Kopi Indonésia
Kopi Indonésia yèn ditonton miturut kasil panén kopi, kalebu peringkat nomer papat ing donya.[1] Mesthiné kopi duwé sajarah kang dawa nganti tekané Indonésia.[1] Kopi uga duwé gegayutan kang wigati tumrap grembakané ékonomi Indonésia.[1] Nagara Indonésia minangka papan kang jumbuh kanggo tuwuhan kopi.[1]
Sajarah Kopi
besut
Sajarah kopi bisa diruntut wiwit saka abad kaping 9 ing dataran tinggi Éthiopia. Saka papan mau banjur sumrambah nganti tekan Mesir lan Yaman.[1] Banjur ing abad kaping 15 bisa kondhang nganti tekan Pérsia, Turki, lan Afrika Utara.[1] Purwakané, nalika taun 1511, kopi ora ditampa déning sapérangan wong amarga duwèni èfék rangsangan tumrap sing ngombé, saéngga déning para imam konservatif lan othodoks ing majelis keagamaan Makkah ora diwénéhi ijin kanggo dikonsumsi.[1] Wanti – wanti mau uga ditindakaké ing Kairo, Mesir nalika taun 1532, nalika iku kedai kopi lan gudang kopi ditutup.[1] Saka warga muslim, kopi banjur nyebar ing Éropah.[1] Ombenan kopi dadi kondhang nalika abad kaping 17.[1] Wong Walanda minangka nagara kang sapisan ngimpor kopi kanthi skala gedhé saka Éropah.[1] Taun 1690, nagara Walanda ndelike wiji kopi nganti tekan Indonésia, banjur ditandur ing Jawa.[1] Amarga wektu semana wiji kopi ora éntuk metu saka nagara Arab.[1] Nalika kopi dikenal nganti koloni Amérika, pranyata ora kondhang kaya ing Éropah, amarga kopi dinuga ora bisa dadi gantine alkohol.[1] Nanging sasuwéné prastawa revolusi, akèh wong Amérika sing kepengen kopi.[1] Pepinginan iku saya gedhé nalika ngancik abad kaping 19.[1]
Sajarah Kopi Indonésia
besutPurwakane tuwuhan kopi ing Indonésia dikuasani pamarintah Walanda. Kopi digawa menyang Indonésia ngliwati Sri Lanka (Ceylon).[1] Pamarintah Walanda nandur kopi ing laladan Batavia (Jakarta), Sukabumi lan Bogor.[1] Tuwuhan kopi uga ditandur ing Jawa Timur, Jawa Tengah, Jawa Barat, Sumatra lan Sulawesi.[1] Nalika ngancik abad kaping 20 kebon kopi ing Indonésia diserang ama, lan akèh tuwuhan kopi kang mati.[1] Nalika iku kopi uga ditandur ana ing Timor lan Flores.[1] Kalorone iku minangka kuasané bangsa Portugis.[1] Jinis kopi kang ditandur ing kana ya iku kopi Arabika, mung kopi iki sing ora diserang ama.[1] Pamarintah Walanda banjur nandur kopi Liberika kanggo mbrantas ama mau.[1] Variètas iki ora pati kondhang lan uga diserang ama.[1] Kopi Liberka isih bisa tinemu ing Jawa.[1]
Kaanan Kopi Indonésia
besutDepartemen Pertanian (Deptan) duwé tekad bakal ndadèkaké nagara Indonésia minangka produsen kopi kanthi produk kopi unggulan ing donya taun 2025.[2] Dirjen Perkebunan Deptan, Achmad Mangga Barani ing Jakarta dina Rebo ngandharake, sanajan ambané kebon kopi Indonésia mung ana urutan nomer loro, nanging kanggo babagan produksi lan ekspor wis dumunung ing nomer papat.[2] Tumrap saiki kanthi produktivitas 792 wiji garing per hektar per taun, Indonésia isih dumunung ing ngisore Kolombia (1.220 kg/ha/taun), Brazil (1.000 kg/ha/taun) luwih manèh Vietnam (1.540 kg/ha/taun).[2] Saka amba kebon 1,30 yuta ha nalika taun 2006, kira-kira 95,9% diusahake kanthi wujud kebon duwéke rakyat, sawatara turahane 4,10% awujud kebon gedhé duwéke PTPN utawa swasta.[2] Data saka Ditjen Perkebunan nyathet kebon kopi sing diusahake Indonésia taun iku, rata – rata awujud kebon kopi Robusta kang ambané 1,30 yuta ha lan kopi Arabika kang ambané nganti tekan 177.100 ha.[2] Lantaran iku produksi kopi Indonésia bisa tekan 682.158 ton lan ekspor 413.500 ton ing taun 2006 kanthi rega 586.877 dollar AS.[2] Déné kejaba iku ing taun 2007 total produksi nasional jumlahe 686.763 ton kanthi ambané tanah 1,31 juta ha.[2] Achmad Mangga Barani ngandharake, sauntara nganti tekan taun 2025 salah sijining kuwasa kang bakal diayahi ya iku babagan nambahi ekspor utawa ningkatake aji tambah produk kopi nasional saéngga bisa duwé daya saing ing pasar Internasional.[2] Ekspor kopi Indonésia ora mung awujud bahan mentah, nanging uga bahan olahan kanthi mutu kang diarep – arep déning konsumen saéngga éntuk pakoleh rega tambahan ing njero nagara.[2] Nganti tekan 2025 pamarintah kanggo ngopeni lahan kang ambané 1,23 yuta ha kebon kopi robusta sarta ningkatake produksi dadi 865 èwu ton lan produktivitas tuwuhan kopi dadi 1000 kg/ha/taun.[2] Kejaba iku pamarintah uga ningkatake ekspor dadi 505.000 ton, luwih baku awujud produk hilir sarta gaji utawa pakolehe para tani kopi nambah dadi 3.000 dollar AS.[2] Déné kebon kopi Arabika diarep – arep bisa nambah ambané dadi 236 èwu ha, produksine munggah saka 81.000 ton dadi 193.000 ton lan produktivitas tandurane dadi 1200 kg/ha/taun.[2] Kejaba iku ekspore uga munggah dadi 135.000 ton.[2] Awit saka iku pamarintah siyap nyengkuyung ngrembakakake piranti lan ubarampene kaya ta dalan, kreteg, pelabuhan, piranti transportasi, komunikasi lan sumber ènergi.[2]
Kontes Kopi Indonésia
besutKanggo ngenalke kopi Indonésia kanthi kualitas kang apik, Asosiasi Eksportir lan Industri Kopi Indonésia (AEKI) naté ngadani acara Kontes Kopi Indonésia (KKSI) nalika taun 2008.[3] Acara iki dianakake kanggo mènèhi bukti kualitas Kopi Indonésia sing pancen apik lan patut diwènèhi pathokan rega dhuwur.[3] Kajaba iku Kontes Kopi iki dipangajab bisa mènèhi ''referensi'' utawa pengalaman kanggo mutu kopi sabanjuré ing sakupenge wewengkon Indonésia.[3] Pratono ngamdharake, sasuwéné iki wong – wong saka manca bisa tuku kopi Indonésia kanthi rega kang murah.[3] Amarga dhèwèké ngerti para tani bakal rugi yèn kasil kopine ora age – age payu.[3] Awit saka iku, para tani, tukang kebon, eksportir lan pamarintah kudu mbéntuk regulasi sing bisa mimpin.[3] Rega kopi kudu disarujuki bebarengan, supaya Kopi Indonésia sing duwé kualitas apik iki ora mung manut karo pepinginane investor sing duwé dana baé.[3]
Putri Kopi
besutKementerian Kebudayaan lan Pariwisata wis nyamektakake reroncene acara kanggo nyengkuyung promosi destinasi wisata lan narik kawigatene wisatawan domestik lan manca.[4] Salah siji carané ya iku kanthi nganakake Kontes Kecantikan Putri Kopi.[4] ”Ing Kolombia ana acara kaya Miss World nanging kopi.[4] Indonésia lagi sapisan iki mèlu kampanye kopi – kopi Indonésia”, miturut Dirjen Pemasaran Kemenbudpar, Sapta Nirwandar, nalika dina senin surya kaping 8 Maret 2011.[4] Panjenengane uga ngandharake yèn Indonésia minangka salah sijining produsen kopi gedhé dhéwé ing donya.[4] Acara tingkat Internasional bakal dianakake ing Kolombia nalika wulan November 2011.[4] Déné kanggo tingkat nasional, bakal dianakake nalika wulan April 2011.[4] Acara pemilihan duta kopi Internasional, bakal dadi sarana promosi lan ngenalke kopi – kopi Indonésia.[4] Ana 14 provinsi sing bakal mèlu pertisipasi ing acara Putri kopi kaya ta Flores, Toraja, Lampung, Jawa, Bali dan lain-lain.[4] Kejaba kontès Putri Kopi, Kemenbudpar uga nyiapake sapérangan acara kanggo promosi destinasi wisata.[4] Salah sijiné ya iku Asosiasi Eksportir Kopi Indonésia (AEKI) lan Asosiasi Kopi Specialty Indonésia (AKSI) kasil nggandheng 140 ''buyer'' saka Amérikah Sarékat minangka cara kanggo nambah jaringan pasar kopi khas Indonésia ing nagara mau.[5] Paraga ing komoditas pertanian iku nggandheng ''buyer'' lantaran mèlu dadi peserta ing ajang taunan Specialty Coffee Association of America’s (SCAA) kaping 23 ing Houston nalika tanggal 28 April-1 Mèi 2011.[5]
Cathetan suku
besut- ↑ a b c d e f g h i j k l m n o p q r s t u v w x y z www.kopitribulus.com/sejarah-kopi Archived 2012-01-19 at the Wayback Machine. (diunduh tanggal 22 April 2011)
- ↑ a b c d e f g h i j k l m n lipsus.kompas.com/grammyawards/Produksi.Kopi.Indonésia.Masih.Posisi.Empat.Dunia [pranala mati permanèn] (diunduh tanggal 5 Mèi 2011)
- ↑ a b c d e f g nasional.kompas.com/tujnjukkan.kopi.indonesia.berkualitas.melalui.kontes (diunduh tanggal 5 mei 2011)
- ↑ a b c d e f g h i j travel.kompas.com/Wow.Indonésia.Akan.Punya.Putri.Kopi (diunduh tanggal 5 mei 2011)
- ↑ a b www.bisnis.com/ékonomi/perdagangan/eksportir-kopi-gaet-komitmen-ekspor-dari-140-pembeli-di-as[pranala mati permanèn] (diunduh tanggal 5 mei 2011)