Jumrah

Jumrah (basa Arab: jamarah, jamak: jamaraat) iku tugu saka watu kang dibalangi krikil sajeroning ritual ngibadah kaji. Dunungé ana ing Mina cedhak kutha Mekah lan cacahé ana telu, yaiku kang gedhé dhéwé jenengé Jumrah Aqabah, déné jumrah liyané kang luwih cilik jenengé Jumrah Ula lan Jumrah Wustha.

Artikel iki bagéyan saka sèri Islam Rukun Islam Sahadat · Salat · Pasa Jakat · Kaji Rukun Iman Allah · Kuran · Malaékat Nabi · Dina Akhir Qada & Qadar Tokoh Islam Mukamad Nabi & Rasul · Sakabat Ahlul Bait Kutha suci Mekkah ·Madinah · Yérusalem Najaf · Karbala · Kufah Kazimain · Mashhad ·Istanbul Riyaya Éjrah · Idul Fitri · Idul Adha · Asyura · Ghadir Khum Arsitèktur Mesjid ·Menara ·Mihrab Ka'bah · Arsitèktur Islam Jabatan Fungsional Khalifah ·Ulama · Imam·Mullah·Ayatullah · Mufti Tèks & Ukum Kuran ·Kadis · Sunah Fiqih · Fatwa · Saréngat Madahab Sunni Kanapi ·Kambali Maliki ·Sapingi Singah Rolas Imam Ismailiyah·Zaidiyah Liyané Ibadi · Khawarij Murji'ah·Mu'taziliyah Delengen uga Gapura Islam Indeks perkara Islam

Mbalang jumrah

Mbalang jumrah iku hukumé wajib sajeroning ngayahi ngibadah kaji. Nalika ngibadah kaji mau para jemaah kaji kudu mbalang jumrah nganggo krikil kanggo mèngeti lelaku Nabi Ibrahim kang mbalangi sétan-sétan kang nggoda nalika Nabi Ibrahim arep ngèstokaké dhawuhé Allah ngurbanaké putrané Ismail. Para jemaah nglumpukaké krikil kang dianggo mbalang jumrah mau ana ing tlatah Muzdalifah. Kagiatan mbalang jumrah iki minangka kagiyatan kaping sanga sajeroning urutan kagiyatan-kagiyatan ritual kang kudu dilakoni wektu nindakaké Ibadah Kaji. Ritual mbalang jumrah iki mung dilakoni sajeroning ngibadah kaji lan ora ana sajeroning ngibadah umrah.

Amarga sipaté wajib mula jama'ah kang ora ngayahi mbalang jumrah kudu mbayar Dam (dendha) wujud nyembelèh wedhus. Yèn ora kuwawa bisa diganti mbayar fidyah utawa pasa 10 dina yaiku telung dina ing mangsa kaji ing tanah suci lan sisané dilakoni ing omah.

Nalika mbalang jumrah iki kerep kadadéan kacilakan amarga kurang luwih rong yuta jamaah kaji bebarengan lan dhesek-dhesekan ing panggonan kang padha. Mula saiki wis diyasa jalur kanggo mbalang jumrah nganti limang tingkat lan wis dipepaki sarana pengawasan kanthi èlèktronik

Tabel wektu mbalang jumrah

Tabel wektu mbalang jumrah (nafar Awal)
Tanggal	Kagiatan	Wektu paling wiwitan	Wektu pungkasan
10 Dulhijah	Mbalang jumrah Aqabah kaping pitu	Soré	Tengah wengi
11 Dulhijah	Mbalang telu jumrah kanthi urutan: Ula, Wustha, Aqabah	Surup	Tengah wengi
12 Dulhijah	Mbalang telu jumrah kanthi urutan: Ula, Wustha, Aqabah	Surup	Tengah wengi

Tabel wektu mbalang jumrah (nafar Sani)
Tanggal	Kagiatan	Wektu paling wiwitan	Wektu pungkasan
10 Dulhijah	Mbalang jumrah Aqabah kaping pitu	Soré	Tengah wengi
11 Dulhijah	Mbalang telu jumrah kanthi urutan: Ula, Wustha, Aqabah	Surup	Tengah wengi
12 Dulhijah	Mbalang telu jumrah kanthi urutan: Ula, Wustha, Aqabah	Surup	Tengah wengi
13 Dulhijah	Mbalang telu jumrah kanthi urutan: Ula, Wustha, Aqabah (Mung tumrap nafar sani)	Surup	Tengah wengii

Deleng uga

• Ibadah Kaji
• Mina
• Muzdalifah

Pranala njaba

• Haji dan Umrah Archived 2004-06-11 at the Wayback Machine.