Toman

Iwak toman
Ikan toman
Klasifikasi ngèlmiah
Karajan:	Animalia
Filum:	Chordata
Klas:	Actinopterygii
Ordho:	Perciformes
Famili:	Channidae
Génus:	Channa
Spésies:	C. micropeltes
Jeneng binomial
Channa micropeltes (Cuvier, 1831)

Toman kanthi nama ilmiah Channa micropeltes punika nama jinis iwak saking suku iwak gabus (Channidae) . Ulam toman punika gadhah wujud awak ingkang mirib kaliyan iwak gabus. Ulam punika saged tuwuh ageng dumugi langkung saking satungga; mèter lan dados spésies ingkang paling ageng kang sukunipun.

Ulam toman manawi wonten Basa Inggris kawéntar kanthi nama red snakehead dhedhasar warni awakipun nalika taksih enèm. Utawi Malabar snakehead. Nama snakehead dhedhasar wujud kepalanipun ingkang mirib kaliyan ula. Nama ilmiah kanggé ulam punika Channa micropeltes .

Ulam punika gadhah kepala lan tutuk ingkang ageng lan waja ingkang landhep. Awak lan buntutipun bunder. Ulam ingkang sampun diwasa gadhah warni ireng radi biru, wetengipun radi putih. Anak ulam toman gadhah warni abang kanthi garis ireng wonten ing awakipun. Ulam toman saged tuwuh dumugi 1,5 mèter dawanipun. Ulam punika kagolong ulam ingkang buas, inggih punika prédator ingkang mangsa sadaya jinis ulam sanèsipun saha insekta lan kodok .

Panyebaran

Ulam toman punika nyebar kanthi wiyar wonten ing Indonesia, pérangan kulon (Sumatra, Jawa, Kalimantan, lan Pulau sanèsipun), Malaysia, Thailand, Laos, Vietnam, India lan Myanmar. Kawontenanipun ing India sisih barat daya (Tamilnau lan Kerala) radi janggal amargi kapisah kirang langkung 2500 km saking wewengkon sebaran sanèsipun ing Asia Tenggara. Kinten-kinten ulam punika dipunbeta mlebet ing India déning peradaban manungsa sadèrèngipun abad kaping 19. Habitat ulam punika wonten ing lepen, tasik, lan jeram .

Pemanfaatan

Ulam toman punika kalebet salah satunggaling jinis ulam kanthi jinis toya tawar ingkang katahh dipunremeni. Daging ulam punika lembut ndadosaken ulam toman salah satunggaling favorit kanggé iwak bakar, dipungulé, utawi dipunmasak sup. Ulam punika ugi asring dipunasinaken lajeng dipunsadé dhateng Jawa minangka ulam gabus asin. Wonten ing Singapura, ulam toman dipunpiara ing kolam-kolam lan saluran kanggé rekreasi. Ulam punika dipunremeni déning para pemancing amargi tarikaninpun ingkang kuat nalika nyamber umpan. Ulam toman ingkang taksih enèm gadhah warni ingkang éndah lan dipunremeni dados ulam ing akuairum. Awit saking punika, ulam punika asring dipun-ekspor dados ulam hias dhateng mancanagara, ugi dhateng Amérikah Sarékat .