Camelia Malik
Camelia Malik (lair ing Jakarta, 22 April 1955; umur 68 taun). Camelia Malik ya iku salah sijiné penyanyi dangdut lan pemeran filem kang asalế saka Indonésia. Camelia Malik lumrahé diundang kanthi jeneng Mia. Camlia Malik éntuk jejuluk dadi "Diva Dangdut Jaipong". Jejuluk iki diwénéhaké Mia amarga jogèd jaipongan dadi cirikhas nalika Mia nyanyi lagu dangdut. Camelia iku adhik tiriné musisi Ahmad Albar.
| Camelia Malik | |
|---|---|
 | |
| Lair | April 22, 1955 Jakarta, Indonesia |
| Bangsa | Indonesia |
| Pakaryan | Penyanyi, Musisi |
| Dhuwur | 168 cm (5 ft 6 in) |
| Bojo | Reynold Panggabean (cerai) Harry Capri |
Karir besut
Mia urip nganti gedhé ing donyaning filem. Bapaké Mia ya iku Djamaludin Malik iku tokoh filem kang nduwéni prusahaan filem.[1] Bapaké Camelia Malik nduwé kanca kaya ta Asrul Sani, Usmar Ismail, Fifi Young, dan Chitra Dewi kang kerep kumpul karo bapaké.[1] Camelia Malik wiwit main filem nalika umuré lagi 16 taun.[1] Film sepisanan kang tau dibintangi bareng karo Rachmat Kartolo ya iku filem kang judhulé "Ratna".[1]
Karir Nyanyi besut
Camelia iku nduwéni katurunan Padang-Jawa-Arab.[2] Camelia Malik wiwit nyanyi nalika taun 1970.[2] Nalika iku bojoné ya iku Reynold Panggabean, nawani Mia kanggo nyanyi lagu gubahané kang nduwéni judhul "Colak-colek".[2] Lagu perdana Mia sukses banget lan nggawé jenengé misuwur ing deretan penyanyi top dangdut liyané kaya ta Rhoma Irama, Muchsin Alatas, Elvy Sukaesih, Rita Sugiarto lan Ellya Khadam.[2] Nalika iku, musik dangdut kang akèh wong ngarani “Musik Kampungan” wiwit disenengi masarakat kalebu masarakat Jepang lan Amérikah Sarékat.[2] iki bisa kabuktékaké nalika Camelia tampil nyanyi ing acara Live Show Camelia Malik ing Shibuya Seed Hall, Tokyo, Jepang.[2] Pemudha-pemudha Jepang akèh kang njerit karo goyang lang ngucapaké "Telah Lahir Musik Baru".[2] Semono uga nalika Camelia nyanyi ing kutha San Fransisco, Los Angeles, lan New York.[2]
Kasuksesan Album Colak Colek saya nguwatake kaanan Camelia Malik dadi penyanyi dangdut.[2] Malah-malah lagu Colak Colek éntuk penghargaan saka Pusat Penerangan ABRI.[2] Mia uga tampil nyanyi ing Istora Senayan Jakarta.[2] Camelia Malik tampil bareng karo Hetty Koes Endang, Elvy Sukaesih lan penyanyi-penyanyi kang jenengé wis misuwur sadurungé Camelia Malik.[2] Mia tau kepilih dadi biduanita Melayu kang paling populer nalika taun 1978 - 1981.[2]
Album-album kang tau digawé Mia kaya ta Raba-raba, Ceplas-ceplos, Gengsi Dong, Wakuncar, Murah Meriah, lan Colak Colek II.[2] Album-album iki laris ing pasaran, malah-malah akèh kng difilemaké.[2] Saliyané aktif nyanyi lan manggung, Mia uga sinau akting filem. Mia latiyan akting kanthi diiwangi sutradara-sutradara kang ngarahaké filem kang dibintangi mligi sutradara Nawi Ismail.[2]
Cathetan suku besut
| Artikel iki minangka artikel rintisan. Kowé bisa ngéwangi Wikipédia ngembangaké. |