Wikipédia

Patrick Vieira

Patrick Vieira (lair ing Dakar, Senegal, 23 Juni 1976; umur 47 taun)[2] inggih punika mantan juru main Bal-balan Prancis keturunan Senegal ingkang posisinipun minangka glandhang.[3]

Patrick Vieira
Patrick Vieira ing New York
Katerangan priangga
Jeneng dawa Patrick Vieira
Dhuwur 1.93 m (6 ft 4 in)[1]
Posisi main Glandhang
Karir nom
1984–1986 FC Trappes
1986–1991 FC Drouais
1991–1993 Tours
Karir sénior*
Taun Tim Main (Gul)
1993–1995 Cannes 49 (2)
1995–1996 Milan 2 (0)
1996–2005 Arsenal 279 (29)
2005–2006 Juventus 31 (5)
2006–2010 Internazionale 67 (6)
2010–2011 Manchester City 28 (3)
Gunggung 456 (45)
Tim nasional
1995–1996 Prancis U-21 7 (0)
1997–2009 Prancis 107 (6)

* Gunggung main lan gul ing klub sénior tumrap liga dhomèstik iki mligi.


Piyambakipun kaloka gadhah operan bal ingkang apik sarta fisik ingkang kiyat, namanipun wiwit kaloka nalika main wonten ing klub Inggris, Arsenal wonten ing Liga Utama Inggris. Arsenal dipunbekta dados juara Liga Utama kaping 3 (1997-98, 2001-02, 2003-04) lan Piala FA kaping 4 (1998, 2002, 2003, 2005). Nalika Tony Adams damel kaputusan kanggé pènsiun wonten ing taun 2002, Vieira nggantosaken piyambakipun minangka kapten Arsenal. Sasampunipun nilaraken Arsenal wonten ing taun 2005, piyambakipun nelasaken satunggal mangsa wonten ing Juventus sadéréngipun gabung kaliyan Internazionale wonten ing taun 2006, nalika Juventus kadégradasi dhateng Seri B amargi kagayut skandal pengaturan tetandhingan.

Piyambakipun dipundangu dhateng Prancis ingkang kapisanan taun 1997, Vieira sampun ndhèrèk menangaken Piala Donya 1998 lan Piala Éropah 2000 sareng nagara Prancis. Piyambakipun sampun kaping 107 main kanggé Prancis lan damel 6 gol.

Awal Pagesangan besut

Kulawarga Vieira pindhah saking Senegal dhateng Dreux, Prancis, nalika piyambakipun taksih umur 8 taun, lan boten naté kondur dhateng Senegal dumugi taun 2003.[4] Tiyang sepuhipun pisahan nalika Vieira taksih enèm, lan wiwit wekdal punika piyambakipun boten naté kapanggih kaliyan bapakipun malih.[5] Simbah kakungipun nyambut damel wonten ing Angkatan Dharat Prancis, ingkang damel piyambakipun njangkepi syarat saperlu pikantuk status kewarganagaraan Prancis nalika miyos.[5] Nama Vieira punika asalipun saking nama Portugis, inggih punika nama nalika ibunipun taksih kenya, ingkang asalipun saking Tanjung Verde.[5]

Biografi besut

Boten Kesupèn dhateng Afrika

Kados déné sapérangan anggota skuat Les Bleus sapunika, Patrick Vieira ugi boten miyos wonten ing daratan Éropah. Piyambakipun miyos wonten ing Dakar, Senegal, lan sareng kaliyan ingkang raka ndhèrèkaken ibunipun, Emilienne, nyebrang dhateng Prancis rikala umuripun taksih 8 taun.

Boten jelas wonten pundi ramanipun dumunung wekdal punika. Vieira piyambak ngandharaken bilih piyambakipun boten naté tepang kaliyan ingkang rama. "Punika minangka pérangan wonten ing pagesangan kula ingkang boten remen kula rembag," pangandikanipun wonten ing sawijining wawancara wonten ing ariwarti The Guardian.

Kulawarga imigran punika lajeng mapan wonten ing griya susun ing laladan Trappes, wonten ing pinggir kutha Paris, caket Versailles. Wonten ing mangsa-mangsa punika, kaanan wonten ing sakitar papan dunungipun Vieira taksih lumayan tentrem. Boten kados sapunika ingkang asring kadadosan kanisthan, mliginipun ngèngingi bab SARA.

Wonten mrika piyambakipun wiwit ngrembakakaken bakatipun wonten ing ulah raga bal-balan Kalih mangsa kaliyan klub Cannes (1993-1995), Vieira dipunremeni déning AC Milan. Nanging, nalika piyambakipun kagabung kaliyan klub raksasa Italia punika, piyambakipun namung main wonten ing kalih tetandhingan rikala mangsa 1995/96.

Namanipun wiwit kondhang rikala dipunrèkrut déning Arsène Wenger wonten ing wiwitan mangsa 1996/1997. Donya salajengipun dados seksi bab metamorfosis satunggaling tiyang imigran Afrika.

Saking satunggaling laré ingkang mèndel ingkang dipunagengaken déning tiyang sepuh tunggal, Vieira njalma dados salah satunggaling glandhang paling apik ing donya sarta pikantuk kathah gelar kaliyan klub Inggris, Arsenal F.C. lan timnas Prancis. Wiwit taun 2000, klub-klub sugih kados déné Real Madrid, Juventus F.C., Manchester United sami ngupaya ngrèkut piyambakipun.

Éwadéné kadhar kabintangannipun samsaya inggil, Vieira boten naté kesupèn dhateng asal-usulipun. Sesarengan kaliyan mantan juru main Prancis kados kiper Bernard Lama lan Jimmy Adjovi Boco sami gadhah inisiatif madhegaken Diambars Institute (‘Diambars’ wonten ing dhialèk Wolof, Senegal, ateges ‘pejuang’), inggih punika sajinis akademi bal-balan modhèren ingkang boten namung nggladhi laré-laré ing Afrika dados atlèt bal-balan, nanging ugi nyamektakaken pawiyatan sinau kanthi formal wonten ing salebeting kelas.

Tanggal 24 Mèi 2003, Vieira kondur dhateng nagari leluhuripun ingkang kapisanan sasampunipun nilaraken nagara asalipun 18 taun kapengker wonten ing adicara madhegaken institut mau wonten ing laladan Saly, Senegal.

Piyambakipun ngendika:

Idèntitas Afrika kula karaosaken samsaya wigati.
Nalika nilaraken Senegal kapisanan radi awrat saperlu mbiyasakaken dhiri wonten ing kaanan Paris. Begjanipun basa ingkang dipunanggé sami.

“Panjengengan kapeksa nilaraken sadaya kulawarga, kanca, sadaya ingkang biyasa Panjenengan mangertosi, budaya Afrika, lan sadaya margi gesang Panjenengan. Panjenengan boten mangertos badhé tindak pundi. Nanging, punika damel kula lan panjenengan sadaya sami sinau bab dhiri pribadi. Panjenengan sinau kanggé dados kiyat,” pèngetipun.

“Wigati tumrap kula kanggé wangsul nindakaken komunikasi kaliyan Senegal, wangsul dhateng mruika lan miwiti sawijining proyèk. Punika proyèk ingkang kula impèkaken wiwit dangu. Kula kepèngin paring pambiyantu dhateng nagari punika lan migunakaken bal-balan--sadaya tiyang remen bal-balan ing mrika--minangka cara kanggé maringi pendidikan tumrap laré-laré. Laré-laré punika kedah sinau bilih namung nyambut damel kanthi tumemen ingkang saged nuntun dhateng kasuksèsan.”, makaten andharanipun.

Miturut Vieira, rikala wiwitan wonten siswa Diambars ingkang boten saged maos lan nyerat. “Nanging, sapunika sampun wonten kemajengan. Para siswa saged maos lan nyerat manéka cariyos, sasampunipun gladhèn bal-balan,” lajengipun.

Piyambakipun ngendika “Dados pemain bal-balan profèsional punika boten gampil. Mungkin namung satunggal napa kalih laré ingkang saèstu badhé suksès. Ing mriki pendidikan dados samubarang ingkang wigati. Saèngga ugi wonten pambiyantu kanggé para siswa saperlu nglajengaken kuliah dhateng universitas ing Éropah. Sasampunipun punika sami saged kondur dhateng Senegal, nindakaken bisnis lan madhep mangsa samangké ingkang langkung saé,” makaten pangandikanipun.

Karièr Klub besut

Cannes (1994–1996) lan Milan (1996) besut

 
Patrick Vieira nalika taksih main kanggé Ac Milan

Vieira ingkang kapisanan main kanggé tim AS Cannes,[6] ing pundi piyambakipun nindakaken debut rikala yuswanipun 17 taun, déné kaptèn timipun saweg gandik yuswa 19 taun.[4] Wonten ing mangsa panas 1995, piyambakipun napak asmani kontrak kaliyan klub raksasa Italia Milan, nanging piyambakipun namung asring mlebet cadhangan lan namung main wonten ing kalih tetandhingan.

Arsenal besut

1996–2002 besut

Wonten ing tanggal 10 Agustus 1996, Daily Mirror nglaporaken bilih Vieira langkung milih pindhah dhateng klub Inggris, Arsenal, nalika piyambakipun boten katampi wonten ing Ajax.[7] Sekawan dinten sasampunipun boten katanmpi ing Ajax, piyambakipun kagabung kaliyan Arsenal kanthi béya £ 3,5 yuta.[8] Ingkang unik Vieira lan kanca satunggal nagaranipun Rémi Garde, dugi wonten ing klub punika, lan ugi dipunpecatipun manajer Bruce Rioch sadèrèngipun mangsa dipunwiwiti, ingkang maringi pamrayogi bilih Arsenal gadhah prabawa èkstèrior.[8] Vieira lajeng ngandharaken bilih piyambakipun napak asmani kontrak kaliyan Arsenal amargi kanca satunggal nagaranipun, Arsène Wenger badhé dados manajer klub candhakipun: "Kula remen saged kagabung kaliyan Arsenal, wonten ing wekdal ingkang sareng, Wenger dados pelatihipun. Ingkang saged pirembagan kanthi basa Prancis dhateng piyambakipun saèngga damel lampahipun langkung gampil kanggé kula.”[9] Wenger kanthi resmi wonten ing parèntah bab manajerial wonten ing Arsenal wiwit awal Oktober, nanging Vieira sampun damel tandha, ingkang main minangka juru main pengganti nglawan Sheffield Wednesday rikala tanggal 16 September taun 1996, wonten ing The Times lapuran tetandhingan nggambaraken piyambakipun minangka "pamikiran manungsa Carlton Palmer... ingkang, tundhanipun, maringi lini tengah Arsenal manéka variasi."[10] Vieira damel debut kapisananipun rikala nglawan Middlesbrough wonten ing Stadion Riverside, tigang dinten candhakipun.[11] Piyambakpun damel gol kapisananipun wonten ing Arsenal rikala nglawan klub Derby County tanggal 8 Dhésèmber 1996 – wonten ing tetandhingan ingkang pungkasan kasil imbang 2-2.[12] Penampilanipun kanggé Arsenal wonten ing wulan-wulan candhakipun damel piyambakipun dados juru main favorit tumrap pendhukung Arsenal' lan dipunpuja minangka "... playmaker Arsenal sampun dipunpadosi wiwit Paul Davis narik kawigatosan wonten ing tim nalika juara taun 1991."[13] Davis piyambak nyathet bilih Vieira dipunskors wonten ing sadangunipun pèriode Natal, Arsenal ngupaya kanggé ngrengkuh kamenangan.[13] Piyambakipun mungkasi mangsa kapisananipun wonten ing Arsenal kanthi 38 tetandhingan lan Arsenal dumunung wonten ing posisi angka tiga, kicalan panan kanggé main ing Liga Champions amargi kalah cacahing gol.[14]

Vieira kekancan kaliyan kanca wonten ing timnasipun, Emmanuel Petit, ingkang wonten ing mangsa candhakipun maringi kathah pambiyantu tumrap Arsenal mungkasi Liga kanthi ngrengkuh gelar dhomèstik lan gelar gandha. Vieira damel gol ingkang angka pisan rikala kampanye nglawan Manchester United FC kanthi kamenangan 3-2 tanggal 9 November 1997.[15] Nanging piyambakipun, nyepengi dhengkulipun sadanguning tetandhingan lan kagantosaken saking tetandhingan punika saha boten saged main wonten ing wekdal satunggal wulan.[16] Vieira wangsul malih kanggé main nglawan Wimbledon rikala tanggal 22 Dhésèmber 1997, ingkang dipuntundha amargi prakawis cuaca lan panerangan.[17] Wonten ing tetandhingan nglawan Coventry City rikala tanggal 16 Januari 1998, Vieira pikantuk kertu abirt ingkang kapisanan amargi migunakaken tetembungan ingkang saru lan kasar dhateng wasit Stephen Lodge.[18] Vieira dipunlarang main malih satunggal wulan candhakipun, sapunika wonten ing tetandhingan semi-final Piala Liga nglawan Chelsea "Punika saèstu damel lingsem", sawijining pangandikan saking Wenger.[19] Pinuju pungkasaning kampanye, Vieira mbiyantu Arsenal ngasoraken pamimpin klasemen Liga, Manchester United saha cathetan kertu ingkang samasaya saé, "... kanthi satunggal kertu wonten ing pungkasaning mangsa."[20] Sasampunipun kasukèsanipun wonten ing Piala Donya 1998 kaliyan timnas Prancis, Vieira nglampahi mangsa kanthi produktif wonten ing Arsenal taun 1998-1999. Éwadéné Arsenal boten saged ngrengkuh Gelar Premier League, Penampilan Vieira pikantuk aprésiasi lan mlebet wonten ing PFA Team of the Year, sesarengan kaliyan Petit.[21]

Rikala nglawan West Ham United tanggal 2 Oktober 1999, Vieira dipunusir medal saking tetandhingan sasampunipun pikantuk kertu kuning kaping kalih amargi nglanggar striker Paolo Di Canio.[22] Piyambakipun, sasampunipun kadadosan, ngidoni Neil Ruddock, ingkang nabrak piyambakipun lajeng ngendika dhateng punggawa.[22] Vieira lajeng dipuntuntut. Dipunlarang main wonten ing enem tetandhingan lan dipundendha £ 45.000 dhedhasar kaputusan The Football Association.[23] Mangsa punika pungkasan kanthi nguciwani tumrap Vieira lan Arsenal, amargi wonten ing pungkasaning mangsa ketinggalan 18 poin saking juara, Manchester United, lan mapan ing posisi angka kalih. Arsenal dumugi babak final UEFA Cup taun 2000, ing pundi Vieira ndhèrèk main nanging Arsenal kasor wonten ing adu tendhangan pènalti, amarghi tendhangan pènalti Vieira nabrak cagak gawang.[24]

Perkawis disiplin terus nandang Vieira wonten ing Piala FA taun 2000. Piyambakipun dipunusir malih wonten ing tetandhingan pambuka nglawan Sunderland lan ingkang angka kalihipun nalika dados tuan rumah wonten ing tetandhingan nglawan Liverpool.[25] Vieira saged damel kalih gol, wonten ing pertandhiang candhakipun nglawan Charlton Athletic, punika tetandhingan pungkasanipun sadèrèngipun Vieira kaukum boten pikantuk main wonten ing gangsal tetandhingan. Punika ingkang badhé dipunkirangi déning Vieira wonten ing Liga Inggris amargi piyambakiun rumaos dados kurban-Wenger, sapérangan juru main Arsenallan sapérangan suporter ingkang njurung kanthi saèstu,[26][27] wonten ing sadengahing pawarta bilih klub Italia, Juventus siyap kanggé dados pelabuhan salajengipun kanggé Vieira.[28] Vieira piyambak, sasampunipun paukuman, ngandharaken bilih piyambakipun taksih remen main wonten ing Arsenal, nanging piyambakipun ugi ngendika bilih boten saged ngéwahi cara mainipun:. "Nanging kula boten badhé éwah amargi, dhasaripun, kula boten kepèngin ngéwahi dhiri kula, kula saèstu remen bal-balan Inggris lan pagesangan ing Inggris, kula remen wonten ing ngriki.. "[29] Sasampunipun tetandhingan panyisihan grup nglawan Lazio tanggal Oktober 2000, Vieira ngandharaken bilih piyambakipun dados sasaran "pelecehan rasial" saking Siniša Mihajlović, ingkang lajeng prakawis punika dipunslidhiki déning UEFA.[30] Mihajlović lajeng ngakoni lan ngandharaken prakawis punika ngrujuk dhateng warni kulitipun Vieira, nanging piyambakipun ugi ngendika bilih piyambakipun dipunprovokasi. Pemain punika lajeng kaukum kanthi larangan kalih tetandhingan amargi "tumindak ingkang boten sportif".[31] Kanthi Arsenal mapan ing posisi angka kalih wonten ing liga kanggé wekdal ingkang kaping tiga wonten ing tigang mangsa pungkasan lan dados runner-up sasampunipun Liverpool wonten ing Piala FA mangsa 2001, Vieira boten purun ngrembag bab piyambakipun wonten ing klub kanthi ngandharaken dumugi ing April mangsa 2001, minangka kasil ingkang "rata-rata ".[32] Wondéné penampilanipun sampun mateng wiwit Petit késah, piyambakipun ngandharaken bilih putusan Arsenal kanggé nyadé piyambakipun lan Marc Overmars dhateng Barcelona: "Tamtu kémawon punika bisnis ingkang saé, nanging punika bakal dados kuciwa tumrap kula. Manawi taksih gadhah tim ingkang sami sapunika, mapanaken Overmars lan Petit wonten ing lebetipun, punika langkung saé lan kiyat, boten ateges kula kangen dhateng Petit-.. tim mbetahaken piyambakipun".[32]

Wonten ing wulan Mèi 2001, kalaporaken bilih Manchester United saweg ngrantam sawijining upaya saperlu ngrawuhaken Vieira dhateng Stamford Brigde, sasampunipun Ferguson kasengsem dhateng Vieira wonten ing wekdal ingkang dangu, saha kaparingan panyengkuyang saking déwan klub saperlu ngadani pasarujukan.[33] Sadangunipun mangsa panas, Vieira ngécé pawiyatan transfer Arsenal, kanthi ngandharaken bilih wonten ing pungkasaning mangsa klub boten badhé mapan ing "posisi gangsal besar ing liga-lan nglalèkaken Liga Champions," saha ngendika bab mangsa ngajengipun: "Satebih ingkang kula mangertos, prakawis punika badhé pungkasan. Kula nilaraken Arsenal lan ingkang kula andharaken punika sampun jelas sanget.. "[34][35] Klub nolak kanggé maringi panyaruhè saking andharanipun, nanging wakil ketua, David Dein ingkang boten remen dhateng agèn Vieira, Marc Roger, amargi nilaraken prakawis ingkang nganggu punika.[36] Nanging,Wenger, ngendika bilih punika amargi gelar ingkang karengkuh déning Manchester United: "Manchester nindakaken panyelakaken dhateng Patrick tanpa ngubungi Arsenal, lan punika saèstu boten ngurmati aturan."[37] Vieira medal wonten ing gladhèn pra-mangsa wonten ing wulan Juli 2001, kados limrahipun, lajeng saking klub dipunsukani tanggel jawab dados wakil kaptèn, saperlu dados suksèsoripun Tony Adams minangka kaptèn klub.[38][39] kasuksèsan pungkasanipun rawuh dhateng Vieira wonten ing mangsa 2001-02, Arsenal wangsul dhateng liga lan ngasoraken Chelsea wonten ing pertandhiang Final Piala FA taun 2002 saèngga Arsenal saged ngrengkuh gelar gandha ingkang angka kalih.

Trivia besut

  • Wonten ing AC Milan, piyambakipun namung main kalih tetandhingan sadanguning mangsa. Nanging, sasampunipun kagabung kaliyan Arsenal wonten ing Highbury kanthi aji transfer sekawan yuta poundsterling taun 1996, Vieira langsung dados idola. Wonten ing mangsa candhakipun piyambakipun ndhèrèkaken The Gunners ngrengkuh kalih gelar: juara liga lan juara Piala FA.
  • Piyambakipun minangka péranganing persyaratan ingkang dipunsuwun déning manajer Arsène Wenger. Sadèrèngipun resmi dados manajer Arsenal, Wenger nyuwun Vieira dipunboyong langkung rumiyin. Vieira lajeng tèken kontrak wulan Agustus 1996, déné Wenger satunggal wulan candhakipun.
  • Kalebet juru main ingkang paling asring kènging kertu, lan naté dipunusir wasit saking lapangan kalih tetandhingan pambuka mangsa 2000-01.
 
Patrick Vieira nalika ngangkat Trophy Piala FA
  • Kadisiplinanipun samsaya saé sasampunipun nggantosaken Tony Adams, ingkang pènsiun, minangka kaptèn énggal wonten ing mangsa 2002-03. Nanging, wonten ing mangsa punika piyambakipun kènging cedera lan Arsenal kicalan gelar juara. Piyambakipun ugi absèn wonten ing final Piala FA nalika The Gunners ngasoraken Southampton 1-0.
 
Patrick Vieira nalika ngangkat Trophy Juara Liga kanthi rèkor klub boten naté kasor
  • Wonten ing lèvel klub, kadadosan paling gemilang inggih punika nalika piyambakipun minangka kapèn Arsenal ngangkat trofi juara ing mangsa 2003/04 kanthi rékor boten naté kasor.
  • Wonten kalih anggota skuat Prancis ingkang ngrengkuh gelar juara donya 1998 ingkang gadhah zodiak Cancer lan kabetulan sami-sami naté dados kaptèn: Zinedine Zidane lan Patrick Vieira. Ingkang wigati kekalihipun gadhah tanggal lair ingkang sami, inggih punika 23 Juni. Bédanipun, Zidane miyos wonten ing taun 1972 lan yuswanipun sekawan taun langkung sepuh. Pendahulu kekalihipun, Jean Tigana, anggota “kuartet ajaib” Les Bleus ingkang ngrengkuh Piala Éropah 1984ugi miyos wonten ing tanggal 23 Juni 1955.
  • Bukunipun, Vieira: My Autobiography, dipunanggep kirang ngandharaken bab-bab pribadi lan langkung mligi dhateng lelampahan karièripun wonten ing Arsenal lan timnas. Wonten sapérangan tetélan unik lan kontrovèrsial wonten ing buku terbitan Orion mau, kalebet kecamanipun dhateng Ruud van Nistelrooy lan kekagumanipun dhateng Manchester United, ingkang dipunanggep minangka klub paling apik ing Inggris.

Statistik karièr besut

Klub Liga Cup Piala Liga Continental Total
Season Club League Main Gol Main Gol Main Gol Main Gol Main Gol
Prancis Liga Coupe de France Coupe de la Ligue Europe Total
1993–94 Cannes Division 1 5 0 1 0 - 6 0
1994–95 31 2 2 0 1 1 4 1 38 4
1995–96 13 0 4 0 17 0
Italia Liga Coppa Italia Liga Piala Europe Total
1995–96 Milan Serie A 2 0 1 0 - 2 0 5 0
England League FA Cup League Cup Europe Total
1996–97 Arsenal Premier League 31 2 3 0 3 0 1 0 38 2
1997–98 33 2 9 0 2 0 2 0 46 2
1998–99 34 3 5 1 1 0 3 0 43 4
1999–2000 30 2 2 0 1 0 14 0 47 2
2000–01 30 6 6 1 12 0 48 7
2001–02 36 2 7 0 - 11 1 54 3
2002–03 24 3 5 0 1 0 12 1 42 4
2003–04 29 3 5 0 3 0 7 0 44 3
2004–05 32 6 6 1 - 6 0 44 7
Italia Liga Coppa Italia Piala Liga Europe Total
2005–06 Juventus Serie A 31 5 3 0 1 0 7 0 42 5
2006–07 Internazionale Serie A 20 1 3 0 1 2 4 1 28 4
2007–08 16 3 3 0 1 0 3 0 23 3
2008–09 19 1 2 0 - 3 0 24 1
2009–10 12 1 1 0 1 0 2 0 16 1
Inggris Liga FA Cup League Cup Europe Total
2009–10 Manchester City Premier League 13 1 1 0 0 0 - 14 1
2010–11 15 2 8 3 1 0 8 0 32 5
Total Prancis 49 2 3 1 1 0 8 1 61 4
Italia 100 11 13 0 4 2 21 1 138 14
Inggris 307 32 57 6 12 0 76 2 452 40
Career total 456 45 73 7 17 2 105 4 651 58
  • Wonten ing Piala Liga, kalebet Charity Shield lan Supercoppa Italia[40][41]
France national team
Taun Main Gol
1997 5 0
1998 5 0
1999 8 0
2000 17 0
2001 13 2
2002 12 2
2003 5 0
2004 11 0
2005 7 0
2006 17 2
2007 4 0
2008 2 0
2009 1 0
Total 107 6

Prèstasi besut

Klub besut

AC Milan

Arsenal

Juventus
Internazionale
Manchester City

Nagara besut

Prancis

Individu besut

  • Tim Pilihan UEFA wonten ing Kajuaraan Éropah (1): 2000
  • Pencetak gol ingkang kathah piyambak Piala Konfederasi FIFA (1): 2001
  • Tim Pilihan FIFA ing Piala Donya (1): 2006
  • PFA Team of the Year (6): 1998–99, 1999–00, 2000–01, 2001–02, 2002–03, 2003–04
  • Pemain Paling Apik Taunan Liga Utama Inggris (1): 2000-01
  • UEFA Team of the Year (1): 2001
  • Pemain Paling Apik Prancis (1): 2001
  • FIFA 100

Cathetan suku besut

  1. ↑ "General info". Goal.com.
  2. ↑ players Archived 2010-03-14 at the Wayback Machine., soccerbase.com. Retrieved 8 April 2013.
  3. ↑ http://patrickvieirainter.blogspot.com/2007/12/patrick-vieira-biography.html
  4. ↑ a b [sdadashttp://www.imdb.com/name/nm1352849/bio Patrick Vieira – Biography], imdb.com. Retrieved 29 May 2007.
  5. ↑ a b c Vieira, Patrick (2005). Vieira: My Autobiography. ISBN 978-0-7528-7260-5.
  6. ↑ "Archive copy". Diarsip saka sing asli ing 2013-05-11. Dibukak ing 2013-04-12.{{cite web}}: CS1 maint: archived copy as title (link)
  7. ↑ Ryan, Mark (10 August 1996). "French Gunner". Daily Mirror. London. kc. 29.
  8. ↑ a b Hughes, Rob (15 August 1996). "Arsenal sign two but wait for Wenger". The Times. London. kc. 32.
  9. ↑ Stenson, Tony (16 August 1996). "I only signed for Wenger by Arsenal's Patrick Vieira". Daily Mirror. London. kc. 38–39.
  10. ↑ Hughes, Rob (17 September 1996). "All Wright on the night for Arsenal". The Times. London. kc. 28.
  11. ↑ Taylor, Louise (22 September 1996). "Arsenal on the Wright track". The Sunday Times. London. kc. 26.
  12. ↑ Tench, Matt (9 December 1996). "Football: Sturridge stuns the ruling class". The Independent. London. kc. S8.
  13. ↑ a b Connolly, Kevin (19 January 1997). "How Vieira steers the Gunners". The Sunday Times. London. kc. 48.
  14. ↑ Shaw, Phil (12 May 1997). "Football: Three Gunner salute for Baseball Ground". The Independent. London. Dibukak ing 11 April 2013.
  15. ↑ Lacey, David (16 November 1997). "Arsenal check United's march to glory". The Guardian Weekly. London. kc. 32.
  16. ↑ Stenson, Tony (13 November 1997). "Adams on the mend". The Mirror. London. kc. 46.
  17. ↑ Lacey, David (23 December 1997). "Bad play stops light amid Arsenal gloom". The Guardian. London. kc. 20.
  18. ↑ Callow, Nick (18 January 1998). "Dublin penalty draws the Arsenal sting". The Independent. London. kc. 20.
  19. ↑ Harris, Nick (21 February 1998). "Football: Wenger outburst over Chelsea `divers'". The Independent. London. Dibukak ing 11 April 2013.
  20. ↑ Moore, Glenn (16 May 1998). "Football: Vieira vies for Double glory and French passage". The Independent. London. Dibukak ing 11 April 2013.
  21. ↑ "Ginola pips Yorke for PFA award". The Irish Times. Dublin. 26 April 1999. kc. 54.
  22. ↑ a b Thorpe, Martin (3 October 1999). "Di Canio dons a two-goal disguise". The Guardian. London. Dibukak ing 11 April 2013.
  23. ↑ Dickinson, Matt (29 October 1999). "FA hits Vieira with record £45,000 fine". The Times. London. kc. 32.
  24. ↑ "Penalty heartbreak for Arsenal". BBC News. BBC. 17 May 2000. Dibukak ing 11 April 2013.
  25. ↑ Lacey, David (22 August 2000). "Vieira off again as three see red". The Guardian. London. Dibukak ing 11 April 2013.
  26. ↑ Stammers, Steve (22 August 2000). "Don't go Patrick". Evening Standard. London. kc. 88.
  27. ↑ Hart, Michael (22 August 2000). "Fans unite to condemn Poll as Vieira sees red". Evening Standard. London. kc. 86.
  28. ↑ McGarry, Ian (23 August 2000). "We want Vieira". Daily Mail. London. kc. 78.
  29. ↑ "Vieira will never leave Arsenal". BBC Sport. BBC. 4 October 2000. Dibukak ing 11 April 2013.
  30. ↑ Brodkin, Jon (19 October 2000). "Lazio player called me 'monkey' says Vieira". The Guardian. London. kc. 32.
  31. ↑ Scott, Matt; Traynor, Ian (6 November 2003). "Is this the nastiest man in football?". The Guardian. London. Dibukak ing 11 April 2013.
  32. ↑ a b Brodkin, Jon (19 April 2001). "Vieira fires warning to 'average' Arsenal". The Guardian. London. Dibukak ing 11 April 2013.
  33. ↑ Lawton, Matt; Ley, John (25 May 2001). "Ferguson sets sights on Vieira". The Daily Telegraph. London. Dibukak ing 11 April 2013.
  34. ↑ Davies, Christopher (25 June 2001). "Arsenal to play Vieira in reserves". The Daily Telegraph. London. Dibukak ing 11 April 2013.
  35. ↑ "Vieira's Highbury feud turns ugly". Daily Mail. London. 25 June 2001. Dibukak ing 11 April 2013.
  36. ↑ Beasley, Rob (8 July 2001). "Dein: I'll win Vieira war". News of the World. London. kc. 71.
  37. ↑ Kempson, Russell (18 July 2001). "United tried to poach unsettled Vieira, says Wenger". The Times. London. kc. 30.
  38. ↑ Thorpe, Martin (17 July 2001). "Arsenal relief as Vieira weighs in". The Guardian. London. kc. 27.
  39. ↑ Pierson, Mark (9 August 2001). "Football: Arsenal name Vieira as heir to Adams' legacy". The Independent. London. kc. 24.
  40. ↑ .. Player – Patrick Vieira. National Football Teams (23 June 1976). Retrieved on 10 April 2013.
  41. ↑ Patrick Vieira – Century of International Appearances. Rsssf.com (16 July 2009). Retrieved on 10 April 2013.

Pranala njaba besut

Sporting positions
Kang sadurungé
Tony Adams 		Kapten Arsenal F.C.
2002–2005 		Kang sawisé
Thierry Henry
Kang sadurungé
Marcel Desailly 		Kapten Prancis
2004–2005 		Kang sawisé
Zinedine Zidane
Kang sadurungé
Zinedine Zidane 		Kapten Prancis
2006–2008 		Kang sawisé
Thierry Henry
Wikimedia Commons duwé médhia ngenani Patrick Vieira.
Dijupuk saka "https://jv.wikipedia.org/w/index.php?title=Patrick_Vieira&oldid=1665510"