London

London punika ibu kitha Inggris lan Britania Raya. Kutha ingkang kabangun déning tiyang Romawi ing mangsa rumiyin lan riyin mau Londinium punika ing 1 Januari 2005 padunungipun kirang langkung 7,4 yuta jiwa ing laladan London Raya lan mayuta-yuta jiwa malih ing laladan métropolitanipun.

London
Dari atas kiri: City of London, Tower Bridge dan London Eye, Pura Westminster
Peparab: The Big Smoke
Region London di Karajan Manunggal
Sovereign state	United Kingdom
Constituent country	England
Region	London
Ceremonial counties	City and Greater London
Districts	City and 32 boroughs
Settled by Romans	as Londinium c. AD 43
Headquarters	City Hall
Pamaréntahan
• Regional authority	Greater London Authority
• Regional assembly	London Assembly
• Mayor of London	Sadiq Khan
• UK Parliament  - London Assembly  - European Parliament	74 constituencies 14 constituencies London constituency
Laladan
• London	659 sq mi (1,710 km2)
Élepasi	79 ft (24 m)
Cacah warga (July 2007 est.)
• London	7,556,900
• Pepadhet	12,331/sq mi (4,761/km2)
• Urban	8,278,251
• Métro	12,300,000 to 13,945,000
• Demonym	Londoner
• Ethnicity (June 2006 estimates)	Ethnic groups 69,4% White 58,0% White British 2,5% White Irish 8,9% White Other   3,5% Mixed 1,0% Black Caribbean & White 0,5% Black African & White 1,0% South Asian & White 1,0% Other mixed   13,1% South Asian 6,5% Indian 2,3% Pakistani 2,3% Banggaladésai 2,0% Other South Asian   10,7% Black 5,5% Black African 4,3% Black Caribbean 0,8% Other Black   3,4% East Asian or Other 1,5% Chinese 1,9% Other
Zona wektu	GMT (UTC0)
• Usum panas (DST)	BST (UTC+1)
Postcode district(s)	Various
Kodhe laladan	020 and others
Situs wèb	http://www.london.gov.uk/

Kutha London ing Inggris

Padunung London kapérang saking warna-warna etnik, budaya, lan agama, sarta guneman mawi méh 300 basa, ingkang ndadosaken kutha paling kosmopolitan lan dinamis ing donya. Padunung London biyasa nyebut piyambakipun Londoner kang saben panutur tembung basa Inggrisé kanggo dhialék Cockney lan Kantish minangka basane klas gawé (Inggris: working class). Nalika liyané kang kalebu klas dhuwur (Inggris: upper class) lumrahé kanggo dhialèk Posh.

London ugi dados basis samudaya organisasi, institusi lan perusahaan ingkang gadhah prabawa ing donya. London ugi wujud campuran antara tradisi lan teknologi, sarta salah satunggal jujugan plesiran utami.

London kalebet salah satunggaling kutha ageng ing donya sami kaliyan New York, Paris, lan Tokyo. London ugi sanget tumuwuh wonten ing samudaya babagan kados finansial, komunikasi, lan seni. London ugi ndarbèni kathah kastil, musiyum, teater, gedhong konsér, galèri, papan anggegana, stadion ulah raga, lan pura.

Ing 6 Juli 2005, London kasil angsal hak nyelenggaraaken Olimpiade 2012. Sadèrèngipun, London ugi naté nyelenggaraaken Olimpiade 1908 lan Olimpiade 1948.

Géografi

London Raya ngambah laladan ingkang wiyaripun 609 mil pasagi utawi 1.579 km². Awalipun, London dipundegaken ing laladan lèr Kali Thames kanthi satunggal kreteg, London Bridge. Ing abad kaping 18 ing wekdal kathah kreteg dipunyasa, London wiwit tumuwuh tumuju sadaya arah.

Sajarah

Nami London dipunkinten asalipun saking Londinium ing basa Latin. Kutha ingkang dipundegaken tiyang Romawi punika dados kutha krajan kanggé provinsi Brittania ing mangsa kekuasaan Romawi ing Inggris.

Sasampunipun Kamaharajan Romawi dhawah, kutha punika dipuntilar lan ing abad kaping 7, kutha Saxon ngadeg kirang langkung 1 mil ing kilèn Aldwych modhérn kanthi nama Lundenwic. Kutha London Romawi dipunpanggèni malih kirang langkung abad kaping 9 lan abad kaping10.

Wonten ing perkembanganipun, Westminster ingkang sadèrèngipun satunggal kutha piyambak, tumuwuh sesarengan kaliyan London lan dados kutha paling ageng ing Inggris éwadéné dèrèng dados kutha krajan. Kutha krajan Inggris dumugi kirang langkung abad kaping 12 inggih punika Winchester.

Transportasi

Transportasi Dharat

Rel

London Underground inggih punika jaringan sepur bawah tanah ingkang tuwa dhéwé ing donya lan mungkin ugi paling sibuk kanthi 3 yuta panganggé saben dinten. Nanging, ing tembé wingking wiwit katon panurunan layanan kados kepadhetan lan telatipun sepur amargi kirang invéstasi.

Layanan sepur tumuju dharatan Éropah dipunlayani liwat Channel Tunnel ingkang nyebrang Selat Dover.

Transportasi Udara

London dipunlayani déning kirang langkung 6 papan anggegana kanthi 3 ing wates London Raya lan 3 ing njawi. Ingkang paling ageng inggih punika Heathrow ingkang dados papan anggegana utami lan satunggaling hub penerbangan ingkang wigati. Amargi posisinipun ing lebet wates London Raya, proyék pawiyaranipun tansah angsal perlawanan. Éwadéné samanten, Terminal 5 ingkang saweg dipunyasa badhé kabikak ing taun 2008.

Papan Anggegana internasional London sanèsipun inggih punika Gatwick lan Stansted ingkang saben taun nglayani 30 yuta lan 20 yuta penumpang. Tigang papan anggegana sanèsipun inggih punika Biggin Hill, London City Airport lan Papan Anggegana Luton London.

Transportasi Banyu

Kali Thames saged dipunlangkungi kapal ingkang melaut ngantos sakiwa-tengené London Bridge lan déning kapal-kapal alit ngantos medal wates London Raya. Awalipun, transportasi banyu punika salah satunggaling transportasi utami ing London nanging sapunika lalu lintas banyu namung dipungunaaken kanggé wisata.

London ugi gadhah jaringan kanal, kalebet Kanal Regent's ingkang ngubungaken Thames tumuju Grand Union Canal.

Pariwisata

London kaloka dados salah satunggaling tujuan wisata favorit ing donya kanthi warna-warna atraksi inggih ingkang asalipun saking mangsa rumiyin utawi ingkang langkung modhérn. Sapérangan obyek wisata ingkang kaloka inggih punika

• Buckingham Palace
• Downing Street nomer 10, 11, dan 12
• Hyde Park
• London Eye
• Madame Tussaud's
• Millennium Dome
• Palace of Westminster dan Big Ben
• Piccadilly Circus
• Royal Greenwich Observatory dan Meridian Greenwich
• St. James Park
• Tower Bridge
• Tower of London
• Trafalgar Square dan Nelson's Column
• Westminster Abbey

Klub-klub Ulah raga

• Arsenal (Liga Utama Inggris)
• West Ham (Liga Utama Inggris)
• Fulham (Liga Utama Inggris)
• Tottenham Hotpurs (Liga Utama Inggris)
• Chelsea (Liga Utama Inggris)
• Charlton Athletic (Liga Utama Inggris)

Ugi pirsani

• Abbey Road

Pranala njaba

• Situs resmi
• London Archived 2011-10-27 at the Wayback Machine.