan gol | ||
Profil
besutLair saking kulawarga ingkang latar belakangipun ulah raga[4][5] Maria Stella inggih punika ibunipun minangka satunggaling atlet lempar cakram lan Bapakipun inggih punika Adriano Buffon minangka atlet angkat wesi[5]. Buffon punika putra pembarep saking tingang sadulur. Rayinipun inggih punika Veronica lan Guendalina ingkang gadhah profesi dados atlet voli. Paklikipun Buffon Angelo Masocco inggih gadhah pakaryan minangka atlet basket.[5] Satunggaling kiper legendaris saking Italia Lorenzo Buffon uga taksih gadhah paseduluran kaliyan mbah kakungipun Gianluigi Buffon. Buffon gadah sisihan wanudya saking Ceko inggih punika Alena Šeredová.[6] Buffon lan Alena sampun kanugrahan lare kalih inggih punika Louis Thomas (lair 28 Dhésèmber 2007) lan David Lee (lair 31 Oktober 2009).[5] Putra nomer satunggal saking Buffon dipunparingi nama "Thomas" amarga Buffon gadhah idola inggih punika Thomas N'Kono.[5]
Kareir Klub
besutAC Parma
besutBuffon miwiti kariéripun wonten ing akademi bal-balan klub AC Parma taun 1991 nalika yuswanipun 15 taun.[7] Buffon lulus saking tim junior taun 1995 nalika taksih yuswa 19 taun.[7] Buffon lajeng miwiti debutipun wonten Serie A nalika Parma lawan AC Milan tanggal 19 Novèmber 1995, lan wonten tetandhingan punika Parma saged nahan imbang Milan kanthi skor 0-0.[7] Buffon lajeng angsal kesempatan malih kanggo main. Nalika taun 1996 Buffon resmi dados kiper utama Parma, nalika dados kiper utama, pelatih kiper wonten ing klub Parma inggih punika Louie P kang uga dados kiper legendaris saking klub Parma.[7] Buffon lajeng main langkung saking 200 tetandhingan, lan wonten ing mangsa kaping sekawanipun inggih punika nalika mangsa 1998-1999, piyambakipun saged mbekta Parma dados juwara Piala UEFA lan Coppa Italia.[7] Mangsa 2000-01 dados mangsa ingkang pungkasan Buffon wonten ing Klub Parma.[8] Kathah gosip ingkang nyebataken bilih Buffon dados inceran saking klub-klub Italia.[8] Gosip ingkang paling santer inggih punika Buffon dipunminati déning klub ingkang dados juara bertahan Liga Italia inggih punika klub AS Roma.[8] Kabar punika lajeng dipunbantah déning pihak saking klub Roma ingkang mendhet Ivan Pelizzoli saking Atalanta.[8] Buffon piyambak boten nanggepi gosip ingkang sampun sumebar kanthi temen, lan Buffon banjur ngucap:
| “ | Saya rasa, Roma bukanlah papan yang baik bagi saya untuk mengembangkan karier. Mereka memang juara nanging keuangan mereka tipis sehingga kemungkinan akan membuat saya berjuang sendirian sebagai salah satu bintang di sana bersama Francesco Totti.[8] | ” |
Klub saking Kutha Turin, Juventus lajeng rikat-rikat mundhut Buffon kang dados satunggal paket kaliyan Lilian Thuram.[9] Regi transfer Buffon piyambak nalika jaman samanten inggih punika £32,6 yuta ingkang ndamel piyambakipun dados kiper paling awis.[9] Minangka pérangan saking transferipun, Juventus lajeng maringaken Jonathan Bachini kanggé klub Parma.[10]
Juventus FC (2001-2018 lan 2019-saiki)
besutGianluigi Buffon dados salah satunggaling juru main ingkang dipunpundhut Juventus saking klub Parma wonten ing mangsa kompetisi 2001-02 sesarengan kaliyan kanca satunggal timipun Lilian Thuram lan uga glandhang saking klub SS Lazio Pavel Nedved.[11] Juventus piyambak saged ngrawuhaken arto seger sasampunipun nglego bintangipun Zinedine Zidane menyang klub Real Madrid.[12] Juventus lajeng ngrawuhake Marcello Lippi malih sasampunipun Carlo Ancelotti dipunpecat amargi piyambakipun gagal mbekta Juventus dados juara Serie A.[13] Mangsa ingkang kapisan wonten ing klub Juventus, Buffon sampun saged dados kiper utama lan uga dados starting eleven.[14] Piyambakipun sampun tampil kaping 45 tetandhingan resmi.[14] Buffon lajeng saged mbekta Juventus dados juwara Serie A.[14] Wonten ing mangsa 2002-03, Buffon tampil wonten ing 47 laga resmi lan sapisan malih saged ndadosake Juventus juwara Serie A.[14] Piyambakipun uga saged mbekta Juventus wonten ing final Liga Champions ingkang dipungelar wonten ing Stadion Old Trafford, Inggris.[14] Saking prestasinipun kala wau, Buffon lajeng pikantuk kanugrahan UEFA Most Valuable Player nalika taun 2003 lan uga gelar minangka Kiper ingkang saé piyambak wonten ing donya.[15] Mangsa 2003-04, Buffon tampil wonten ing 38 laga, nanging nalika taun punika Juventus gagal anggoné dados juwara Serie A. Piyambakipun uga pikantuk kanugrahan sanèsipun, inggih punika kalebu wonten ing Pratélan 125 Pesepakbola Aktif Paling Sae versi legenda bal-balan Brasil nalika taun 2004, Pele.[16] Lajeng wonten ing mangsa 2004-05, Buffon uga saged dados salah satunggaling bintang ingkang saged mbekta Juventus dados juwara Serie A saking asuhan pelatih Fabio Capello.[16]
Nalika sasi Agustus 2005, Buffon ngalami kacilakan nalika ngadhepi AC Milan wonten ing ajang pra mangsa Luigi Berlusconi Trophy.Masalah sitiran: </ref> panutup ora ana tumrap tenger <ref>.
Karier internasional
besut
Gianluigi Buffon miwiti debutipun kanggé tim nasional bal-balan Italia nalika tanggal 29 Oktober 1997.[17] Debutipun Buffon wonten timnas inggih punika kanggé nggantos kiper utama Gianluca Pagliuca ingkang ngalami cedera nalika badhé nglampahi laga play off Piala Donya 1998 nglawan tim nasional bal-balan Ruslan.[17] Yuswanipun nalika nglampahi debutipun wonten ing timnas nalika taun 1997 inggih punika nembé 19 taun.[17] Piyambakipun uga kalebu wonten ing pratélan 23 juru main ingkang dipunbekta pelatih kanggé Piala Donya 1998, nanging piyambakipun dèrèng pikantuk kesempatan kanggé main.[17] Buffon uga kalebu anggota tim Italia wonten ing Olimpiade Atlanta 1996, Piala Donya 2002, lan Euro 2004.[17] Buffon sajatosipun uga dados pilihan utama Dino Zoff kanggé kiper wonten ing Piala Éropa 2000, nanging 8 dina saderengipun kompetisi dipunwiwiti, astanipun cedera ingkang ndadosaken piyambakipun kedah digantos déning Francesco Toldo.[17] Sakdawanipun putaran final Piala Donya 2006 ing Jerman, Buffon saged tampil kanthi maksimal lan piyabakipun namung kebobolan 2 gol lan uga kacathet kaping 5 nglakokaken clean sheet. Cathetan sanèsipun saking Buffon wonten ing PD 2006 inggih punika piyambakipun saged boten kebobolan sakdawane 453 menit. Buffon kebobolan kaping kalih nalika jaman samanten inggih punika saking gol bunuh diri Cristian Zaccardo nalika ngadhepi tim nasional bal-balan Amérikah Sarékat lan gol penalti saking Zinedine Zidane nalika wonten ing final.[18] Buffon uga dados pahlawan wonten ing final PD 2006, nalikanipun saged menangaken wnten ing drama adu pinalti.[18] Buffon saged nahan tendangan saking David Trezeguet lan saking penaltinipun Fabio Grosso, Italia saged dados juwara Piala Donya 2006.[19][20] Saking prestasinipun kala wau, Buffon lajeng pikanthuk kanugrahan Lev Yashin.[21] Nalika Euro 2008, Gianluigi Buffon dados kapten timnas nggantos Fabio Cannavaro ingkang mundur saking turnamen amarga cedera.[22] Wonten ing tetandhingan penyisihan grup lawan tim nasional bal-balan Rumania tanggal 13 Juni, Buffon sukses nahan pinalti saking Adrian Mutu.[22] Buffon uga saged tampil luar biyasa nalika lawan Perancis wonten ing tetandhingan pungkasan grup.[22] Tanggal 14 Juni 2010 wonten ing Piala Donya 2010, Buffon diganti nalika babak pisanan sasampunipun Italia namung imbang lawan tim nasional bal-balan Paraguay ing Grup F.[23] Alasan digantosipun Buffon inggih punika amarga piyambakipun cedera urat syarafipun kambuh lan Italia uga gagal wonten ing PD 2010.[24]
Kiper Paling Apik Abad 21
besutGianluigi Buffon pikantuk pangalembana minangka kiper ingkang saé piyambak sadonya ing abad 21 déning Federasi Bal-balan Sajarah lan Statistik Internasional (IFFHS).[25] IFFHS ngempalaken data saking saeindhenging donya, ngantos pungkasanipun Buffon pikantuk poin ingkang kathah piyambak saéngga panjenenganipun pikantuk predhikat kiper ingkang saé piyambak sadonya.[25] Panjenenganipun ngoleksi 199 poin.[25]
Data Karier
besutKlub
besutData statistik saking Buffon wonten ing klub Parma lan Juventus:
| Klub | Mangsa Kompetisi | Liga | Piala | Éropa | Liyane | Total | |||||
|---|---|---|---|---|---|---|---|---|---|---|---|
| Main | Gol | Main | Gol | Main | Gol | Main | Gol | Main | Gol | ||
| Parma | 1995–96 | 9 | 0 | 1 | 0 | 0 | 0 | – | 10 | 0 | |
| 1996–97 | 27 | 0 | 1 | 0 | 1 | 0 | 0 | 0 | 29 | 0 | |
| 1997–98 | 32 | 0 | 6 | 0 | 8 | 0 | – | 46 | 0 | ||
| 1998–99 | 34 | 0 | 10 | 0 | 11 | 0 | – | 55 | 0 | ||
| 1999–2000 | 32 | 0 | 0 | 0 | 8 | 0 | 1 | 0 | 42 | 0 | |
| 2000–01 | 34 | 0 | 2 | 0 | 7 | 0 | – | 43 | 0 | ||
| Total | 168 | 0 | 20 | 0 | 36 | 0 | 1 | 0 | 225 | 0 | |
| Juventus | 2001–02 | 34 | 0 | 1 | 0 | 10 | 0 | – | 45 | 0 | |
| 2002–03 | 32 | 0 | 0 | 0 | 15 | 0 | 1 | 0 | 48 | 0 | |
| 2003–04 | 32 | 0 | 0 | 0 | 6 | 0 | 1 | 0 | 39 | 0 | |
| 2004–05 | 37 | 0 | 0 | 0 | 11 | 0 | – | 48 | 0 | ||
| 2005–06 | 18 | 0 | 2 | 0 | 4 | 0 | 0 | 0 | 24 | 0 | |
| 2006–07 | 37 | 0 | 3 | 0 | – | 40 | 0 | ||||
| 2007–08 | 34 | 0 | 1 | 0 | – | 35 | 0 | ||||
| 2008–09 | 23 | 0 | 2 | 0 | 5 | 0 | – | 30 | 0 | ||
| 2009–10 | 27 | 0 | 1 | 0 | 7 | 0 | – | 35 | 0 | ||
| 2010–11 | 16 | 0 | 1 | 0 | – | 17 | 0 | ||||
| 2011–12 | 1 | 0 | 0 | 0 | – | 1 | 0 | ||||
| Total | 291 | 0 | 11 | 0 | 58 | 0 | 2 | 0 | 362 | 0 | |
| Total | 459 | 0 | 31 | 0 | 94 | 0 | 3 | 0 | 587 | 0 | |
International
besutDhata statistik Buffon wonten ing tim nasional bal-balan Italia:[26]
| Itali Tim Nasional | ||
|---|---|---|
| Taun | Apps | Gol |
| 1997 | 1 | 0 |
| 1998 | 3 | 0 |
| 1999 | 8 | 0 |
| 2000 | 4 | 0 |
| 2001 | 7 | 0 |
| 2002 | 12 | 0 |
| 2003 | 7 | 0 |
| 2004 | 12 | 0 |
| 2005 | 3 | 0 |
| 2006 | 15 | 0 |
| 2007 | 8 | 0 |
| 2008 | 9 | 0 |
| 2009 | 11 | 0 |
| 2010 | 2 | 0 |
| 2011 | 6 | 0 |
| Total | 108 | 0 |
Gelar
besutKlub
besut- Parma
- UEFA Cup (1): 1998–99
- Coppa Italia (1): 1998–99
- Supercoppa Italiana: 1999
- Juventus
Internasional
besut- Italia U21
- Italia
- FIFA Word Cup (1): 2006
Pribadi
besut- Bravo Award: 1999
- Best European Goalkeeper: 2003
- UEFA Champions League Most Valuable Player: 2003
- UEFA Club Football Awards Best Goalkeeper: 2003
- FIFA 100
- Yashin Award: 2006
- 2006 FIFA World Cup All-Star Team
- European Footballer of the Year (Silver Ball): 2006
- Serie A Goalkeeper of the Year: 1999, 2001, 2002, 2003, 2004, 2005, 2006, 2008
- UEFA Team of the Year: 2003, 2004, 2006
- UEFA Euro Team of the Tournament: 2008
- FIFPro World XI: 2006, 2007
- IFFHS World's Best Goalkeeper: 2003, 2004, 2006, 2007
- UEFA Euro 2008 Team of the Tournament
- IFFHS Goalkeeper of the Decade
Pranala njawi
besut| Wikimedia Commons duwé médhia ngenani Gianluigi Buffon. |
| Wikicuplik duwé cuplikan ngenani: Gianluigi Buffon |
- Official website Archived 2011-09-26 at the Wayback Machine. (ing basa Itali) (ing basa Inggris)
- Gianluigi Buffon Player Profile and Stats Archived 2010-06-19 at the Wayback Machine. at Footbalistic
- Gianluigi Buffon FIFA competition record
- Profile Archived 2011-10-29 at the Wayback Machine. on Juventus's official website
- ESPN Profile Archived 2012-10-23 at the Wayback Machine.
Cathetan suku
besut- ↑ a b "Situs rasmi Juventus Football Club Indonesia, Copyright ©2009. Dipuntingali tanggal 22 Maret 2011". Diarsip saka sing asli ing 2011-08-10. Dibukak ing 2011-03-22.
- ↑ Dipuntingali tanggal 11 Maret 2012.
- ↑ a b c d Situs rasmi KapanLagi.com, Copyright © 2009 - 2011. Dipuntingali tanggal 22 Maret 2011.
- ↑ "Gianluigi Buffon Biography". Diarsip saka sing asli ing 2011-08-13. Dibukak ing 2011-05-01.
- ↑ a b c d e "Gianluigi Buffon Biography". Diarsip saka sing asli ing 2011-05-19. Dibukak ing 2011-05-01.
- ↑ Expecting: Gianluigi Buffon and Alena Seredova
- ↑ a b c d e www.rsssf.com
- ↑ a b c d e "Roma nearly signed Buffon". Football Itali. Diarsip saka asliné ing 2008-05-02. Dibukak ing 25 Dhésèmber 2007.
- ↑ a b "Juve land £32.6m Buffon". BBC Sport. 4 Juli 2001. Dibukak ing 6 April 2010.
- ↑ "Acquistato Buffon". Juventus FC . 3 Juli 2001. Diarsip saka sing asli ing 7 September 2001. Dibukak ing 6 April 2010.
{{cite news}}: Text "L_IT,00.html" ignored (pitulung); Text "L_IT,00.html" ignored (pitulung) - ↑ Nedved: I can retire happy
- ↑ "Zidane al Real". Juventus F.C. . 2001-07-09. Diarsip saka sing asli ing 2001-08-06. Dibukak ing 2010-04-06.
{{cite news}}: Text "L_IT,00.html" ignored (pitulung) - ↑ "Reports and Financial Statements at 30 June 2002" (PDF). Juventus F.C. 2002-10-28. Diarsip saka sing asli (PDF) ing 2008-12-07. Dibukak ing 2010-03-08.
- ↑ a b c d e Milan lift European crown[pranala mati permanèn]
- ↑ http://www.uefa.com/uefasupercup/news/newsid=95982.html
- ↑ a b "Fifa names greatest list". BBC. 2004-03-04. Dibukak ing 2007-04-30.
- ↑ a b c d e f raga.infogue.com/internasional_buffon_baru_pensiun_jika_dibuang ulah raga.infogue.com ulah raga.infogue.com[pranala mati permanèn]
- ↑ a b Italy-United States Match Report
- ↑ "Italy 1–1 France: Italy triumph as Zizou explodes". ESPN Soccernet. 2006-07-09. Diarsip saka sing asli ing 2012-10-23. Dibukak ing 2010-06-15.
- ↑ France-Italy Match Report
- ↑ "FIFA World Cup "Lev Yashin" Award". rssf.com. Dibukak ing 2010-06-15.
- ↑ a b c "Spain 0 – 0 Italy". ESPN Soccernet. 2008-06-22. Diarsip saka sing asli ing 2008-06-28. Dibukak ing 2011-09-29.
{{cite web}}: Unknown parameter|accehssdate=ignored (pitulung) - ↑ Cedera, www.republika.co.id Buffon Mundur dari Piala Dunia-Republika
- ↑ "World Cup 2010: Gianluigi Buffon's World Cup in doubt". BBC Sport. 2010-06-15. Dibukak ing 2010-06-15.
- ↑ a b c Gianluigi Buffon Kiper Terbaik Abad 21 dipunundhuh tanggal 11 Maret 2012
- ↑ http://www.rsssf.com/miscellaneous/buffon-intl.html