Wukuf iku kagiyatan utama sajeroning ngibadah kaji. Malah, inti ngibadah kaji yaiku wukuf utawa meneng kanthi ndonga ing Padang Arafah. Yèn sajeroning nglakoni Ibadah Kaji jamaah ora bisa nindakaké wukuf, ora sah ngibadah kajiné. Wukuf ditindakaké mung sadina (awan) ing tanggal 9 Dzulhijjah miturut kalèndher Hijriyah. Cara nglakoni ngibadah wukuf yaiku kanthi meneng (lan ndonga) ing ara-ara amba kang dumunung ana ing sisih wétan kutha ta Mekah, Saudi Arabia. Ing tlatah kang cengkar tanpa wangunan iki, punjul rong yuta umat Islam saka saindhenging jagad kumpul saben taun ngayahi ritual wukuf.
