Pis kucing
| Mimosa pudica | |
|---|---|
| |
| (Mimosa pudica)Putri malu | |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Fabales |
| Famili: | Fabaceae |
| Subfamili: | Mimosoideae |
| Génus: | Mimosa |
| Spésies: | M. pudica |
| Jeneng binomial | |
| Mimosa pudica L. | |
Putri malu (Mimosa pudica) yaiku tuwuhan perdhu cendhèk anggota suku polong-polongan sing gampang dimangertèni amarga godhongé sing bisa mingkup dhéwé utawa alum kanthi rikat nalika didemèk.[1] Sanadyan sawatara anggota polong-polongan bisa mingkup kaya mangkono, réaksi putri malu luwih rikat tinimbang jinis tuwuhan liyané.[1] Jeneng liya saka putri malu yaiku si kejut, rebah bangun (Minangkabau), akan kaget, riyud, daun kaget (Manado).[2] Déné ing nagara liya kaya ta putri malu diarani Han xiu cao (China), shame palant, puahilahila (Inggris), lan makahiya (Filipina).[3]
Ciri-Ciri
besut
Ciri mirunggan saka putri malu yaiku nutupé godhong kanggo ngayomi dhiri saka kéwan sing panganané tetuwuhan (hèrbivor) sing péngin mangan putri malu.[4] Werna godhong pérangan ngisor tuwuhan putrin malu luwih pucet, saéngga kéwan sing péngin mangan ngira yèn tuwuhan iku wis alum amarga wernané sing pucet.[4]
Putri Malu asring tinemu ing sawah, kebon, lan sesuketan.[5] Tuwuhan iki kalebu tuwuhan herba mènek utawa mlumah ing kadhuwuran 0,3-1,5 m. Tuwuhan alasan putri malu urip ing papan tarbuka.[5] Putri malu sing asalé saka Amérika tropis iki tinemu sepisanan ing papan sing dhuwuré 1200 m saka lumah sagara.[5]
Morfologi
besutGodhong
besutGodhong putri malu wujud godhong majemuk menyirip ganda dua sing sampurna.[6] Gunggungé anak godhong saben sirip yaiku 5-26 pasang.[6] Anak godhong dhapuré ndawa kaya lanset, pucuké lancip, bongkoté bunder, pinggiré rata, lumah dhuwur lan ngisor lunyu, dawané 6–16 mm, ambané 1–3 mm, wernane ijo, padatan pinggir godhong awerna ungu.[6] Yèn kedemèk langsung nglengkuk, siripé nglumpuk kanthi dawa 4-5,5 cm.[6]
Gagang
besutWangun gagangé bunder, ana rambute, lan eri sing padha nèmpèl.[6] Gagangé kanthi rambut sikat arahé miring mangisor.[6]
Oyod
besutOyod putri malu wujud oyod pena sing kuat tumancep ing lemah.[6]
Kembang
besutWujud kembang putri malu bunder kaya bal, ana gagangé, awerna ungu utawa abang[6]. Kelopaké cilik banget kaya selaput putih. Tabung makutha cilik, ana tajuné 4.[6]
Woh
besutWujud wohé kaya polong, gèpèng, kaya garis.[6]
Wiji
besutWijiné bunder lan gèpèng.[6]
Obahé Tuwuhan
besutCiri-ciri sing khas saka putri malu yaiku nalika godhongé didemèk bakal mingkup kanthi rikat. Obahé godhong putri malu iki diarani obah tigmonasti.[7] Tigmonasti yaiku obah nasti sing disebabaké déning rangsangan mékanis wujud sénggolan utawa dipenèt.[7] Tembung tigmonasti iki asalé saka basa Yunani, yaiku thigma sing tegesé sénggolan.[7] Obah tigmonasti iki uga diarani sèismonasti.[7] Mingkupé godhong putri malu iki amarga kena sénggolan. Rèspon mingkup (kaya alum) bakal kadadèn rikat banget watara 1-2 detik.[7] Kanggo mbalik manèh, putri malu merlokaké wektu watara 10 menit.[7] Mékanisme obah iki uga amarga prabawa éwahé tekanan turgor ing jero sèl yaiku ing pérangan persendian godhong.[7]
Kandhutan Godhong Putri Malu
besutKandhutan sing ana ing godhong putri malu yaiku Mimosine.[8] Sifat kimiawi lan èfèk farmakologis yaiku manis, astringen, rada atis, nenangaké (tranquiliser), sedative, peluruh dahak (expectorant), anti watuk (antitusive), ngudhunaké panas (antipiretic), anti radang (anti-inflammatory), sarta ngluruhaké banyu uyuh (diuretic).[8]
Khasiat
besutAkèh banget khasiat saka godhong Putri malu, yaiku kanggo nambani sawatara lelara, kaya ta:
Carané yaiku godhong putri malu watara 30-60 gram digodhog banjur banyu godhogané diombé.[8] Bisa uga kanthi cara nyampuraké 15 gram godhong putri malu karo 15 gram godhong sawi langit (vemonia cinerea) lan 30 gram godhong calincing banjur digodhog.[8] Banyu godhogané diombé.[8]
Carané yaiku oyod putri malu 60 gram dicampur karo 600 cc banyu, banjur digodhog nganggo geni cilik.[8] Saéngga dadi 200 cc banjur dibagi kanggo diombé ping pindho.[8]
Oyod tuwuhan putri malu watara 10-15 gram digodhog banjur diombé banyuné.[8]
15 gram oyod putri malu dikum ing arak putih 500 cc nganti 2 minggu.[8] Banjur ditèmplèkaké ing pérangan awak sing lara.[8]
Cathetan suku
besut- ↑ a b "Khasiat Putri Malu". Diarsip saka sing asli ing 2012-09-01. Dibukak ing 2012-09-19.
- ↑ Putri malu Archived 2011-08-21 at the Wayback Machine.(diundhuh 20 September 2012)
- ↑ Mimosa pudica(diundhuh 23 September 2012)
- ↑ a b Ciri khusus Putri malu Archived 2017-04-25 at the Wayback Machine.(diundhuh 22 September 2012)
- ↑ a b c Karya Ilmiah Putri Malu(diundhuh 26 September 2012)
- ↑ a b c d e f g h i j k Morfologi, Anatomi, dan Fisiologi Mimosa pudica L. Archived 2016-03-05 at the Wayback Machine.(diundhuh 26 September 2012)
- ↑ a b c d e f g Gerak pada Tumbuhan Archived 2013-02-23 at the Wayback Machine.(diundhuh 21 September 2012)
- ↑ a b c d e f g h i j k l m n o p q Khasiat Daun Putri Malu Archived 2012-09-14 at the Wayback Machine.(diundhuh 20 September 2012)