Rujak

Rujak yaiku salah sijiné panganan tradhisional kang lumrahé digawé saka irisan utawa parutan woh-wohan utawa janganan kang dibumboni sambel. Rujak asalé saka Indonésia semana uga ana ing tlatah Malaysia lan Singapura. Rujak ana ing tlatah Jawa Tengah uga diarani Lothék. Sambel rujak jinisé ana loro, yaiku sampel dulit (kenthel) lan sambel èncèr (kuah). Sambel rujak digawé saka bumbu uyah, gula jawa utawa gula abang, lombok abang utawa lombok jempling (rawit), trasi, bawang, lan Asem jawa sok diarani karan asem kawak. Ana uga kang ditambahi jeruk purut lan petis. Banjur bumbon iku diuleg ana ing cowèk nganti lembut, banjur dicampur irisan utawa parutan woh-wohan utawa sayuran. Rujak ana ing tlatah jawa, lumrahé diwadhahi pincuk saka godhong gedhang lan dibitingi nganggo sada (balung godhong klapa).

Bakul rujak ing Jakarta.

Ing Malaysia lan Singapura ana panganan sing jenengé mèmper rujak yaiku mamak rojak utawa pasembo sing asalé saka India. Panganan mamak rojak iki bahan lan rasané rada béda karo rujak, amarga ana bahan liya kaya déné: tahu, kenthang, taugé, endhog, timun, dadi luwih cedhak karo gadho-gadho.

Rujak Mamak ing Malaysia.

Woh-Wohan kang bisa di gawé rujak antarané yaiku:

• Dhondhong
• Pelem
• Jambu
• Katès
• Melon
• Bengkowang
• Blimbing
• Nangka
• Nanas
• Timun
• Jeruk Bali
• Melon
• Apel

Macem-maceme rujak:

• Rujak cingur
• Rujak gobèt
• Rujak manis
• Rujak petis
• Rujak soto kang saka Laladan Banyuwangi Jawa Wétan, Rujak wujud campuran rujak cingur lan soto babat.
• Rujak tahu
• Rujak dhulét
• Rujak pecel
• Rujak crobo