Salat limang wektu

Salat Limang Wektu (Krama: Salat Gangsal Wekdal) iku Salat Perlu / Fardhu (salat wajib) kang diayahi sadina kaping lima. Ukum salat iki Fardhu 'Ain, ya iku wajib diayahi déning saben Muslim kang wis ngancik diwasa (pubertas), kajaba ana alangan tinamtu.

Artikel iki bagéyan saka sèri Islam Rukun Islam Sahadat · Salat · Pasa Jakat · Kaji Rukun Iman Allah · Kuran · Malaékat Nabi · Dina Akhir Qada & Qadar Tokoh Islam Mukamad Nabi & Rasul · Sakabat Ahlul Bait Kutha suci Mekkah ·Madinah · Yérusalem Najaf · Karbala · Kufah Kazimain · Mashhad ·Istanbul Riyaya Éjrah · Idul Fitri · Idul Adha · Asyura · Ghadir Khum Arsitèktur Mesjid ·Menara ·Mihrab Ka'bah · Arsitèktur Islam Jabatan Fungsional Khalifah ·Ulama · Imam·Mullah·Ayatullah · Mufti Tèks & Ukum Kuran ·Kadis · Sunah Fiqih · Fatwa · Saréngat Madahab Sunni Kanapi ·Kambali Maliki ·Sapingi Singah Rolas Imam Ismailiyah·Zaidiyah Liyané Ibadi · Khawarij Murji'ah·Mu'taziliyah Delengen uga Gapura Islam Indeks perkara Islam

Salat Limang Wektu wujud salah siji saka lima Rukun Islam. Allah mudhunaké préntah salat ing prastawa Israk Mékrad.

Jinis salat

Kalima salat limang wektu mau ya iku:

1. Subuh, dumadi saka 2 rakangat. Wektu Subuh diwiwiti saka munculé fajar shaddiq, ya iku cahya putih kang malang ing bang wétan. Wektu subuh mungkasi nalika mlethèking srengéngé.
2. Luhur / Lohor / Duhur, dumadi saka 4 rakangat. Wektu Luhur diwiwiti yèn srengéngé wis miring mangulon, lan mungkasi nalika lumebu wektu Asar.
3. Asar, dumadi saka 4 rakangat. Wektu Asar diwiwiti yèn dawaning ayang-ayang barang ngluwihi dawaning barang iku dhéwé. Mligi ing madahab Kanapi, wektu Asar diwiwiti yèn dawané ayang-ayang barang kaping pindho ngluwihi dawané barang iku dhéwé. Wektu Asar mungkasi kanthi angsluping srengéngé.
4. Mahrib, dumadi saka 3 rakangat. Wektu Mahrib diwiwiti saka angsluping srengéngé, lan mungkasi ing lumebuné wektu Ngisa.
5. Ngisa / Ngisak / Isak, dumadi saka 4 rakangat. Wektu Ngisa diwiwiti nalika ilang cahya abang (syafaq) ing langit kulon, lan mungkasi nalika fajar shaddiq. Miturut Imam Singah, Salat Ngisa bisa dilakoni sawisé ngayahi Salat Mahrib.

Mligi ing dina Jemuwah, Muslim lanang wajib ngayahi salat Jemuwah ing mesjid kanthi jamaah (bebarengan) minangka gegantiné Salat Luhur. Salat Jemuwah ora wajib tumrap wanita, utawa tumrap kang pinuju ana ing lelungan (musafir).

Miturut kadis, saka Abdullah bin Umar ra, Mukamad maringi sabda: Wektu salat Luhur yèn srengéngé wis gingsir, lan kaanan ayang-ayang padha dawané nganti lumebu wektu Asar. Lan wektu Asar nganti srengéngé durung awarna kuning (angslup). Lan wektu salat Mahrib ing sajeroning wektu sadurungé angslup méga abang. Lan wektu salat Ngisa nganti tengah wengi pérangan saparoné. Wektu salat Subuh saka saput lemah nganti sadurungé srengéngé mlethèk. (Shahih Muslim)

Wektu salat

Wektu salat relatif saka édharing srengéngé

Wektu salat saben dina, lan antara panggonan siji lan sijiné béda-béda. Wektu salat magepokan karo prastawa parédharan semu srengéngé relatif marang bumi. Cekaké, kanggo nemtokaké wektu salat, perlu kawruh ngenani papan géografis, wektu (tanggal), lan èlevasi.

Syuruq

Syuruq ya iku mlethèking srengéngé. Wektu syuruq nandhani mungkasiné wektu Subuh. Wektu mlethèking srengéngé bisa dipirsani ing almanak astronomi utawa diétung kanthi migunakaké algoritma tinamtu.

Pranala njaba

• Rukyatul Hilal Indonesia, wektu Shalat
• moonsighting.com Archived 2006-09-01 at the Wayback Machine.
• Seputar Fajr Shaddiq