Kapuloan Natuna Selatan

Kapuloan Natuna Selatan inggih kalebet wewengkon kapuloan ing Indonésia ingkang dumunung ing laladan Laut Cina Selatan sisih kidul, ing pucuk lèr provinsi Kalimantan Barat. Kapuloan Natuna Selatan gadhah ama kirang langkung 1.300 km². Cacahipun pendhudhuk kirang langkung 100.000 tiyang. Kapuloan punika kapérang dados atusan kilomèter nglingkupi pulo-pulo ing laladanipun. Déné pulo-pulo ageng ingkang kalebet wonten ing Kapuloan Natuna Selatan inggih punika Pulo Subi, Pulo Panjang, Pulo Midai, lan Pulo Murih. Pulo-pula punika kala wau dipunpedhot kaliyan Selat Selasan.

Kapuloan Natuna Selatan

Géografi

Kapuloan Natuna Selatan mapan wonten ing titik koordinat N 2° 45' 0 E 109° 0' 0. Kapuloan Natuna inggih kapuloan ingkang nyigar wewengkon nagara Malaysia. Natuna punika kapuloan ingkang mapan wonten ing sisih lor saking Selat Karimata. Ing sisih lor, Kapuloan Natuna kawates kaliyan nagara vietnam saha Kamboja. Ing sisih kidul kawates kaliyan Sumatra Selatan saha Jambi. Ing sisih kulon kawaes kaliyan Singapura, Malaysia, Riau, saha ing sisih wétan kawates kaliyan Malaysia Timur saha Kalimantan Barat. Kapuloan Natuna Selatan mapan wonten ing jalur pelayaran internasional saking Hongkong, Jepang, Koréa, saha Taiwan. Kapuloan Natuna Selatan ingkang kalebet wewengkon Kabupatèn Natuna punika misuwur kanthi kanthahing lenga saha Gas alamipun. Cadangan lenga buminipun ing kapuloan Natuna punika dipunkinten taksih wonten 14.386.470, déné gas buminipun taksih wonten 112.356.680 barel. Kabupatèn Natuna ingkang njangkepi wewengkon Kapuloan Natuna Selatan punika tanahipun kathah bukit-bukit saha gunung-gunung watu. Dataran andhap saha lande kathah kapanggih wonten ing sak pinggiring pasisir. Dhuwuripun siti ing saben kacamatan ingkang wonten inggih manéka warna, udakawis 3 ngantos 959 mèter saking sak nginggiling toya laut, kanthi kemiringan sitinipun 2 dugi 5 mèter. Ing padatanipun struktur tanahipun kapérang dados tanah podsolik abrit saha kuning saking jinising watu ingkang siti dhasaripun saking bahan granit, alluvial, saha siti organosol lan gley humus.

Hayati

Kapuloan Natuna Selatan kalebet wewengkon ingkang strategis saha wonten rentengan potensi sumber daya alam ingkang dèrèng dipunkelola kanthi saé, ingkang kapérang dados sumber daya perikanan laut ingkang asilipun ngantos langkung saking 1 yuta ton saben taun. Asiling tani saha perkebunan kados ta umbi, klapa, karèt, sawit, saha cengkeh. Objek wisata ingkang wonten inggih wisata bahari kados ta pasisir saha puo selam, ugi wonten wisata gunung, air terjun, guwa, saha budidaya ladang gas.

Iklim

Titik paling inggil ing kapuloan Natuna Selatan inggih mapan wonten ing tengahing Pulo Bunguran Besar, ingkang inggilipun 959 m. Iklim ing kapuloan Natuna Selatan inggih iklim khatulistiwa kanthi deresipun jawah langkung saking 2.000 mm per taun. Ing laladan punika dipunbudidaya tetuwuhan jinis kakao, pari, lan jagung.