Wikipédia:Papat Limpad

Papat Limpad

Papat Limpad iku istilah sajeroning Basa Jawa sing tegesé Papat Pinunjul lan minangka ajang kompetisi nulis ing situs Wikipedia Basa Jawa sing dianakaké ing Universitas Negeri Semarang (UNNES) bebarengan karo Wikimedia Indonésia. Diiloni déning 100 peserta saka kalangan mahasiswa saka UNNES Semarang, para peserta bakal diuji ketahanané nulis nganggo cara Jawa aksara latin, ing sajeroning wektu 7 (pitung) sasi ya iku wiwit sasi April nganti Oktober taun 2011). Liwat kompetisi iki diangkah bakal ana penambahan gunggung lan kuwalitas artikel-artikel abasa Jawa ing situs Wikipedia abasa Jawa. Kanthi mangkono bisa dadi upaya nuwuh ngrembakaké Wikipedia abasa Jawa, sisan wujud upaya kanggo nyengkuyung upaya nyebar kawruh sajeroning basa Jawa kanthi gratis kanggo masarakat. Kompetisi nulis Papat Limpad iki kanggo sing sepisanan dianakaké ing Wikipedia abasa Jawa déning Wikimedia Indonésia kerjasama karo Universitas Negeri Semarang nganggo dana grant saka Wikimedia Foundation ing Amérika Sarékat. Sadurungé, Wikimedia Indonésia wis naté nganakaké konpetisi nulis ing basa Indonésia sing diarani proyèk Bébasaké Kawruh 2010. Amarga dianggep kasil ngundhakaké gunggung artikel lan cacahing naraguna aktif mula Papat Limpad iki diterusaké ing taun 2012 kanthi jeneng Papat Limpad 2012.

Kompetisi nulis

Poster Papat Limpad

Kompetisi nulis iki digagas déning Proyek Utama Wikimedia Cipta ya iku kompetisi dirancang minangka acara kaintegrasi wujud pelatihan, uji ketahanan, upaya nambah artikel kuwalitas apik abasa Jawa ing ranah internèt ing sajeroning wektu pitung sasi. Kompetisi iki dianakaké minangka upaya nyurung semangat sukarélawan mbébasaké kawruh.

Kompetisi sing suwéné pitung sasi dirancang minangka sasana pelatihan sing bakal mecut juru nulis-juru nulis anyar sajeroning basa Jawa ing babagan ngumpulaké lan nulisaké informasi. Diajab kanthi anané para juru nulis-juru nulis anyar mau, artikel-artikel abasa Jawa ing Indonésia dadi tansaya akèh lan mènèhi aksès kawruh tumrap panutur basa Jawa sing ngupaya informasi liwat internèt. Amarga saka iku, gaya panulisan para peserta, saliyané diwajibaké nganut kaidah basa Jawa sing apik lan bener, kudu duwé gaya ènsiklopedhis lan dingertèni kabèh wong kanthi umum. Karya lan aktivitas para peserta bakal dibiji kanthi periodik déning para juri sing dumadi saka gabungan panitia, dosèn UNNES, lan uga perwakilan saka naraguna Wikipédia Basa Jawa. Kompetisi iki bakal diwiwiti kanthi pelatihan marang kabèh peserta saéngga bisa nulis miturut baku kompetisi sing diwanuhaké déning Wikimedia Indonésia.

Pelatihan lan nyunting bebarengan

Kompetisi nulis Papat Limpad ditata kanthi aturan sing cetha kanggo jaga nétralitas lan lumintuné prosès nyunting ing Wikipedia basa Jawa. Bab iki wigati tumrap Wikipedia kanggo jaga supaya tetep lumintu anané naraguna sing nyunting saben dinané lan uga bisa nambah cacahing artikel. Cara kompetisi sing ora mung wujud 'sapisan dadi' iki uga wigati tumrap para paserta kompetisi sing lumrahé asal saka Fakultas Basa lan Seni UNNES jurusan basa Jawa, supaya luwih trampil lan kulina nulis ing basa Jawa. Para paserta wiwitané dibimbing ngenani paugeran lan wewaton sing wis baku ana ing situs Wikipedia. Saliyané iku uga dibimbing cara nyunting, gawé artikel anyar, ngganti irah-irahan artikel, ngunggah gambar, masang pranala, mènèhi kategori lan tandha-tandha utawa kodhe-kodhe liya sing ana ing situs Wikipedia. Sawisé bisa ngayahi panyuntingan para paserta diwajibaké nyunting utawa gawé artikel anyar lan dicathet présènsiné. Awit durung kulina mula para panitia sregeb mènèhi bimbingan pelatihan wujud pelatihan miturut jadwal lan kerep uga pelatihan tambahan sajabaning jadwal supaya para paserta ora kabingungan. Kala-kala uga dianakaké acara nyunting bebarengan ing laladan kampus UNNES lan laladan liyané sing nyadiakaké fasilitas wifi. Paugeran liya sing kudu diugemi déning para paserta kompetisi saliyané sing mligi tumrap lingkup kompetisi, ya iku paugeran lan kawicaksanan umum sing wis lumaku ing Wikipedia salawasé iki. Wewaton mau antarané wujud kawicaksanan nétralitas artikel, ora kena nglanggar hak cipta, lan aturan liyané sing diamot ing wewaton panca pilar Wikipedia.

Sawetara aturan kompetisi kaya kacetha ing tuladha aturan kompetisi babak sepisanan ing ingisor iki:

Asil kompetisi

Dina Kemis tanggal 13 Oktober 2011 Kompetisi nulis Papat Limpad resmi ditutup sajeroning sawijining adicara gedhèn bebarengan karo pasowanan ageng Gebyar Budaya Jawa ing kampus UNNES Semarang. Sawisé nyandhak pitung sasi suwéné kompetisi wis ngasilaké punjul 200 artikel anyar lan uga nuwuhaké panambahan aktivitas suntingan sing kapara nyata.

Kuantitatif

Screenshot owah-owanan ing Wikipedia abasa Jawa

Sacara kuantitatif, asil-asil tuwuhing gunggung artikel lan gunggung suntingan kacathet sajeroning statistik Wikipedia. Gunggung artikel ing Wikipedia abasa Jawa nalika kompetisi nulis iki diwiwiti ana 32.000 luwih artikel, ing sasi Oktober wis nuduhaké panambahan dadi punjul 37.000 artikel. Dadi kanthi kasat mata panambahan gunggung artikel iki punjul 4.000 artikel. Saliyané iku cacahing suntingan uga nambah akèh. Nalika kompetii diwiwiti ing sasi Maret 2011 cacahing suntingan ana 459.057 suntingan, ing sasi Oktober wis dadi 582.781 suntingan, utawa panambahan kurang luwih 120.000 suntingan. Semono uga cacahing pamaca ing wiwitan kompetisi nuduhaké angka 1.2 yuta, déné ing sasi Oktober tikel dadi punjul 2 yuta. Saka kabèh mau, ing sasi Oktober 2011 peringkat Wikipedia abasa Jawa mundhak dadi peringkat 62 saka 282 basa-basa ing donya sing duwé Wikipedia.

Paserta Papat Limpad I

Nalika dina pambuka ana kurang luwih 70 paserta sing mèlu ngregengaké kompetisi lan pelatihan nulis ing basa Jawa iki, nanging kanthi lumakuning kompetisi sawetara paserta palastra.

Para pamenang

Kumpulan foto ing panutupan proyek papat limpad

Uga delengen

• Papat Limpad 2012
• Wikipedia abasa Jawa

Pranala njaba

• Universitas Negeri Semarang: Wikipedia dan Jurusan Basa Jawa Adakan Kompetisi Menulis
• Universitas Negeri Semarang: Christian Soegiono Dukung Papat Limpad Wikipedia Basa Jawa
• Suara Merdeka: Kompetisi Papat Limpad Diluncurkan: Christian Sugiono Kampanyekan Wikipedia Basa Jawa
• KRjogja.com: Unnes - Wikipedia Luncurkan 'Papat Limpad
• Artikel Papat Limpad di Harian Wawasan
• Artikel Papat Limpad di Harian Suara Merdeka Cithak
• Peraturan lomba
• Artikel Peluncuran Papat Limpad di Warta Jawa Tengah (22 Maret 2011)
• Artikel dan video streaming di TVKU Semarang: Papad Limpad - Menulis di Wikipedia dengan Basa Jawa (23 Maret 2011)
• Antara Jateng: Unnes-Wikipedia Kembangkan Artikel Basa Jawa
• UNES Gandeng Wikipedia Indonésia Kembangkan Artikel Basa Jawa
• TVOne: Wikipedia kembangkan artikel Basa Jawa

Gladri

Rawuhé Dirèktur Papat Limpad lan wakil ing Jurusan Basa Jawa FBS UNNES

• 
  Gerbang UNNES, Semarang
• FBS UNNES, Semarang
  FBS UNNES, Semarang
• 
  Pangenalan, Semarang
• 
  Palatihan panitya, Semarang

Rapat Persiapan Panitya Jakarta

• 
  Rapat persiapan Plaza Semanggi, Jakarta
• 
  Rapat persiapan Plaza Semanggi, Jakarta
• 
  Rapat persiapan Blok M Plaza, Jakarta
• 
  Rapat persiapan Blok M Plaza, Jakarta
• 
  Ngrancang anggaran ing Blok M Plaza, Jakarta

Tapak asma Dirèktur Eksekutif lan pelatihan panitya Papat Limpad

• 
  Wakil Direktur 'Papat Limpad' rawuh ing Semarang
• 
  Paparan Direktur Eksekutif Wikimedia Indonésia
• 
  Dhiskusi
• 
  Tapak asma
• 
  Dhiskusi
• 
  Dhiskusi
• 
  Pelatihan panitya
• 
  Pelatihan panitya
• 
  Pelatihan panitya
• 
  Pelatihan panitya
• 
  Pelatihan panitya

Paluncuran Proyèk Papat Limpad ing Gedung Dekanad FBS UNNES

• 
  Peluncuran
• 
  Peluncuran Papat Limpad
• 
  Paluncuran lan Palatihan
• 
  Dhiskusi Panitya lan Dosèn
• 
  Dirèktur Proyèk bebarengan Dosèn
• 
  Dhiskusi
• 
  Pelatihan panitya
• 
  Poster

Pamantepan panitya lan peserta Papat Limpat Semarang

• 
  Rapat koordinasi ing FBS UNNES Semarang
• 
  Palatihan panitya babagan adminstrasi proyèk Papat Limpad ing kawasan simpang lima
• 
  Palatihan bebarengan Pak Moel ing lanté dhasar G.Dekanat FBS UNNES Semarang
• 
  Dhiskusi bebarengan Pak Moel ing kawasan kampus UNNES Semarang
• 
  Palatihan Panitya Papat Limpad ing kawasan simpang lima Semarang
• 
  Palatihan Panitya Papat Limpad déning Pak Moel, ing ruwang dosèn jurusan Basa Jawa FBS UNNES
• 
  Dirèktur proyèk Papat Limpad (Pak Prasetyo) mènèhi semangat marang para peserta Papat Limpad UNNES
• 
  Semangat
• 
  Dhiskusi antarané Dirèktur Proyèk karo peserta kompetisi Papat Limpad

Panutupan Papat Limpad

• 
  Parsiapan Panutupan
• 
  Parsiapan cucuk lampah ing Panutupan Papat Limpad
• 
  Rombongan cucuk lampah mlebu kawasan panutupan
• 
  Ular-ular panutupan déning PD II FBS UNNES
• 
  Ular-ular Direktur Proyek Papat Limpat Bapak Prasetyo ing acara Gebyar Jawa dan Kompetisi menulis basa jawa di wikipedia (FBS, UNNES)
• 
  Ular-ular panjenengané Pambantu Rektor III Unnes ing panutupan Papat Limpad
• 
  Pambantu Rektor III nguculake manuk emprit dadi pertanda resmi dibukak Gebyar Jawa lan ditutup Papat Limpad
• 
  Dianugrahake bebungah ing jawara I Papat Limpad déning Panjenengané Pambantu Rektor III UNNES
• 
  Dianugrahake bebungah ing jawara II Papat Limpad déning Panjenengané Direktur Papat Limpat Bapak Prasetyo
• 
  Dianugrahake bebungah ing jawara III Papat Limpad déning Panjenengané Prndiri wikipedia Indonesa Pak Revo Arkagiri Soekatna
• 
  Dianugrahake bebungah ing jawara IV Papat Limpad déning Panjenengané Pambantu Dekan III Kamahasiswaan FBS UNNES
• 
  Dianugrahake bebungah ing jawara V Papat Limpad déning Panjenengané Ketua Jurursan Basa lan Sastra Jawa FBS UNNES
• 
  Para Jawara