Pelem Podhang
Pelem Podhang yaiku salah siji jenisé wit pelem sing ana ing Indonesia, khususé ing dhaérah Kediri, Jawa Timur. Sentra Pelem Podhang ana ing Kecamatan Banyakan, Kecamatan Semen, Kecamatan Grogol, Kecamatan Tarokan lan Kecamatan Mojo. Ning Kediri énék telung jenis Pelem Podhang, yaiku Pelem Podhang Urang, Pelem Podhang Lumut, lan Pelem Podhang Nanas. Jenengé jenis-jenis pelem kui dijupuk saka wernané kulité. Pelem Podhang Urang wernané abang campur orén utawa jingga. Pelem Podhang Lumut nduwé warna kuning campur ijo. Pelem Podhang Nanas nduwé werna kuning. Kabeh jenis Pelem Podhang kui nduwéni rasa sing beda- beda. Pelem Podhang Urang nduwéni rasa legi-legi seger. Lha Pelem Podhang Lumut lan Podhang Nanas nduwé rasa legi tapi rada kecut. Saka telung jenis pelem iku mau, Pelem Podhang Urang sing dadi unggulan ning Kediri. Amarga Pelem Podhang Urang kui sing paling menarik lan rasané sing paling enak.
Pelem Podhang wis dadi salah siji ikon kutha Kediri lan kabupatené. Sak liyané Tahu Takwa, Pecel, lan Gethuk Gedhang, Pelem Podhang dadi salah siji incerané turis sing mampir ning kutha Kediri. Rasa legi campur kecut-kecut seger sing khas teka Pelem Podhang kui sing bisa nggawé para turis kepincut karo Pelem Podhang.
Gizi besut
Pelem Podhang Urang nduwé kadar gula 13,95%, kadar asam 0,088%, kadar air 77%, uga nduwéni kadar vitamin C 5,331 mg/100 g. Miturut Wikipedia kandungan gizi-né pelem per 100 gram yaiku (3.5 oz, Energi 272 kJ (65 kcal), Karbohidrat 17,00 g, Gula 14,8 g, Diet serat 1,8 g, Lemak 0,27 g, Protein 0,51 g, Vitamin A equiv. 38 mg (4%), Beta-karoten 445 mg (4%), Thiamine (Vit. B1) 0.058 mg (4%), Riboflavin (Vit. B2) 0,057 mg (4%), Niacin (Vit. B3) 0,584 mg (4%), Asam pantotenat (B5) 0,160 mg (3%), Vitamin B6 0,134 mg (10%), Folat (Vit. B9) 14 mg (4%), Vitamin C 27,7 mg (46%), Kalsium 10 mg (1%), Besi 0,13 mg (1%), Magnesium 9 mg (2%), Fosfor 11 mg (2%), Kalium 156 mg (3%), Seng 0,04 mg (0%).
Khasiat besut
Pelem Podhang Urang nduwé kadar gula 13,95%, kadar asam 0,088%, kadar air 77%, uga nduwéni kadar vitamin C 5,331 mg/100 g. Vitamin C kui akéh khasiyaté gawé nyegah penyakit lan ngelawan sel kanker, ngurangi resiko serangan jantung, njaga kesehatané mata, bisa ngurangi pilek, nyegah penuaan dini, lan isih akeh liyané. Miturut saka penelitian, woh pelem nduwéni kandungan polifenol sing bisa nurunaké kadar gula saka getih dadi bisa ngurangi resiko obesitas. Pelem uga nduwéni kandungan polifenol lan antioksidan sing akeh, dadi bisa ningkataké metabolisme awak lan bisa ngéwangi ngelawan diabetes. Liyané khasiyat anti-diabetes, polifenol jenis quercetin nduwé kemampuan bisa ngelawan inflamasi lan hipertensi. Kandungan kaempfrol sing ana ning pelem nduwé peran gedhé gawé ngehambat thukule sel kanker sing mbebayani.
Olahan besut
Amarga produksi Pelem Podhang saben tahuné akeh, masyarakat mulai nggawé inovasi panganan sing bahan dasaré saka Pelem Podhang. Inovasi kui perlu supaya panganan sing bahan dasaré pelem tansah bisa ngembang lan misuwur. Tujuan liyane dibutuhake inovasi yaiku supaya woh pelem ben ora gampang bosok lan mubadir. Ing ngisor iki ana macem lan jenisé panganan olahan saka pelem sing ana ing Kediri.
- Rujak yaiku irisan buah utawa woh-wohan terus dicampur karo sambel. Biasané nggawé sambel petis, uga ana sing nggawé sambel kecap.
- Jus yaiku ombenan saka buah utawa sayur sing diblender.
- Sirup yaiku ombenan sing bahan dasaré bisa buah uga bisa sayur. Sirup biasané digodhog karo banyu gula.
- Dodol yaiku panganan sing nduwéni tekstur lembek lan kenyel-kenyel. Carané nggawé dodol yaiku digangsa.
- Puree yaiku panganan sing bahané saka woh-wohan utawa sayur sing dimasak terus dijur supaya nduwé tekstur lembut kaya bubur.
- Manisan yaiku panganan saka irisané buah sing digodhog karo gula terus dijarné sewengén.
- Karakan pelem yaiku panganan olahan khas saka Kediri. Karakan pelem kui biasané didadékaké lawuh.
Referensi besut
https://www.deherba.com/khasiat-mangga-untuk-menurunkan-gula-darah.html