Justinus Darmojuwono
Justinus Darmojuwono (lair ing Godhéan, Kabupatèn Sléman, Indonésia, 2 Novèmber 1914 – pati ing Semarang, 3 Fèbruari 1994 ing umur 79 taun) iku Kardinal saka Gréja Katulik Roma kang asalé saka Indonésia. Dhèwèké makarya ing Kabiskopan Agung Semarang saka taun 1963 tekan taun 1981, lan diangkat dadi kardinal nalika taun 1967, minangka kardinal pisanan saka Indonésia.
| His Eminence Justinus Darmojuwono SJ | |
|---|---|
| Kardinal-Biskop Agung Emeritus Semarang | |
| Kauskupan agung | Semarang |
| Provinsi | Jawa Tengah |
| Sadurungé | Albertus Soegijapranata |
| Diterusaké | Julius Darmaatmadja |
| Ordo | |
| Penobatan | 25 Mèi 1947 |
| Penahbisan | 10 Dhésèmber 1963 dening Ottavio De Liva |
| Diangkat dadi Kardinal | 26 Juni 1967 |
| Peringkat | Kardinal-Imam |
| Detil pribadhi | |
| Jeneng lair | Justinus Darmojuwono |
| Lair | 2 Novèmber 1914 Godhéan, Sléman, Yogyakarta |
| Pati | Fèbruari 3, 1994 (umur 79) Semarang, Jawa Tengah |
| Kabangsan | Indonésia |
| Denominasi | Katulik Roma |
| Jabatan sadurunge |
|
Babad slira
besutDhèwèké dibaptis nalika taun 1932. Darmojuwono sinau téologi ing Seminari Tinggi Yogyakarta, banjur nerusaké studi ing Universitas Kepausan Gregoriana, Roma, lan ditahbisaké imam Kabiskopan Agung Semarang déning Mgr. Albertus Soegijapranata, SJ tanggal 25 Mèi 1947.
Tanggal 10 Dhésèmber 1963, Kardinal Justinus ditunjuk dadi Biskop Agung Semarang, nggantèkaké Mgr. Albertus Soegijapranata, SJ. Dhèwèké nampa tahbisan biskop tanggal 6 April 1964. Panahbis mligi ya iku Internuntius Apostolik kanggo Indonésia Mgr. Ottavio De Liva.
Justinus iku Biskop Ordinariat Militèr Indonésia kaloro, kang njabat wiwit 8 Juli 1964 tekan 31 Dhésèmber 1983. Paus Paulus VI ngangkat Justinus dadi Kardinal Indonésia pisanan ing Konsistori 26 Juni 1967 kanthi sesebutan Kardinal-Imam SS. Nome di Gesù e Maria in Via Lata.
Minangka biskop, dhèwèké rawuh minangka Bapa Konsili sajeroning Konsili Vatikan II sèsi katelu (24 September – 21 November 1964) lan sèsi kapapat (14 September – 8 Dhésèmber 1965). Éwadéné minangka kardinal, dhèwèké mèlu konklaf kaping loro. Pisanan, nalika Kardinal-Imam S. Marco Mgr. Albino Luciani kapilih dadi Paus, kang njupuk jeneng Yohanes Paulus I tanggal 26 Agustus 1978. Paus Yohanes Paulus I séda rong sasi sawisé kapilih dadi Paus tanggal 28 September 1978. Konklaf kapindho kang dimèluni ya iku nalika Kardinal-Imam San Cesareo in Palatio Mgr Karol Józef Wojtyła kang njupuk jeneng Yohanes Paulus II, tanggal 14–16 Oktober 1978.
Kardinal Darmojuwono ngunduraké dhiri minangka Biskop Agung Semarang nalika umur 66 taun tanggal 3 Juli 1981. Rong taun sabanjuré, 31 Dhésèmber 1983, dhèwèké ngunduraké dhiri minangka Biskop Ordinariat Militèr Indonésia.
Kardinal Darmojuwono séda tanggal 3 Fèbruari 1994 nalika umur 79 taun. Sakwéné uripé, dhèwèké dadi penahbis utama kanggo 13 biskop Indonésia lan dadi kardinal pisanan Indonésia suwéné 26 taun.
Pranala njaba
besut- Entri pada situs Catholic-Hierarchy.org
| Catholic Church titles | ||
|---|---|---|
| Kang sadurungé Albertus Soegijapranata, SJ |
Biskop Agung Semarang 1963–1981 |
Kang sawisé Julius Darmaatmadja, SJ |
| Kang sadurungé Albertus Soegijapranata, SJ |
Biskop Ordinariat Militèr Indonésia 1964–1983 |
Kang sawisé Julius Darmaatmadja, SJ |
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |