Kapuloan Obi

Kapuloan Obi inggih punika salah satunggaling pulo ing Indonesia ingkang mapan wonten ing laladan Maluku. Kapuloan Obi asring dipunsebat Kapuloan Ombirah ^[1].) Kapuloan Obi punika kapérang dados kathah kumpulan pulo-pulo ing provinsi Maluku. Kapuloan punika letakipun wonten ing sisih lor Pulo Buru lan Pulo Seram. Pulo ingkang paling ageng wonten ing kapuloan Obi inggih punika Pulau Obi. Déné pulo-pulo sanèsipun inggih Bisa, Pulo Gomumu, Pulo Obilatu, Pulo Tapat, Pulo Tobalai. Ing kapuloan Obi kawrat asiling bumi nikel radi kathah. Potensi tambang nikel ingkang mapan wonten ing Pulo Obi mapan wonten ing désa Kawasi, kabupatèn Halmahera Selatan, provinsi Maluku Utara.^[2] Padamelanipun warga ing Kapuloan Obi punika sapérangan ageng dados warigaluh ningali potensi laladanipun ingkang dipunkiteri laut.

Daya tarikipun

Ing kapuloan Obi ugi kawrat kaéndahan alam ing sisih wétan Indonésia ingkang saé sanget. Kaanan alam ing Pulo Obi ingkang taksih alami ingkang dadosaken Pulo Obi dados objek ékowisata ingkang sampurna.^[3] Pesona alam ingkang wonten ing kepuloan punika inggih wujud kaedahan alas tropis kanthi flora saha faunanipun ingkang wonten ing salebeting alas tropis wau. Ing Pulo Obi punika badhé ugi kapanggih kéwan langkka kados ta manuk nuri Ternate utawi ingkang kasebat Lorius garulus ing nama latinipun. Manuk Nuri Ternate jinis punika namung saged kapanggih wonten ing laladan punika. Boten namung kéwan langka ingkang wonten ing kepuloan Obi punika, nanging ugi wonten kathah tuwuhan langka, kados ta Obi Matoa kanthi nama latin Pometia pinnata, Gufasa kanthi nama latin Vitex cofassus, Samama kanthi nama latin Anthocephalus macrophyllus, saha anggrek hutan ugi saged kapanggih ing wewengkon Kapuloan Obi. Kajawi saking pesona alamipun, ing kapuloan Obi ugi dipunsamektakaken pesona bahari saking laut ingkang éndah. Pasir putih kasebar wonten ing dheretaning pasisir ing Kapuloan Obi, kanthi suguhan laut ingkang bening ugi saéngga para wisatawan saged langsung ningali kaendahaning biota laut ingkang wonten ing sapinggiring pasisir. Kathah kerang ingkang éndah wonten ing salebeting laut ing Kapuloan Obi ugi ingkang boten saé manawi boten dipuntingali.

Cathetan suku

↑ Goodall, George (Editor)(1943) Philips' International Atlas London, George Philip and Son map 'East Indies' pp.91-92
↑ [1] Potensi Nikel di Pulau Obi (dipunundhuh tanggal 3 Januari 2013)
↑ [2] Archived 2013-03-04 at the Wayback Machine. Menikmati Keindahan Pulau Obi (dipunundhuh tanggal 3 Januari 2013)

Koordhinat: 1°30′S 127°45′E / 1.500°S 127.750°E / -1.500; 127.750

Artikel iki minangka artikel rintisan. Kowé bisa ngéwangi Wikipédia ngembangaké.

[1] Goodall, George (Editor)(1943) Philips' International Atlas London, George Philip and Son map 'East Indies' pp.91-92

[internet_2-2] [1] Potensi Nikel di Pulau Obi (dipunundhuh tanggal 3 Januari 2013)

[internet_3-3] [2] Archived 2013-03-04 at the Wayback Machine. Menikmati Keindahan Pulau Obi (dipunundhuh tanggal 3 Januari 2013)

[1]

[2]

[3]